اين تكمن المشكلة ؟

[Exotic]

لم يحدث اي تقدم مع "كاتو "
له تقريبا عندي خمسة اشهر لا استطيع اخراجه من القفص ، لا احس بالاندماج معه .
ان خرج من القفص اخشى عليه من يختبئ في مكان ولا استطيع اخراجه
اين تكمن المشكله في Exotic أو في كاتو ؟

[Mr. MeMo]

اتوقع ان المشكله تكمن في الاثنين

لربما الطائر كبير في السن و لم يتأقلم معك

و ايضا لا اعتقد انك قمت بالترويض بالشكل المطلوب

و لكن هلا اوضحت الطرق التي استخدمتها لترويضه

[Exotic]

انا شريته عمره عشر شهور اي كمل عندي السنه.
ممكن ماعرفت الاني اخاف يعض .
يتكلم
شلون اخليه اذا فتحت القفص يجي عندي على طول

[كاسكو البحرين]

انا شريته عمره عشر شهور اي كمل عندي السنه.
ممكن ماعرفت الاني اخاف يعض .
يتكلم
شلون اخليه اذا فتحت القفص يجي عندي على طول


اخوي اذا الطير على حسب كلامك 10 شهور وقت شراءه فعتقد هذا الاعمار سهله جداً لترويض ولكن بشرط التقيد بالشروط للترويض وانا سأذكر لك طريقة سويتها والحين الحمد لله الطير من متوحش اصبح أليف جداً

اخوي اولا لاتحاول انك تطلع الطير من القفص بالغصب يعني وقت اللي تريد اطلع الطير افتح القفص من فوق وضع له عصا مثل العصا اللي بالقفص عشان يقف عليها وخله على راااااااااااحته لين مايطلع بدون إزعاج الطير وطبعاً الطير خارج القفص مهم للجسمه لانه محتاج انه يحرك الاجنحه ونطلق على هذه النقطة (رياضة الطير)

حبيبي اتبع هالكلمات البسيطة وانا متأكد راح تجيب نتيجة 100%

كل يوم وقت العصر مثلاً طلع القفص وبعدين شيل اناء الطير والأكل عشان لو كان ردة فعل الطير الهروب او التخوف منك لاتسبب في اتساخ القفص او الفوظى
اولاً كن جريئ ولاتخاف الطير ما راح يعضك اذا انت ماخفت منه
افتح باب القفص وتأكد ان الاجنحه مقصوصة عشان لو مثلاً هرب من القفص بإمكانك ترجيعه بدون طيران الطير وخسرانه،ادخل يد واحده في القفص وترك اليد على العصا بدون خوووووووف اكرر
الطير بحاول اول مرة التهرب والتعلق بجانب من القفص وبعد مرور 5 دقايق ادخل اليد الثانية وخلها على العصا مثل اليد الاولى والعصا اللي اقصدها هي العصا اللي يوقف عليها الطير طبعاً
حاول وانت مدخل يدك تتكلم وتصفر الى الطير +الابتسامه :D
كرر هذه الطريقة اذا عندك وقت في اليوم 3 مرات واذا ماعندك وقت في اليوم مرة ومدة هذه الطريقة تكون 15 دقيقة
حرك اصابع يدك ، تصرف طبيعي جداً بدون خوف
يوم وره يوم حاول تقرب اليد اكثر فأكثر الى الطير
بعدها حاول تحجز الطير في الوسط يعني يكون الطير وسط يدك اليمين واليسار +التغريد والكلام
مع الايام بتحس ان الطير تعود على يدك ومع الايام حاول انك تمسح على رجله ومن ثم التدرج الى الافخاذ والصدر ولاتستعجل وتريد المسح على الرأس والظهر دع هذه المناطق بعد مايتأقلم ويآمن منك الطير


لي عودة

[Exotic]

انا المس راسه ورجله ومنقاره داخل القفص "واي واحد في البيت سوي معه نفس الشي "
وخارج القفص تقل ما يعرف احد .

انا بصراحة اخاف منه وهذا بحد ذاته مشكله .

ومن خوفي عليه اخليه اربع ايام أوكثر ما يطلع من القفص.

[Exotic]

عطونا وجه ..........................

ههههههههههههههههههههه

[Mr. MeMo]

اخي الكريم

ها انت تعرف المشكله و هي خوفك من العض
يجب عليك التجروء او الاستعانه بخبير
لمساعدتك

[Exotic]

اشكر تجاوبكم معي
المسأله مو بس الخوف من العض ...........
احس انه مايعرفني ............
اذا نزل من القفص اخاف عليه يجيه شي ونزل القفص ثم يدخل............
شلون ادري انه منسجم معي ( اي اصدقاء )..............

معليش غثيتكم بس والله محتار