يالربع احس الكاسكو الي عندي موسوس ....

[عز الخوي]

السلام عليكم ...

الحقيقه لفيت منتديات كثيره لكن ما لقيت ارجل واطلق من ها المنتدى :88:

الي حاصل يالربع اني شريت لي كاسكو وعلى ذمة راعيه الاول ان عمره بقرابة

السنه ..

المهم اخذت الطير بقفصه وعلقته بعيد عن ولد اختي الي احس انه بيتسبب في

حاله نفسيه لي انا فما بالك الطير :12:

الوكاد يالربع اني كنت جالس بغرفه ثانيه الا اسمع الي يقول ( يالله - يارب - الله أكبر - السلام

عليكم - يا احمد - ههههه <<<< ضحكة شريره )

انا حسبت ضيف قلط علينا الساعه 3 الفجر وجيتكم الين وصلت للشنب وطلع الطير

لي يتكلم طول اليوم .. طيب انبسطت لكن يوم جيته تقول صار اطرم ولا كلمه بس

تصفيره بسيطه .. المهم كل ما ابعد عنه يتكلم وخصوصا اذا ما شاف احد عنده ..

سافرت ورجعت للبيت وحطيته بقفص كبير ولاحظت عليه بعض الكلمات الجديده

مثلا ( يصفر تصفيره متقطعه وبعدها يقول ياحلووو - يا ولد - راسك راسك راسك )

لكن الموت يجيه اذا شافني يقلب اطرم .. والغريب في الموضوع انه اذا شاف زوجتي عادي

يصفر ويتكلم وهي تسجل له مقاطع .. لكن انا الله يخلف ولا كلمه ..

اذا اعطيته الاكل من يدي وهو داخل القفص ياخذه وياكله واحيانا يرميه لكن الاغلب ياكله ..

يخاف مني .. وبيوم طلعته قلت ابيه يتمشى بالبيت او يتعود علي وكل ما اقرب منه يهرب

الين جيت وانقضيت عليه وامسكه مع ارجوله بالقوه وبالنسبه للعض أحب اقول لكم انه

ما عضني وبس تقدورون تقولون افترس يدي الوكاد اني لاف على يدي الحين لزقة جروح :(

فهي حاجه من الثنتيين يا انه موسوس او منحرررف واشك في الثاانيه لانه ما يستطرب

ولا يرقص الا اذا شاف الحريم :eek:

استفساراتي كالآتي :

1 - ليش هذه الحركات يا طيري العزيز جاوبني قبل ما اطبخك على وجبة غداء ؟

2 - ليش يخاف مني ولا يبيني مع اني اليف وحنون وما اعض ؟

3 - انا البس نظارات هل ممكن تكون السبب ! ايش ذنبي اني احول :wao:

4 - ابي افصل له استاند تفصيل خاص وشو المقاس المفضل ؟

5 - ابي العن خير خيره وش نوع الاساليب المتاخذه للعن خيره ؟

6 - دقيقه اعدل قعدتي ارجولي نااامت :D

7 - اش اسوي مع اهله الين يولف علي ؟

تحياتي :freind:

[failaso0ofa]

خيبة خيبة

ههههههههههههههههههه

نصيحتي اقعد عندة وكلمة وبعد فترة بيتعود عليك والي عليك انك تصبر عليه مب حركات الإجرام الي كاتبها :)

وإن شاء الله الشباب بيفيدونك اكثر

[افريكانو]

اهلاً بك عضواً جديد في هذا المنتدى الرائع و ان شاء الله تفيد و تستفيد منه

يا خي عطى الطير فرصة وش هو خذوه فخلوه:wao: زين انه تعود على زوجتك من البداية و هو جديد الطائر و خصوصا الافريقي يحب في البداية يتعرف على المحيط او البيئة الجديدة الي هو فيها عطي فرصة شهر الين ما يتعود على الاشخاص و على البيئة الجديد و انصحك لا تبدا معاه اي تدريب الا بعد اقل شي اسبوعين من وجدوه في البيت و انت خلال الفترة هذا حطله اكل و شرب و نظف القفص و تكلم معاه ورح و بما انه متعود على زوجتك ركز انت الي تكون تحط له الاكل و الشرب فقط علشان يدرك انك انت ماراح تأذية و ينكسر حاجز الخوف منك و بعدها تنتقل الى المرحلة الثانية التدريب بس لازم تعدي المرحلة الاوله بنجاح تكسر حاجز الخوف علشان يتقبل منك اي شي .

تقبل مروري

[1Njood]

يمكن زوجتك عشانها تنظفه تغير اكله وكذا ؟
انا نفس الحاله عندي ببغا اذا شاف ابوي يروحله ويصفر ويتكلم ويخليه يلمس الي يبي عندي والشغالات وامي لا
بس مع ابوي والرجاجيل :|
وكل طير يرتاح لاحد وما يرتاح لاحد اصبر عليه
او اشتريلك ثاني خل عندكم اثنين احلى واحد معك والثاني مع زوجتك ^^
و حركتك الي انقضيت عليه ومسكته هذا يكرهك اكثر لا تروعه
وهذا الي عندي

[kitty]

ههههههه
اولا كم له معك ..............!!
بعدين حاااااول تجلس معاه كثير يعني حتى وانت تتفرج على التلفزيون خله قدامك ومن وقت لوقت سولف له وحاول تلعب معه
قدم له قطعة تفاحه مقشره وفول ........
حاول تمسح على راسه واذا رفض اتركه شوي بعدين ارجع امسح عليه ....
وبنسبه للستاااااند فيه اشكال كثيره وجاااااااهزه اذا انت من اهل الرياض روح سوق الطيور وبتحصل اشكال حلوه
ومتنوعه واسعارها شوي معقوله .....
وتحياتي لك

[نيمو ببغائي]

ههـــهــــــــــــــهــــــــــــــهــــــــــــهـــــــــــههههههههههههههه


الله يخليه لك اصبر عليه اذا كان جديد

[ابوفزاع]

خل يتعود عليك

مشكلة الكاسكو يكش اذا شاف وجه جديد

بس إن تعود عليك بتجي تنزل موضوع هنا وتطلب نعلمك شلون تسكته

[ابوغزل]

هههههههههههههههههههههههههههههههههههه مساء الخير

مشالله عليك مربي مهايطي ههههههههههههههههههههههههههههههههههههههه

يا خوي انا شايف انو رائع جدا انه طيرك تعود على شخص بالبيت احيانا ما يتعود على ايا شخص خصوصا لو كانت علاقته بمالكه السابق قوية او كان كبير بالعمر وماخوذ من الغابه


انك تلعن خيره وتلعن جده انا رايي خلها شوي تراها بالتفاهم تمشي هههههههههههههههههههه

انا اشوف انه الطير بيتعود عليكم بشكل رهيب بس تراها مصلحجية يعني الي ياكله ويشربه وينظفله تراه يتقربله لانه يحس باتصال اكبر بينه وبين المعتني فيه


تقبل مروري يا هاوي مهايطي هههههههههههههه :88: حبتين هههههههههههههههههه

[المساعدي]

الله يعينك ..

والصبرررر مثل ماقالوا من قبلي ..

والله يستر من الطير اللي عندي ..