شريت ببغاء جديد وابي رايكم .... ضروري

[يزن.mr]

يا ناس تكفون عطوني رايكم اليوم شريت ببغاء جديد ، وحاس إني اكلت مقلب
صاحب المحل يقولي هذا الببغاء هندي ، ويقولي هذا الببغاء يتعلم الكلام ، وهذا مو حجمة الطبيعي لسى فيه عمر ويصير اكبر ، ولما جاء زميلي يشوفه قالي صاحب المحل ضحك عليك
الشيء الثاني احسه متوحش بطريقة مو عادية مو زي الرمادي يجعر ، يا ليته يجعر
المشكلة ما يخليك تشوف حتى وجهه ، حتى بصوره لكم ما عطاني فرصه اصوره

تكفون أنتم شو رايكم ، أنا فعلاً إنضحك علي ، وش رايكم فيه ، أمانه بكل صدق أبي رايكم
تكفون لا تبخلون علي ، لإني احس بندم ما يخطر على بالكم .

وهذي الصور اللي قدرت التقطها لكم

http://www.9kk9.com/up/uploads/a091ecef25.jpg (http://www.9kk9.com/up)

http://www.9kk9.com/up/uploads/72a7131901.jpg (http://www.9kk9.com/up)

http://www.9kk9.com/up/uploads/39140d4017.jpg (http://www.9kk9.com/up)

لا تجاااااااااااااااااااااااااااااااااااااملوني ابي الصدق

يزن

[محترف كلاب]

اخي هذا ذكر بالغ وهذا هو حجم الدره الهندي العادي يعني انت منضحكش عليك ولا حاجه
وطبعا لازم يكون خائف لانه لسه جديد وعلي ما يطبع علي المكان حيكون في قمه الجمال وستسمع صوته الجميل

وربنا يوفقك

[صاحبة وفا]

بصراحة شفت انا مثل هالنوع وكان يقول كلمه ويصفر ويسوي صوت جلب .. ولو هذا حجمه صغير
هذا عيل نوعيته مش حلوه يعني لو مكانك ماشريته .. اذا كنت تبغي نوع يتكلم ترا مافي أحسن من الكاسكو أو الأمزوني .. ونا برايي أنك ترجعه يكون أحسن وأفضل

[د/أحمد توفيق]

بسم الله الرحمن الرحيم
أخي الكريم
كما تفضل الأخوة الكرام فهذا هو طائر الدرة المطوقة وهو ذكر بالغ ومن مواضفاتك له أنه غير أليف ولم يدربه أحد من قبل ..
اذا كنت اشتريته لتدربه أو ليألفك فلاأنصحك بذلك لأنه سيشعرك فعلا بالاحباط لأن هذا النوع من الطيور عنيد جدا وعضاض من الطراز الأول واشتري اي نوع آخر من الببغاوات سهلة التدريب .
يمكنك كذلك أن تشتري لهذا الذكر أنثى بالغة وأن تضعهم للتفريخ في موسم التفريخ وأن تأخذ من أفراخهم وتقوم بتدريبهم فهذا أروع وستحصل منه على طائر غاية في الجمال .

[الطاير]

يزن.mr ,,,,,,,

حياك الله


والله اذا انك بتطول بالك علية توكل على الله ... واذا مافيك صبره رجعه للمحل وخذ كروان 100% كبداية


انا شريت نفس الي عندك وطيرته بعد ماشريته باسبوع .... من جد مزاجه خاااايس
لا اكل ولا صفر ولاشي وخفت انه يموت عندي ,,,,,, واخر شي اديته كرت احمر


ماقول الا الله يكون في عونك
وااشتر لك ضماد حق اصابع .... بتحتاجة اكيد



تحية
الطاير

[يزن.mr]

محترف كلاب &&& صاحبة وفا &&&& د / أحمد توفيق &&& الطاير

أشكركم على هالمعومات ’ والله صدق استفدت منها ، بصراحة ما قصرتم / ما شاء الله عليكم كل واحد اعطاني معلومة من عندة لدرجة إني عرفت كل شيء عن هذا الببغاء ، وأنا شكلي بعمل مثل (((( الطاير )))) واطيره لأنه بصراحة جنني ، ويدي راحت فيها من العضعضه وشكله ما فيه أمل
ياناس متوحش لدرجة مو طبيعية والله العظيم

تحياتـيــــــــــــــــــــــــــــــــــــزن

[THE END]

لا يخوي لا تطيره..

هذا وين بيلقى رزقه ...

روح بيعه..

منها تتخلص منه ...
ومنها تحافظ عليه...

ومنها تكسب فيه...

او اعرضه بقسم التبني للي يبيه...

تحياتي..

[ببغاء اخضر]

السلام عليكم انا اقول اطول بالك وخليه كم من اسبوع يرتاح وظيف له سكر شويه وخليه يدلع وبعدين دربه افضل لك لان الذكر احسه احلى من الانثى فا انصحك اتخليه افضل لك وانشالله يجيك الفرج

[رعوود]

اخوي الببغاء مره حلو وجميل


ودرجة لونه شي



الله يخليه لك


واذا ما تبغيه وانت من الرياض

مستعد اشتريه منك

[الجنتل100]

اخوي لية تطيره رجعة لصاحب المحل وارمية في وجهه وخذ فلوسك لانة اعطاك معلومات خطأ عن الطير
اذا انا وانت والثاني والثالث تركنا مجال لهالعمالة بيستمرون في النصب

[بو العبد]

يا اخوي الببغاء هذا صيد يعني صايدينه من الجو وهذا ينباع عندنا بالسعودية (بالمنطقة الشرقية) الواحد 100 ريال وترا هو بعض الاحيان تحصل منه يطير خصوصا في فصل الصيف تحصله على النخل الطويل هناك يبني اعشاشه طباعا انا ما اقول ان اصله من السعودية هو معروف انه من النيبال والهند وهالاماكن بس اقولك ليش ماتخليه وتصيد فيه واذا تبغى تصيد فيه لازم يكون فيه هالشروط:
1_ يكون له صوت عالي
2_يكون بالغ وطبعا حقك بالغ
3_لازم يكون عندك مصيدة وشجرة أو نخلة كبيرة علشان تعلق عليه المصيدة والقفص الي هو فيه لان الطيور هذي تحب الاشجار
وانشاء الله اكون افدتك واي استفسار جاهزين