اسئله للخبراء بليز

[ام توتي فروتي]

السلام عليكم عندي عده اسئله بليز ياليت محد يتجاهلها
1- قطوتي عندها ثلاثه كيتز وكبرو ولله الحمد صار عمرهم 78 يوم هل ممكن ابعدهم عن امهم لان هي بدات تفطمهم وتعصب اذا قرب منها احد واخاف ابعدهم تجلس تصيح وتزعجن وشرايكم هل بياثر عليها ؟؟
1- حاليا احس انها تطلب الزواج ولو تحمل انا بهج او انتحر ههههه لا من جد وش اسوي عشان امنعها من الزواج افكر اعطيها ابره تمنع الحمل هل الابره انواع وياليت تعطوني اسم الدوا وافضل مانع حمل وكم الجرعه ؟ وهل راح تاثر عليها صحيا ؟ المصيبه ابي ازوجها شيرازي تروح تتزوج لي من الشارع :mad: علما ان عمر قطوتي سنه وثلاث شهور
3- هل راح ترجع قطوتي زي اول او راح تتغير شخصيتها خصوصا بعد ماصارت ام ؟؟
وشكرا مقدما للي راح يردون :p

[دلوعةقطوتي]

السلام عليكم عندي عده اسئله بليز ياليت محد يتجاهلها

وعليكم السلام ورحمه الله وبركاته

1- قطوتي عندها ثلاثه كيتز وكبرو ولله الحمد صار عمرهم 78 يوم هل ممكن ابعدهم عن امهم لان هي بدات تفطمهم وتعصب اذا قرب منها احد واخاف ابعدهم تجلس تصيح وتزعجن وشرايكم هل بياثر عليها ؟؟
من عمر الشهرين ينفطموا
لاعادي اصلا هي بهالعمر تبعدهم عنها ولو ازعجتك يوم يومين وتسكت

1- حاليا احس انها تطلب الزواج ولو تحمل انا بهج او انتحر ههههه لا من جد وش اسوي عشان امنعها من الزواج افكر اعطيها ابره تمنع الحمل هل الابره انواع وياليت تعطوني اسم الدوا وافضل مانع حمل وكم الجرعه ؟ وهل راح تاثر عليها صحيا ؟ المصيبه ابي ازوجها شيرازي تروح تتزوج لي من الشارع علما ان عمر قطوتي سنه وثلاث شهور

انا عطيت قطوتي ابره عشان ماتطلب تزاوج :(وقالي الدكتور ماتطلب على حسب هرموناتها فيه قطط تجلس 3 شهور وقطط الى سنه
يعني لو انتي مو مضطره لاتعطيها خليها كم يوم وهي تسكت ولاتطلعيها برى

3- هل راح ترجع قطوتي زي اول او راح تتغير شخصيتها خصوصا بعد ماصارت ام ؟؟
انا اشوف اللي عندي على هبالهم صاروا امهات ولاتغيروا

[هشوووم]

وعليكم السلام ورحمة الله وبركاته
عادي لو عزلتي عيالها مدلم تضربهم يعني انتهت مهمتها ^_^
اما بنسبه للأبره والله معرفها ولا أحب استخدم هذا الشي للقطط لني شايف ناس هنا يقلون حرام ونا ماحروم ولا احلل مدام تبنها تزاوج مع شرازي نقيلها ذكر زين ويركب الون معها لو تركتيها وهي تطلب التزاوج يمكن تطلع برا وتتلقح وترجع للبيت نفسيتها ماضن تتغير والله وعلم
تقبلي مروري المتواضع بصفحتك
تحيااااتي
إلك
ان شاالله الأخوه يفجونك زود

[ام توتي فروتي]

يسلمووو جميعا عالمرور بس قطوتي مقدر احبسها لازم تطلع الحوش واكيد بتتزوج ومابي تحمل عيالها للحين عندي وامي مزعوجه منهم مع انهم طيوبين ولعب يجننون ماودي افارقهم بس هي خيرتني بينهم وبين الام وانا الام ربيتها من عمر ثلاث شهور مقدر اتركها وش اسوي افكر ابيعهم مع اني مازلت اماطل الوالده لين صارو وش كبرهم شوي ويصيرون طول امهم
حاليا اكتب وواحد جالس بحضني :(

[هشوووم]

ههههههههههه حلوه جالس بحضنك ههههههه هذي طبيعة القطط
الحين ونا اكتب قاعد امسح على القطه الي معي طيب امسكي الام ونزلي عيالها با المنتدى للبيع
مافيها شي وشوفي احلا واحد من عيلها وحتفضي فيه
وكذا انحلة المشكله
بتوفيق يارب

[ام توتي فروتي]

عارضتهم للبيع من زمان بس ماقدرت كانو صغار والحين متردده

[هشوووم]

مافيها شي لا تترددي ولا حاجه اتكلي على الله وقولي بسم الله الرحمن الرحيم ونزلي صورهم
<-----<< بينتضر الصور بقسم المبيعات ^_* يلاالله هههه

[ام توتي فروتي]

http://www.2zoo.org/thumb-5-2011-2zoo_org_o034wg41.JPG

[ام توتي فروتي]

http://www.2zoo.org/thumb-5-2011-2zoo_org_2kgl14b7.JPG



هذولا احفادي وشرايك فيهم وتتوقع كم يسسون ؟؟

[عافك الخاطر]

طيب دام النيه تزاوجينها ... زاوجيها شيرازي مثل ماتقولين وخلاص


...

من ناحيه الاسعار على حسب لنى اشوف انهم عاديات ..


دمتى بكل خير

[هشوووم]

ماشاالله عليهم حلوين
نزليهم وخليهم على السوم مزاد
وقتها القرار قرارك بعتي كان بها مابعتي هذا يخصك
انتي نزلها ون شاالله تعينين خير يارب يرزقك بعدد شعرهم
وتكون الصور اوضح <<< نقطه مهمه للبيع الله يكتب الي فيه الخير

[ام توتي فروتي]

اي هم امريكي مهجن طيب كيف ازوجها والثلاثه الي عندي وش اسوي فيهم ؟

[ام توتي فروتي]

ههههه بعدد شعرهم انافس الوليد الله يجزاك خير انا كنت عارضتهم وبعتهم ورجعتهم ههههه بس حاليا متردده يكسرون خاطري حتى السواق حقنا قال انا اشتهريهم منك مشكلته مسوي يمون هههه لاجد وش اسوي هل اعطي الام ابره منع حمل مؤقت جننوني الام وعيالها وامي فوقهم خخخخ