يالبت تفيدونا شباب في بلبولي الفرخ

[اسمراني]

السلام عليكم ورحمة الله وبركاته
كيف الحال ان شاء الله بخير
يا شباب انا عندي فرخ بلبول توه ريش ذنبته بدأ يطلع
والبلبول الحمد لله شهيته مفتوحة حتى اني صرت اقعد من الصبح الساعة 6 عشان ااكله :12:
و ماشاء الله كل ساعة او ساعة و نص اروح ااكله
بس اليوم سهرت ومانمت الا بعد صلاة الصبح و اكلته ونمت ولا قعدت الا الساعو 1 الظهر ورحت اليه الا هو يتقلب وكأنه يحتضر و ااكلته ولكن احس انه صار اضعف من اول بشوي :wao: كأنه مسوي رجيم
السؤال هنا هل شهيته بتقل ويصير عنده نقص فيتامينات او شيء؟؟؟>>> هوسي واااجد
ياليت تفيدونا يا شباب

[عليا]

اخوي الله يعطيك العافيه اهتم فيه
وفي اكله ويصير احسن من اول
حاول انك ماتتاخر عليه بالوجبات
وبتشوفه احسن من اول

[اسمراني]

تسلمي اختي وماقصرتي والله
وهذا اللي انا سويته بس لاحظت انه عظامته صارت ضعيفة شوي
وجاه اسهال

[عليا]

اخوي حط طيرك شويه في الشمس
- عندما يتعرض جسم الطائر لاشعة الشمس يقوم جسم الطائر بشكل طبيعي بانتاج
فيتامين (d) وهذا الفيتامين يلعب دورا كبيرا وعاملا رئيسيا في امتصاص الجسم للكالسيوم ..
والكالسيوم كما نعلم اساسي وحيوي لبناء العظام والحفاظ على صحتها ويخفف من مخاطر الاصابة بهشاشة العظام كما يساعد على تكوين وتقوية قشر البيض للاناث كما يعزز قدرة الامعاء على امتصاص الكالسيوم
كما ان اشعة الشمس تقي من الكساح وتشوهات العظام
انتبه من 10-15 دقيقه قبل العشر صباحأاوبعد الساعه 5مساء
واسلق بيضه وحطها بالخلاص مع البقسماط واكله منها
وان شاءالله يتحسن

[اسمراني]

مشكورة اختي ما قصرتي والله

طريقة حلوة راح اسويها

[Bader Alhajeri]

حاذر أخوي طيرك مريض !!

السهال شي مايبشر بخير أبد !!
بالنسبة للأكل
البلبول كل ساعة يصارخ عشان ياكل ولما تأكله ياكل ثلاث أكلات ويسكت

يعني بالمختصر ماعليك منه مو كل ساعة تأكله
عطة خمس وجبات باليوم أو 6 كفاية تر
مو كل ساعة

[اسمراني]

تسلم اخوي بدر وما قصرت

الله يستر والله خوفنا هالبلبول

[YHK]

اذا كان عايش :)
لا تعتمد على الاكل الي يبيعوه في المحلات فقط اعطيه خيار و تفاح و تمر ...
واكله كل 20 دقيقة او حولها انت تتركه مدة طويلة بدون اكل

[YHK]

والاسهال انت طالع في الفضلات (اكرمكم الله) اذا شفت لونها طبيعي (متناسق مع الاكل الي تعطيه اياه) اعطيه موز

[اسمراني]

تسلم اخي uhk ع المعلومات لكن الحمدلله الطير صحته اصبحت ممتازة ولكن نجرب طريقة الغذاء هذي

[احساس الطبيعه]

اخي الكريم
السلام عليكم ورحمة الله
الاكل كل ساعه مضر اذا كان بكميه كبيره
اما اذا كانت الكميه قليله فلا تضر انشاء الله بالطائر
اذا حسيت انك بتطول عليه في الاكل زي المشكله اللي حصلت معك حط عنده في الليل ربع حبه موز وهو اذا حس بالجوع حياكل من حاله باذن الله وانا مجرب الطريقه هذي
تحياتي

[اسمراني]

شكرا اخي احساس الطبيعة شرفني مرورك

[فـكـر مـن جـديـد !]

لآتتأخر على غذآئه وحطه في الحوش شوي ..

[اسمراني]

ما يهمك اخوي انا اذا ما عندي شيء اول ماتطلع الشمس اطلعه يتشمس 10 دقايق وادخله