كل واحد يحكي لنا مشاكلة اللي واجهته في تدريب البغبغاوات

[عاشق المتاتيت]

السلام عليكم


أفتح هذا الموضوع لتبادل معلومات والطرق حول تربية فروخ البغبغاوات وكل واحد يحكي لنا تجربتة الممتعة في تدريب فروخ البغبغاوات


من المشاكل اللتي واجهتة والحلول ....


بالنسبة لي انا فرخي بغبغاء دره ماخدة غر والحين هو بعمر ال4 أشهر اطلعه برى القفص واحاول امسح على راسة يعض ... مشكلتة يخاف مني وكلا يعضني ولا لقيت حل لمشكلتة للحين

[*هاوي البادجي*]

وعليكم السلام

انا الفروخ زينين ولكن الكبار مو زينين انا شاري دره واحد عمره 4 اشهر ونصف وواحد عمره شهر او ان عمره 4 اسابيع

كلهم دره

الي عمره 4شهور مسب لي مشاكل الصراحه نفس مشكلتك وانا الحين مخليه اسبوعين بس اجي اكلمه وبس علشان يعرف اني ما راح ااذيه انا حندي حلول ولكن خل يفطم الببغاء الصغير وبعدين ابدأ معاه

والفرخ يحبني لأني انا اوكله وانا اشيله وانا العبه لما يشوفني يحاول يطير بس ما يعرف يطير مع انه عنده اجنحه كلمله لاكنه مو متعلم بعده صغير

[طير جديد]

موضوع حلو ومشكوووووووور ع الطرح المميز


انا مشكلتي كانت هي مني مو من طيري وهي قلة الصبر وهذي اكبر مشكله في التربيه


خسرت من ورى هذي المشكلة الى ان ماقلت بس

هذا موضوع انا منزله


الــــصبر مفــــتاح الفرج وفي التأني السلامة وفي العجلة الندامة ادخل وراح تستفيد

http://www.2zoo.com/vb/showthread.php?t=200820


تقبل مروري واشكرك مره ثاانية

[كاليبسو]

السلام عليكم
بالنسبه للفرووخ كل ما كان صغير
كل ما كاان احسن يعنى كل ما تطول
وانت تغره وتوكله ما رااح ينسااك اكيد
وبالنسبه للدره ذات الاربع شهور وتعض
ممكن تستخدم العسل او مربى التوت
على ايدك وتخليه يعضك ويجرب
وان شاء الله ما يعضك مره ثانيه
مره ثاانيه وهذه الطريقه مجربه 100%

[عـــاشق الكاسكو]

السلام عليكم


أفتح هذا الموضوع لتبادل معلومات والطرق حول تربية فروخ البغبغاوات وكل واحد يحكي لنا تجربتة الممتعة في تدريب فروخ البغبغاوات


من المشاكل اللتي واجهتة والحلول ....


بالنسبة لي انا فرخي بغبغاء دره ماخدة غر والحين هو بعمر ال4 أشهر اطلعه برى القفص واحاول امسح على راسة يعض ... مشكلتة يخاف مني وكلا يعضني ولا لقيت حل لمشكلتة للحين

يالغالي هذي عايديه انت طلعه وخلك مسيطير لاتخاف منه وقوله جيب راسك ولاتخاف منه
وكذا راح يتعود عليك ويطلع على يدك وانت كمان حط يدك قدام ودوخه فيها وحكه من فوق
وخله يطفش وكذا راح يتعود

[ابو ميلان]

انا ادرب الدره وتفهم لاكن اذا حاولت اروشها ولا حاولت امسكها بالغصب خلاص تنسى كل التدريب الي راح وابدأ من جديد وبديت اكون حذر مرررره في تعاملي معها وهذاني اجيبها يبمين ويسار عشان ماتزعل الاخت الدره هههه

[2fiq.200]

السلام عليكم
انا عندي كاسكو يا شباب اخذته فرخ ينغر المهم تعبت معه بس الحمدلله النتيجه طيبه يتكلم حاليا ويطير علا الكتف ويلعب في القفص وبرا القفص بس عندي مشكله عندي طفل صغير اذا شافه يخاف ويحاول يعضه ولو شاف حريم برضو يخاف مع الاصحاب تمام مع انو مو متعود عليهم ابي حل جذري ونهائي للموضوع مطفشني

[HooSam]

انا مشكلتي عندي طير كاسكو أليف ياكل من اليد ويطلع على يدي

بس المشكلة مايصفر هل في طير اطرم يعني مايصفر ولا شي

عمرهـ 10 شهور وجلس عندي فترة طويلة ماقد سمعته يصفر ولا يتكلم ولا يجعر ولا شي صنم ولا يلعب في القفص
بصراحة كرهته ><"

ساعدوني اذا في حل نجرب معاه إذا مافي الله يسهل عليه ><"

[أبو رآكان]

اول مشكور اخوي ع الطرح ..~

المشكلةة بالنسبة ليَ ..

هي انك تهيء الجو المناسب لطيرك الجديد ..

وتحاول تهديه ، في لحظة غفلة منك يجي . ولدك ياخذ عقلة .. بحركةة

وترجع تهدي من جديد ..

تحيأإتي لك..~

[معجب-]

السلام عليكم انا عندي كاسكو الرمادي هو يا كل من اليد لكن يعض اوكل ما اجي ابي اروضة بالفوطة يهرب اويجعر او مايطلع عل يد اقدر ادخل ايدي داخل القفص لكن ميصيح ولايعض انا ابي اخلي مايعض ولايهرب
ارجوكم ساعدوني

[معجب-]

لاما اجي امس ك راسة يعض اويهرب