نصيحه بموضوع الثعابين

[صقر اصيل]

شباب بنات انا ودي اشتري ثعبان يكون مو كبير مره ولا صغير لاني توني مبتدأ

و ابي يكون سعره مو غالي !! يعني حدود 500

و انا شفت ثعابين كثيره بالمحلات

وشفت ثعبان مرره صغير و لونه اصفر < وش نوعه ؟

و ش تنصحوني بنوع مايكون سام ولا يكون غالي ..؟!

و شكرا اريد الكل يفيدني

[صقر اصيل]

احد يفيدني الله لصلحكم

[Octopus]

اعتقد قصدك الدساس و هو ثعبان يسمى ب البوا الرمال العربية و هو غير سام

[nemo991]

أغلب الثعابين اللي لونها أصفر تكون سامة طال عمرك هذا على حسب خبرتي

[صقر اصيل]

طيب قولولي على نوع ممتاز مايكون شرس

[|| PyTHoN ||]

الدساس رخيص و مو شرس و تربيته سهله
و حجمه صغير ما يعدي الـ 70 سانتي

ياكل فار كل اسبوع او اسبوعين و يكون مناسب
لحجمه ، و حوضه مجرد تكون معبيه رمل
+ ماعون صغير حق الماي

و ما تنسى يكون دافي ,,

[madtaz]

لو تخليها بوا او كاربت باثون احسن حلوين وتحس انهم ثعابين لها وزن

والشي راجعلك

المساحة + الفلوس + الاهتمام هي اللي تحدد النوع اللي تبيه

[|| PyTHoN ||]

^

مو كل الناس يحبون او يقدرون يربون أشياء ضخمه -_-"
ممكن انهم يكونون خطر على الناس خصوصاً لو في صغار
بالبيت ..

و بالنسبه لـ madtaz
انت توك ما كملت شهر مع الحيايه ما مداك تجرب المتعه
الحقيقيه :D ، لاحق عالعضات و العصر إصبر بس :D

ما عليك من كلامنا أليفه ولا مو أليفه :D

[ahmadsos]

السلام عليكم
ابوسيور كويس ورخيص

[madtaz]

اخ بايثون تصدق حتي عضاتهم متعه !!!!

اول مرة اجيب سجادية وبعدها بوا واليوم ان شاء الله بورميس :)

انواع الادمان

[طرائف الطبيعة]

من وجهة نظري البورميس تربيتها حلوة وسهلة بس عيبها تكبر بسرعة
المبلغ اللي معاك ما يكفي تشتري بورميس يبغالك شوي زيادة

[|| PyTHoN ||]

الصغار ممكن تقول العض منهم يكون نوع من الفكاهه
يعني ما تسببلك ضرر

لكن من تتعدى المترين او المترين ونص يبدي الجد بالتعامل
لا تتوقع العضه مجرد نقط على شكل الأسنان

بالنسبه للكبار يسحبون و بدال ما يكون الجرح نقط يكون
جلد متقطع ، يعني اقرب مثال أوضحه اهو شمخة القطوه
بس تخيل على عدد أسنانها :D

أقل شي 6 شقات لو انها ما عضتك عدل :D

بالنسبه للبورميس فهي غير مناسبه للمبتدئين و غير مناسبه
لفئه من الناس حتى ، لو انك تقدر تهتم بحيه ممكن توصل لـ 7
امتار لكن صعبه شوي ، بالغالب بتصير عندك 4 امتار فلك الإختيار

.
.

[madtaz]

واخيرا جبت البورميس ابو 8 شهور ( علي كلامهم ) طولها حول المتر ووسطها حلو ومتناسق مع

جسمها :)

عيونها زرقة في مرحلة تبديل . ويا ريت تصير 7 متر يا رب احد عنده طريقة كيف تكبر ؟؟؟؟ وتوصل 7

متر ؟؟

والحلو بالموضوع عديت 7 ايام علي اكلة السجادية واليوم اكلت هامستر اكبر شوي من الاول :D

فلللللللللللة بكرة ابصورلهم البورمية الجديدة :)

[|| PyTHoN ||]

مثل ما قلت صعبه توصل لهالحجم
لكن مو مستحيل :D

يعتمد عالحيه نفسها + تربيتها

وكلها اكثر من مره بالأسبوع و نوع لها الأكل
و بتشوفها تكبر بسرعه ^^