كلبي يعض

[jassim99]

السلام عليكم
شباب كلبي جرو جيرمن عمره 3 شهور و نص مايخليني احك وجهه او جسمه دايما يحاول يعض ايدي وساعات يعض بقوه

حاولت اطلع طاقته بالعض بحبل يكون نهايته كره بس مايحبها
يحب كره الاطفال الوصواصه

أنا قريت بمواضيع قديمه ان ماينفع ضرب الكلب حتى لو غلط والصراحه عظاته مؤلمه شالحل ؟

وبعد اذنكم عندي كم سؤال

1_ هل ممكن اخلي كلبي مع عائله هسكي علما بان الجراء عمرهم 3 شهور ؟ ولا اخليه بروحه ؟

2_ أنا اذا طلعت معا ما أربطه بالليش لانه مايروح بعيد عني ولا يلعب مع اي احد غيري هل هذا صح ولا بهالعمر لازم اعوده عالليش ؟

[Abo_fahed]

السلام عليكم ورحمة الله وبركاته ..
اخوي بخصوص العض مشكلة يواجهها الكل في هذه المرحله من العمر تحمله شوي وحاول كثر ماتقدر تصرف نظره عن عظة اليد واول مايبدي يعظك عطه العضاضه ووخر عنه شوي والجرو دائما يعض بعد الاكل وان شالله مشكله وبتعدي ..
وبخصوص وضعه مع الهاسكي انا اشوف ان الهاسكي طبعه فيه غرور يحب يستملك المكان الي يعيش فيه بس مو الكل بس حطه معاهم وتحت الملاحظه وان شالله بتكون امورك ميسره وعلمنا باخر الاخبار ويتربون بعزك :)

[Musab Pro]

بالنسبة للخروج .. حاول دائما يكون مربوط بالليش .

وانا افضل الليش الطويل في هذي الحالات .. وممكن تفك الليش عنه مؤقت

اذا جلست في حديقه او ما شابهه .. عدا ذلك يكون مربوط بالليش الى ان ترجع للبيت .

[jassim99]

جزاكم الله خير و ماقصرتو عالردود

[د.مينا اسعد]

على حسب قرائتى فانة يجب ان يوجد عقاب لمنع تكرار الحدث وهذا مايحدث عند تدريب الكلاب اوامر الطاعة من قبل المدرب الخاص بهذا. فيجب العقاب من الصغر حتى مرحلة البكاء . ومرات كثيرة رايت سيطرة الكلاب الجريفون على اصحابها بعدما كبروا وذلك لفقدانهم السيطرة من الصغر. فما بالك بكلاب german spherd . د . مينا اسعد طبيب بيطرى.

[jassim99]

يعني اضرب الكلب لو عضني ؟ حتى لو كان يلعب ؟

ما ياثر على شخصيه الكلب ؟

[مممممممم]

ما انصحك في الضرب , اذا عضك حاول تقول بصوت حاد نو او حط على المنطقه الي يعضك فيها شطه وماراح يعضك .