المربين ومشكلة الحر <<<<كل مربي يدخل

[رعوود]

السلام عليكم


كيفكم؟

ان شاء الله تمام


اخواني اخواتي زي ما كلنا عارفين

ان الصيف مقبل علينا

وعلى حيواناتنا وطيورنا

واغلبنا يعاني من مشاكل فقدان حيوانات وطيور بسبب الحر

فانا حبيت احط هالموضوع عشان نفيد بعض ونستفيد


والموضوع هو ان كل شخص يدخل

وعنده حل لمشكلة الحر بالصيف


يحط لنا الحل ويفيد اخوانه واخواته


ونحاول هالصيف يمر بدون خسارة اي كائن

سواء

حيوان طير سمكة


وان شاء الله ما نفقد شي




وانا راح احط فكرة سمعتها قبل بالمنتدى من ابوي بوفهد

وهي للقوارض وممكن تستخدمها لحيوانات ثانيه



وهي انك تاخذ الجرة(الفخار)

وتملاها مويه وتحطها عالارض راح تبرد

لانه معروف قبل كانو يحطون الماي عشان تبرد بالفخار


ان شاء الله فهمتو قصدي


واي احد عنده حلول ثانيه للحر يفيدنا




واتمنى التفاعل مع الموضوع


وشكرا


مع السلامة

[Luis]

اهلين بأخي وصديقي رعوود...

بصراحة موضوعك مثير للجدل فعلاً...

ومشكلة الحر مشكله..بحيث انه مرة

اول مرة اشتري همسترات حطيتهم بغرفه ماكو فيها مكيف

بس مروحه وكانت شغاله لكن وقت الرطوبه ماتنفع...:(

وماتو علي..بعدها قلت ماني مربي همسترات مرة ثانيه...

لكن بعد محاولتي الثانيه تعلمت من الخطأ الأول انه الحيوانات

ماتستتحمل تقعد بالحر وخاصة الصغيرة منها...

وعشان كذا حطيتهم بغرفه معتدلة الحرارة..وماشاء الله الى الآن معاي..

وان شاء الله هالصيف بحاول اني احميهم بقد ماقدر من حر ولهيب الصيف..

ومشكور عالطريقه الرائعه...وان شاء الله ان لقيت طريقة بسارع بكتابتها...^.^

تحياتي لك خيو..

[رعوود]

اي والله اخوي لويس كثير ناس يعانون منها


ويالف شكر عالمرور



وننتظر التفاعل من باقي الاعضاء

[Dominique]

احنا نزلنا بيتنا هذا بالصيف اللي فات

أول مانزلنا كانت التكيفات مو شغالة يعني احنا لما نزلنا شغلناهم

بس دمدم ما استحمل الحر واللي زاد الطين بله ان المكان غريب عليه ارتفعت درجة حرارته وسيييدة على البيطري

لما رجعنا بالليل كان الجو بالغرف شوي بارد

بس الحيطان كانت نار

يعني البيت لسا ما برد من جدرانه بعد

فحاليا بدينا نشغل التكييف مرة ثانية

بس لأن غرفتي وغرفة اختي مفتوحين على بعض

فاحنا نشغل التكييف بس في الغرفة اللي مخصصة للقعدة

يعني نشغل التكييف في غرفة و ننام في الغرفة الثانية

جذي الباب مسكر طول الليل والغرفة تبرد شوي شوي

والهواء البارد مو علينا على طول لأن دمدم ينام عندنا وما أبيه يستبرد

واحنا التكييف ما يسكت عندنا في البيت في ولا غرفة

يعني غرف النوم مثلا مو مشغلين التكييف

الصالات مشغلين

وهكذا

البيت ما يخلى من الهوا البارد

وفكرة الحِب ( الآنية الفخار ) ممتازة للغرف اللي ما يدخلها هوا بارد أو ما فيها مروحة

وانشالله ما يصير في حيواناتنا شي

ميرسي على الفكرة
.
.
.

[رعوود]

العفو


وصحيح الحيوانات بالبيت

اقل عرضه لمشاكل الحر من الحيوانات الي برا البيت

ومشكوره عالتفاعل

[bloom]

العفو


وصحيح الحيوانات بالبيت

اقل عرضه لمشاكل الحر من الحيوانات الي برا البيت

ومشكوره عالتفاعل


:rolleyes: :p

[رعوود]

مشكور اخوي عالمرور

[الغسالة]

انا انصح بالمكيف المائي

انا ما جربت بس سمعت عنه

يصلح للحيوانات خارج المنزل

[رعوود]

اي نعم اختي

لكن مكلف وبعض الناس

ما راح تشتري مكيف مائي عشان حيوان او اثنين



ومشكوره عالمرور

[NoRa]

شكرا على الموضوع واللي عنده طرق زياده يا ليت ما يبخل علينا :)

[رعوود]

العفو اختي


وصحيح اتمنى من الاعضاء تفاعل اكثر

[مسافي]

انا عندي ارانب في المزرعه وبنيت القفص بجنب الكرفان لان الكرفان يطلع هوا بارد من تحت لما تشغل المكيف في الكرفان وحليت مشكله الحر

[رعوود]

فكرة حلوه اخي


ومشكور عالمرور

[راعي روتات]

فكره جميله وشكرا لك

[رعوود]

مشكور اخوي عالمرور

[3aloe]

مشكووورين على الحلول

[رعوود]

مشكور اخوي علوي عالمرور

[*عاشقة القطط*]

ماادري مافي حل

بس مابعمري مات عندي حيوان

من الحر حمد لله

بس حاولو تبعدوه عن الشمس


ولا اقوووووووول جاااااااااتني فكرررررة

ممكن تحطونهم بقفص

وتحطون فخار على ارضيه القفص

يكون رقيق عشان مايسوي ثقل

وامسحو عليه المويه

وننتظر المزيد

وشكرا على الموضوع

[قطرررررررررررري]

انا عن نفسي مع الحر

عندي موجوعه حيوانات وكل مجموعه لها حل لوحده

اولا الحمام المعزول كل جوز في قفص صغير لحاله للانتاج والتكاثر اعتمد نضام رذاذ الماء بعد تنضيف المكان وازالة الاوساخ والاكل وحتى الماء ارش على الحمام ماء بالبخاخ واتجنب ارش جهت العش حتى ماتكون رطوبه عليه وتسبب الامراض وارش وقت الشمس حاميه علشان تنشف لقفص لو زاد الماء وهذي طريقه للحمام

اما الحمام اللي حاطهم في قفص كبير احط لهم وعاء كبير فيه ماي وهم يغطسون ويبردون نفسهم

اما الارانب كنت معتمد طريقة رش الارضيه الترابيه في بعض الجهات بالماء وقت الظهر وكانت الارانب تجي وتقعد فوق هذا التراب لانه يكون بارد

واهم شي توفر الظلال بشكل كبير وخاص وقت الشمس حاميه

ويعدي كل صيف والحمدلله على كل خير باقل عدد من الوفيات للعلم في احد الاقفاص الكبيره

طيور الزيبرى والحمدلله صامده امام الحر وحتى الدايموند دوووف بعد صامد

واسمحولي على الاطاله

[صرار 2007]

كلامكم صحيح

احسن شي كل نوع بروحة

واذا عجبكم شي من اللي عندكم قولو مثل ما أمر الرسول الكريم {ص} الصحابة عندما يعجبهم امر

{ اللهم بارك فيه وبارك عليه } .

ودمتم انشالله سالمين

[رعوود]

مشكورين اخواني عالمرور والمشاركة بافكاركم

[سعودي]

نبي افكار جديدة^^

[wela]

اهلا كيفكم والله من زمااااان عنكم
المهم
عندي فكرة كنت اسويها للارنب اللي كان عندي وهي انو تجيبوا قطعة قماش كبيرة وتبلوها بالمويه وتغطوا بيها القفص من برة عشان تخفف شوي من الحرارة وتزيد الرطوبه شوي
ان شالله تستفيدوا منها
وشكرا لرعود عالفكرة الحلوة

[N72]

شكررراااااا على هذا الموضوووووع

مناسب في وقته ^^

أنا خايفة على دجاجاتي في الحررر

:( المشكلة كيف أتصرف وياااااااهم ؟؟

ماأقدر أحط لهم تبريييد ولا أقدر أدخلهم في البيييت

على أمل انهم يتحملوووووون الحر >_<

[رعوود]

ويلا مشكور عالفكرة



الجوال ان 72

تقدرين تستخدمين فكرة ويلا للدجاجات



ومشكورين عالمرور