مشاهدة النسخة كاملة : ابي احد يفيدني ..؟
3aloe
14-03-2007, 04:09 AM
السلام عليكم...شلونكم ..
ابي احد يساعدني ويعطيني حلول لمشكلتي .
انا مشكلتي اني احب القطاوه وكل الي في بيتنا يحبون القطاوه بس
المشكله مو اهنيه المشكله انه امي ما ترضا اشتري قطوه <<<<يسمع كلام امه ههههه
ولا تفكرون انا اصغير انا توني ماخذ الليسن اصغير بس مو اصغير واايد اي بس الله يسلمكم
امي ما تحب انه ايب قطوه البيت لانه مره شريت قطو سيامي وست سالفه ورديت بعته ما طول عندي ومره شريت قطوه شيرازيه وكانت حليوه وامي اقتنعت بالاول بس بعدين القطوه صار فيها تكرمون اسهال واهني امي بدت تحن علي وتقول بيعها وبعتها بس انا مينون قطاوه حتى لو اشوف اقطاوه الفريج اموت عليهم وابي انكم تعطوني الحل شلون اقنع امي انها ترضا بالقطوه وعلى العلم انه بيتنا مو كبير وايد وكل غرفا فيها شي وابي تقولولي وين احطها اذا شريتها ووين احط التراب .
وانا ابي اشتري قطوه اصغيره يعني عمرها شهرين وبليز قولولي شو الاكل المناسب وشنو
اقدر اوكلها من اكل البيت واكل المعلب .
اي بعد ابي منكم تعطوني محلات بيع قطط بالكويت ويكون المحل موثوق منه .
وبس وانا شاكر لكم مقدما.
باااااااااااااي
Dominique
14-03-2007, 04:29 AM
مرحبا أخوي
مبروك على الليسن أولا
ثانيا
هذي كانت مشكلتي مع أبوي
أمي تموت على القطاوة بس أبوي كان يشمئز منها
شوف الحل
أول شي اذا عندكم مخزن أو ان غرفتك كبيرة أو حمامك قريب على غرفتك
تروح أول شي تشتري صندوق تراب للقطوة وتشتري ترابها وتشتري دراي فود ومعلب يناسب عمرها. وتشتري شامبو خاص للقطط ومشط خاص
وتروح تشتري القطوة ( كله بطلعة وحدة )
أول ما توصل البيت تطييييييييييير على المكان اللي ناوي تحط صندوق تراب القطوة فيه وتحط الصندوق وتزهبه وتمليه تراب وتفتح صندوق القطوة اللي يايبها فيه من المحل على طول بصندوق التراب
لأن القطوة اذا عرفت مكان ترابها على طول راح توصخ فيه...
ولازم توديها البيطري لأي سبب تشوفها مو طبيعية
( عطست، حاشها اسهال، قامت تستفرغ، أو تتبول في غير مكانها أو ان برازها معاه دم)
المهم لازم تطعمها وتراعيها وتحافظ على نظافتها
علشان محد تكون له حجة عليك ويلزمك تبيعها
وقولهم خلاص آنا عندي ليسن يعني ما أحتاج أحد يوديني البيطري ولا الجمعية علشان أشتري أغراض القطوة.. بسوي كلشي بروحي
وأهم شي
انك تيمع من مصروفك وتخصص منه جزء للقطوة.. مو كل شوي تطلب من أبوك ولا أمك فلوس.. جذي راح يقولونلك
" شوف انت مو قادر على مصاريفها.. بيعها ولي اشتغلت ييبلك قطوة ! "
هالطريقة اتبعتها مع أهلي ( طبعا في البداية كان فيه حنة أسبوعية من الوالد علشان أودي دمدم قلبي اللي صورته بتوقيعي )
بس حاليا .. أبوي يموت في دومينيك أكثر مني لأنه نظيف وماله حس
.
.
.
3aloe
14-03-2007, 04:49 AM
مشكووووره اختي على الكلام الحلو والي يدخل النفس وانشالله
راح اسوي واطبق كل كلمه قلتيها لي وانشالله انا راح اصرف عليها وحتى
راح اشتريها من حسابي الخاص ويارب يخليلج دومنيك وشكله كيوت
بس انا شنو تنصحيني اشتري قطوه انثى ولا ذكر
Dominique
14-03-2007, 04:59 AM
مادري
بالنسبة لي آنا فأفضل أي حيوان انه يكون ذكر
مادري سبحان الله أشمئز من النثية
بس انت شوف شاللي يناسبك
يعني اذا ودك تزاوجها وتبيع عيالها فيبيلك نثية
أما اذا تبيه للعب والوناسة بالبيت فالذكر يونس بس راح يأذيك اذا كبر لأنه يقعد يماوي طول الليل يبي يتزاوج
ولا زم تختار فصيلة حلوة
الذكر الأنغورا التركي والشيرازي والسيامي يونسون بس مادري عن الهيمالايا
حسافة سوق الحمام مسكر
شفت هناك قطاوة روسية روووووووعة على 45 دينار وأعمارهم يمكن مو أكثر من شهرين
..
لا تتسرع وتشتريها من المحلات مثل ماي بوبي أو سكوبي دوو لأنهم دايما ياخذون زيادة
شوفلك أحد من ربعك أو ربع عيال عمك عندهم قطاوة وببيبيعونها واخذها منهم
وترى القطوة العودة ماتييب سعر وايد يعني مو تاخذ قطوة عمرها 7 أشهر أو سنة ويقولك ب40 أو 50 ترى يقص عليك
حدها ان كثرت ب20 لأنها كبيرة
اخذلك بحدود شهرين علشان تقدر تطعمها وجيك على عيونها مو وصخة أو ذبلانه شوف شعرها مافيه براغيث أو بقع خالية من الشعر
انشالله أكون وصلت المعلومات صح ;)
.
.
.
3aloe
14-03-2007, 05:12 AM
اختي انتي وكفيتي و وفيتي
وكلامج الصراحه مفيد وانتي افدتيني بمعلومات
كنت اعتقد انه محد راح يفيدني فيها
وسوق الحمام كله مسكر حسافه بس عادي
انطر لين يفتح واسوي كل كلمه قلتيلي عليها
وصج انج تصلحين تكونين مشرف هالقسم والله يوفقج ويخليج دم دم
Dominique
14-03-2007, 05:23 AM
العفو علاو
( صح علاو ؟ )
الله يسلمك واذا احتجت شي آنة بالخدمة
جاو
.
.
.
اميرالظلام
14-03-2007, 05:23 AM
على ما اعتقد دومينوك كفت ووفت
3aloe
14-03-2007, 05:28 AM
وانشاله اذا احتجت شي راح اسألج اول وحده
ونكي علاوي دلع علي ادلع نفسي بعد شسوي :)
امير الظلام اي والله دومينيك كفت ووفت بس اذا عندك
معلومات تفيدي وتفيد الغير قولها وانا شاكر لكم
قطو_Q8te
14-03-2007, 05:09 PM
دومنيك ماشالله عليها ماقصرت
علاو انجانك تبي قطو عمره شهرين \ ذكر
قطوتي لوسي ولدت وعارض ولدها للبيع:
http://www.w30w.com/up-pic/uploads/7008007be2.jpg
الي عاليسار
وفي ذكر اسود ساده
3aloe
15-03-2007, 11:31 AM
اخوي قطو
انا دزيت لك رساله خاصه بخصوص القطو
وارجو منك انك تقرها ومشالله القطو شكله حلو.
Powered by vBulletin Version 3.8.8 Alpha 1
Copyright ©2000 - 2025, Jelsoft Enterprises Ltd