مشكلتي مع kookii ابي لها حل؟؟؟؟

[BEBOO2]

السلام عليكم ورحمة الله وبركاته

كيفكم ان شاء الله بخير انا مشكلتي مع kookii اني اول ماشريته اوك احس انه مرتاح وينزل راسه ويخليني امسح على راسه وبعدين صار كانه مو مرتاح صار ينتف ريشه مع اني أاكله بيدي ومايسمع الكلام مع العلم ان عمره كبير ومتعلم بعض الكلمات من صاحبه القديم تكفووووووون ابي احد يعلمني كيف اتعامل معه من البدايه كااااامممممللللللللله ابي اعرف كل شي عنه وش اكلاته ووش نظامه وكيف اروشه والاماكن اللي يصلح انه يجلس فيها ابيه يرتاح لي ويتحمس اذا جيته وابي اعلمه يرقص وابي اعلمه حجات كثير ونفسي اخليه يوقف على يدي اتبعت طريقة Mr.MeeMoo بس ماجابت نتيجه لاني اذا دخلت يدي بالقفاز قام يجعر وانا مابيه يجعر لاني على حسب علمي لو قام يجعر بتورط تكفوووووون ابي احد يساعدني الله يعطيكم العافيه ويجزاكم خير ويفرج همكم ياااااااارب

[fawzi]

اخوي نصيحه خله في مكان مرتفع كل الي عليك نسويه عطه ماي واكل كل يوم ونظف القفص يوميا ولاتزعجه ولاشيء وحاول انك ماتخلي الطير ابروحه خله في الصاله لاكن بعيد عن المكيف لمده شهر

[BEBOO2]

الله يعطيك العافيه اخوي فواز ومشكووووووور على المرور استفدت انا بس ابي طريقه عشان اتعامل معه بكل شي يخصه

[ام ماجد]

ابي احد يعلمني كيف اتعامل معه من البدايه كااااامممممللللللللله ابي اعرف كل شي عنه


اول شي تخليه في مكان مرتفع ماتخلي احد يقرب منه ويزعجه تمرون من عنده طبيعي وبحركات هاديه علشان يراقبكم
حط له الاكل والماء ونظف القفص بنفسك
خلي وجهك بشوش :D


وش اكلاته

الشمسي وفي (المشكل البلجيكي) يكون مخلوط من كل الحبوب اللي تناسب له
الفول السوداني حبه والا حبتين باليوم كفايه والافضل اذا سمع كلامك يعني هديه :88:

نوع له قطع صغيره من ... تفاح , برتقال , موز , كمثرا , عنب , ذره , بازيلا , عدس , كرنب , فاصوليا خضراء , بطاطا , جزر , خس , جرجير , بيض , طماطم , خيار


بحيث ان النوع يآكله بالاسبوع مره يعني كل يوم نوع على حسب تقبيله وتوفر هالانواع عندك


وفي مواضيع عن الاكل دور عنها


ووش نظامه

النظام كل شخص وطريقته بس الافضل ينام 12 ساعه من المغرب الى بداية الصبح
تلعبه الصبح لأنه بيكون نشيط تطلعه من القفص بيفرفش ويصفر اذا ماتعود عادي لو شفته ساكت
طلعه بالشمس نص ساعه ولازم بداية شروقها والا على نهاية الغروب علشان تكون بارده واحنا بالحر


وكيف اروشه

بالصيف مرتين بالاسبوع وبرشاش الماء


والاماكن اللي يصلح انه يجلس فيها

اماكن وجود الناس والتلفزيون علشان مايمل
بالصاله مثلا والا بمكان جلوسكم بس يكون مرتفع ويآخذ راحته بدون مراقبتكم له
اهم شي مايكون بوجه المكيف والهواء يجيه

حاول تبعده عن التيارات الهوائيه البارده والحاره

يكون الجو معتدل مع المكيف لا بارد ولا حار

النوم لو فتحت عليه مكان حاول تقيس درجة الحراره اهم شي مايثلج ويصير دجاجه مثلجه :p
يعني المكيف تحطه منخفض وتغطيه بغطى مب ثقيل وتخلي جهه مفتوحه علشان يتنفس



ابيه يرتاح لي ويتحمس اذا جيته

عطيه من قعتك يوميا
خصص ساعه معاه تلعبه وتعطيه من ايدك وتتمشى فيه طبعا لو طلع على اليد
ولو بتزيد عن الساعه بيستانس :12:
عامله مثل الطفل ولاتصرخ عليه ودلعه بيحبك


وابي اعلمه يرقص وابي اعلمه حجات كثير

دور عن تدريب الخبراء


ونفسي اخليه يوقف على يدي


بعد مايتعود عليك وعلى اجواء البيت وكله من ايدك بعد تجويع بسيط ساعتين كفايه وبيآكل من اليد بكذا يكون تطمن عليك

خذ عصا القفص وخليه يطلع عليها
بيعضها عادي بس الح عليه وبيطلع وبيطير عنها
كرر لين يتعود ويطمئن
تمشى شوي ورجعه وهكذا لين يولف
ابعد عن القفاز وحاول تحط ايدك واذا حب التمشي وتطمن لك بيطلع على ايدك




واهم من هالكلام الصبــــــــــــــــــــر