كرواني صار مايصفر > بدون صوت

[رهام الغلا]

السلام عليكم ورحمة الله وبركاته


انا بكل بساطه ياخواني بحط لكم مشكلتي
شريت لي فرخ كروان عمره 3 اسابيع من كم يوم وكان يصفر ويصيح وكان عنيد ماياكل الا لما افتح حلجه
المهم امس من العصر لين اليوم الصبح ماسمعت له صوت بس يفتح حلجه مثل الجيعان ولا له صوت ابد ابد
انا خايفه عليه والله وصار ياكل ماشاءالله بس اجيه يجلس يسوي الحركه اللي يبون ياكلون
واكرمكم الله برازه تغير قبل شوي شفته لونه بني قبل كان اخذر غامق وشبه سايل
الحين بني غامق نحيف
بس انا خايفه عليه وين راح صوته والله قمت اوسوس اليوم اقول حق خواتي باخذ غسولكم كلبوكم
ولما اروح انام احطه مع اخواني بالغرفه يكون جوها معتدل مو بارد ولا حار واكثر الوقت يجلس بدون مكيف وحاطته
في البياضه بس فاتحته لها باب والحين صرت اشوفه ماشاءالله يطلع منها ويغير مكانه
:mad:

[رهام الغلا]

يا اهل الخبره الله يرضى عليكم وينكم,
قولوا لي ايش السالفه مافيه صوت الكروان بس يفتح فمه من غير تصفير

[مـ ح ـروم]

لاتخافي عليه خيو
مافيه شي..ان شاء الله
والجماعة ماراح يقصرون^^

[الطائــر الغامــض]

..:: أبــد الكــراواان طبيعــي !! الفــرااخ لمــاا تكــوون صغيــرة تكــوون حريصــة كثيــــر علــى نفسهــاا !! لكــن خااصــةً إذاا كــاان راعيهــاا يشيلهــاا ويلعــب معاهــاا بيــرووح التوتــر والخــووف وبتصيــر مــاا تصــاارخ لأنهــاا صــاارت مطمئنــة عليــهـ !! ::..

..:: يعنــي لــوو أنــهـ مــاافيــهـ خمــووول أجــل انــ شــااءاللهـ ماافيــهـ إلــاا العاافيــة ,, بــس حاافظــي علــى تووفيــر الغــذااء الصحــي المتــواازن وتووفيــر الدفــئ واللهـ يحميــهـ لكــ ^_^ ::..

..:: تحيـــــــــــــــــــــــــــــــااااتي لكــ ::..

[رهام الغلا]

تسلم ماقصرت ربي يرضى عليك
انا دايم اشيلها يعني طبيعي السالفه
الحمدلله ربي يوفقك دنيا واخره ان شاءالله

[ابو التواريخ]

عادي طبيعيـ

أو يمكن الحويصلة مو فارغة

ولكن يتظاهر بالجوع حتى تلعبي معاهـ<<<<<صارت لي من قبل مع كرواناتيـ

[رهام الغلا]

ووووووووي يعني يقص علي
وانا كل ماشفته هلون رحت غريته خخخ

والله فرحتني ردودكم الله يوفقكم ان شاءالله

الحين سمعته يصيح تطمن قلبي عليه ويمكن مثل ماقلت يقص علي بس
حتى لما اجي اغره ياكل بس شويه ويوخر يعني صج يشذب

[عبدالمحسن جان]

الأخوة الأعضاء ماقصروا

ماشاء الله

بهذا التواصل والتفاعل