وطار طيري وعقلي سفح معه [الأرشيف]

مشاهدة النسخة كاملة : وطار طيري وعقلي سفح معه

سنايديه

25-05-2011, 11:49 PM

السلام عليكم ورحمة الله وبركاته

كيفكم اخوتي وبعد انقطاع طويل كنت ناويه ارجع ومعي مواضيع شيقه لطيري

العزيز الامزوني البلوفرنتد

لكن اليوم حصلي موقف والحمد الله على كل حال :(

والله اكتبلكم وانا في قمة الروعه والحزن قد يظن البعض اني ابالغ لكن

من شدة الحسره قلت خل اخواني يشاركوني الموقف الي مر علي

انا اشريت طير وباذن الله كان بكمل معي سنه كامله وكنت ناويه اكتب تجربتي معه

وصبري معه لحتى وصولي للنتيجه المرغوبه بعد التدريب

في الفتره الطويله هذي تعلقت في الطير تعلق شديد جدا للاسف

لدرجة صار ينام وياكل ويشاركني يومي كله من النشاطات حتى لدرجة

الاهل تعودو عليه و حبوه خصوصا الوالده من شهر تقريبا بدا تعلقه هو ايضا فيها وتعلقها فيه هو بعد

الطير صاريفقدنا لو نصد عنه شوي بس ينادي ويصيح يشاركنا جميع لحظاتنا حتى احنا

تعلقنا فيه صار شديد جدا

حساااااااااس جدا ذكييييي جدا يحب الناس تعودت عليه لدرجه جنونيه وقد تكون مرضيه للاسف

يعني الزبده صار جزء من حياتي سبحان الله لدرجة حتا الطير صار يقلد صوتي ويفهمني

اذا صرت معصبه ولا زعلانه ولا مبسوطه مع المود دايم

ما احب احد يصرخ عليه ولا يقوله شي اي مكان انتقل له فتره معينه حتى رجوعي للبيت اخذه

مستحيل اخليه مدلع دلع الله لايوركم

ما امن عليه احد يعني وش اقولكم والله ندري بس صاير مثل التوام

انا ادري انه طير بس هذا الي صار

والي صار اليوم

انه الجو كان حلو وااسف فيه رياح ما تسلطت الا اليوم اطلع والعبه برا

دايم احطه على شبك الغسيل يلعب فيه عمره ماطار خواااف مايحب يطير يتعلق في ثيابي

يبي يدخل جوا بس هذا طيري والي متعوده عليه منه

اليوم ويا ليتني ماطلعت ولا طلعته رحت مثل العاده وحطيته على عروة العربيه

من الغبا والدلاخه والحماره الي فيني مامنه موب طاير

والله ماطريت الا الي مسفح في الهوا وانا دايم ارده بيدي بس هاالمره خليته احسبه بوقع في

الارض بس الاخ ها المره صار طموح ورتفع وارتفع وارتفع وطار فوق جدار المخزن

انا هناااااا في حلم ليس على ارض الواقع ابدا احتري احد يصحيني بس

ابي مسكه يعلي اكثر لين اختفى فوق الغرفه انا هنا لاتعليق كان فيني عقل كاااان

بس راح مدري وش قلت مدري وش حكيت مدري وش سويت

امي تروح وتجي تهديني تقوا بيرجع بس انا في قمت الانهيار العصبي صراخ صياح باختصار

انجنيت

خلالالاص اتذكره اتذكر كلللل يومياتي معه مستحيل راح لالالالالا وين يروح مستحيل

طيري راح الغالي راح من خذاه بيعيش ولا بيموت اتصلت على اخوي مثل المجنونه

ابيه يجي يدوره في الحاره ولا يشقح الغرفه ويشوف هو فوق ولا

امي ماصبرت الله يخليها ويطول بعمرها عن عشر رجال لبست عباتها وطلعت تدوره في الارض الي جنبنا

اخوي تاخر انا هنا انجن زياده معد صبر لبست عباتي وجبت السلم مع اني عمري مارقت فوق

طاوله بس خلالالالالاص ابرقا السلم واطمر الجدار(سبيدر مان على غفله ) معد همني الناس

يضحكون يستغربون بالطقاااااق الي يطقهم طق

وديت قفصه في الحوش الي جنب الغرفه الي وقع فوقها

وانا ابرقا السلم تذكرت كلام الوالد لي يابنتي قصيه قصيه قصيه

وانا اعااااااااااند لالالالالا ابطيره ابعلمه الطيران بس الهياط الي ما ل امه داعي ماله داعي

وللاسف معلمته الطيران وفعلا تعلمه تقريبا بس ما بعد ضبطه

قمت اوسوس بعض الناس طب عليهم الطير بينكرون وجوده عندهم خصوصا ها الايام

الضمير معدوووم عند البشر انقهرت وين بيروح في الشوارع والله يا بعض الناس

بحسبونه حماممه وبيطبخونه ويتغدون عليه

كل هذا في مخي وادعي العزيز الجبار يرجعه لي

توني على اول درجه في السلم الا امي تناديني . يا....... يا.......

انا من نبرة امي حسيت انه فيه شي يبشر لقيت امي داخله هي واخوي الله يخليهم لي

وامي حاطه طيري في عباتها خامته ومغطيته كتمت ابوه خافت يطير ثانيه

امي واخوي انكسر خاطرهم علي بس ماسكين انفسهم

مسكت طيري وقسم صحت صياح والله لو ابوي ولا امي ميتين وانا ودي اطق نفسي طق

على عنادي وثقتي الزايده في الطير والله جاني قلبه منفظخ من الروعه

الوالده وهي تدور على الطير قابلها اخوي وهو جاي وطبعا الي ساعدنا بعد ان طيري له اسم

اناديه به فكانو ينادونه بسمه ولمحه اخوي الله يوفقه تحت احد السيارات

وقام يناديه بس امي قالت امسكه وامزع ابوه وجبه بنتي انهبلت :p

صار التسلب طاير المساحه ذي كلها الخسيس

وكنت اول اربط شريطه في يدي وارطها في حجله عشان اذا ابعد اسحبه

بس اليوم مدري وش فيني ثقه زايده وعباطه تنوح

المهم الحمد الله والشكر له ربي قدر ولطف والله اني اشوف القفص ومو مصدقه انه عليه

اسمع صوته ومو مصدقه انه صوته والله بقدرة قاااادر رجوعه سبحان الله شلون لقوه اهلي مدري

سبحان الله سبحان الله سبحان الله

والف الحمد والشكر له سبحانه

رحت على طول وجبت المقص اشوى ماجبت المكينه وقصيته حلت حلت

مدري وش قصيت بس قلت تووووبه خلاص بلا طيران بلا هم

الى الان الروعه فيني واحس بتانيب ضمير بسبب ثقتي الزايده فيه

هذا الي صار اليوم وقلت لازم اكتب لخواني في توزو عن معاناتي اليوم

معليش كلام ملخبط موب مرتب سامحوني ما في تركيز ابدا

وسلامتكم :(

مـحـمـاس الـمـنـحـاس

26-05-2011, 12:02 AM

الحمد لله على سلامته
قرت عينك خيتي
وهناك العقلان المال الحلال مايضيع
وكل طقه بتعليمه

الله يحفظه لك ويخليه وانتبهي له زيييييين

ابو فيصــل

26-05-2011, 12:27 AM

الحمدالله على رجوعه
وانتبهي ثاني مره
وعلى قصتك هذه كانها صارت معاي ماشاء الله عليك عيشتينا القصه بكل ماصار فيها
دمتي بحفظ الله

سبونج بوب

26-05-2011, 12:38 AM

الحمدلله على سلامته
وانتبهي عليه

خطاب العتيبي

26-05-2011, 12:49 AM

والله كني معك فالقصة ماشاء الله عليك والحمد لله على سلامتة

الافندي

26-05-2011, 01:18 AM

انا جزنت من شفت العنوان بس بعد القراءة قلت الحمد لله انو رجع مرة ثانية هوى من اسمه طائر يعني بيحب شيء اسمه حرية فلازم تقصي من الاول

سنايديه

26-05-2011, 01:29 AM

kitty

26-05-2011, 02:07 AM

الحمد الله قرت عينك حبيبتي برجوعه
تصدقين دمعت عيني حسيت في كل لحظه بشعورك
والله بعدها بكيت على طيرتي الي ماتت (لولو) تذكرتها
الله يحفظ لك طيرك ويحميه

ابوغزل

26-05-2011, 02:42 AM

مساء الخير

والله بسراحة زعلتيني مرة على هاذي القصة وانشالله تكوني تعلمتي من الدرس والحياة دروس

حمدلله على سلامته وتحياتي تقبلو مروري ابوغزل :88: حبتين

medozoom

26-05-2011, 03:10 AM

عليك اسلوب خخخخخ رهيب

اولا الحمد لله على السلامه وان شاء الله اخر الاحزان والحمد لله انه رجع

والواحد لا يتهور مهما كان يثق بطيره ويجرب يخليه يطير

المهم انه رجع واخوك ووالوالده ما قصروا لازم تردين لهم الجميل

مره ثانيه الحمد لله على الرجعه

تحياتي

منصور النصر

26-05-2011, 03:20 AM

الحمد لله على كل حال ويآ اخوان الي طيوركم جنآحهم كآمل انتبهو أشترو طيب الرباط الخاص لطيران للببغاء ورتاحو اذا تبيهم يطيرون ... الطير اذا طآر احيانناً مايعرف صاحبه يطير والسنين والتعب والتدريب كلها تروح سداء انتبهو والله يكيفينا الشر ويستر علينا وعليكم وعلى طيورنا وطيوركم .

تاجر الطيور

26-05-2011, 05:03 AM

الف الحمد لله على السلامه انتبهي عليه

ام ماجد

26-05-2011, 01:03 PM

mhd_ramy

26-05-2011, 02:49 PM

الحمدلله الذي رده لك وأسأل الله تعالى ألا يفجع أحداً بعزيز

faso0oo0ly

26-05-2011, 04:29 PM

أولآ :

الحمد لله على سلآمة طيركـ

ثآنيآ :

اذا انتي صار لك كذا ورجع الحمد لله

آجل آنآ كيف ,, طآر طيري ولآ رجع

زي قصتك ,, ثقه زايده

وآنآ آركض بالشارع ,, إنهبلت

بس الحمدلله على كل حآل

نيمو ببغائي

26-05-2011, 06:27 PM

الحمد لله على السلامة
..
..
بالتوفيق

ماوكلي.

26-05-2011, 07:04 PM

هذي الأيام وهذي الأيام وتمر الأيام وقصص وقصص ..
وكل من عمل صالح يدخل الجنة
ومن عمل سيئ يدخل نار جهنم وبئس المصير
أستغفر الله وأتوب أليه

سنايديه

26-05-2011, 07:35 PM

بارك الله فيكم يا اخواني والله يجزاكم خير على الدعوات وعلى النصايح

والف شكر لكم على مواساتكم لي وتفاعلكم الله يخليكم ويخلي غواليكم

وطيوركم

اخوي منصور النصر

كلامك في الصميم وعلى الجرح والله انك صادق في كل كلمه

لكم جزيل الشكر والامتنان على تواجدكم وتشريفكم لي

سعيده جدا جدا جدا بكم

سنايديه

26-05-2011, 07:58 PM

الحمدلله على سلامته
والله وانا اقرا اقول ياااارب نهاية القصه تكون لاقيته :(

لأني من كلامك واهتمامك فيه وارتباطك حسيتك تتكلمين عني

فعلا موقف محزن وانا جربته قبل شهر

الله يعين امهاتنا علينا امك تطلع بالشارع وامي يوم طار وقفت على رجلها بسرعه رغم صعوبة الوقفه عندها بس كله خوف وفزعه علشان خاطري الله يخليها لي
ويخلي لك امك ^^

وتعلمي انا من بعدها صرت اطلعه الحوش بالقفص مع انه مثل طيرك خواف ومايطير من على كتفي
بس كل طقه بتعليمه

والله يحفظه لك ويهنيك فيه ^^

يا هلا وغلا ومرحبا بام ماجد والله نورت الصفحه بتواجدك الجميل مع اخواني الكرام

اول شي الحمد الله على سلامة طيرك وانا لمحت موضوعك قبل كم اسبوع وحزنت

على دجاجتك بس الحمد الله ربي رده لك

وتصدقين يوخيتي اني وهو طاير بالسما تذكرتك على طوووول وتذكرت موقفك

والله يا امس مر علي كنه مليوووون سنه والله ليلحين مومصدقه انه عندي كني في حلم

الى الان وانا فيني الحزن والصدمه والروعه بس الحمد الله قدر ولطف

وقولي آمين الله يخليلك والدتك ياااارب ويعافيها ويشافيها ولا يحرمكم من حسها وحنانها

ووالدتي ووالدين المسلمين اجمعين

فعلا سبحان الله ما في مثل الام في احساسها وفي فزعها على عيالها وخوفها

عليهم

وصدقتييي خلالالالاص نو برا نو نو نو فص جناح حبس في قفص يس يس يس

انهبلت :p

بس والله ن الي جاني امس هذا توام روحي وطار اكيد بطير عقلي معه

والله سعيده جدا جدا جدا بتنويرك وتواجدك وتفاعلك معي

بارك الله فيك ووفقك لما يحب ويرضي دائما نوريني بتشريفك لي دائما

سنايديه

26-05-2011, 08:15 PM

الف الحمد لله على السلامه انتبهي عليه

الله يسلمك ويخليك بارك الله فيك وشرفني مرورك

الحمدلله الذي رده لك وأسأل الله تعالى ألا يفجع أحداً بعزيز

الله يجزاااااااك خيرررر ويبارك فيك ويخليلك غواليك ولا يفجعك فيهم يارب شرفني مرورك
وتفاعلك

أولآ :

الحمد لله على سلآمة طيركـ

ثآنيآ :

اذا انتي صار لك كذا ورجع الحمد لله

آجل آنآ كيف ,, طآر طيري ولآ رجع

زي قصتك ,, ثقه زايده

وآنآ آركض بالشارع ,, إنهبلت

بس الحمدلله على كل حآل

الله يسلمك ويخليك يارب

ياااااايالله والله صيقت صدري :(

فعلا الحمد الله على كل حال وهذا مكتوب ومقدر

وانتهت مرحلة عيشه ورزقه معلك ووالله مااااا الووومك شي

يعصر القلب عصر كنه واحد من العيال :p

شرفيني تواجدك والله رفعت معنوياتي كنت احسب اني انا الي لحالي الي صارلي كذا

حياك الله

الحمد لله على السلامة
..
..
بالتوفيق

الله يسلمك ويخليك يارب شرفني مرورك

هذي الأيام وهذي الأيام وتمر الأيام وقصص وقصص ..
وكل من عمل صالح يدخل الجنة
ومن عمل سيئ يدخل نار جهنم وبئس المصير
أستغفر الله وأتوب أليه

شرفني مرورك اخي ماوكلي
بس جهنم وبئس المصير مدري وش دخلها في الموضوع تراني مستويه لاتزيد الله يجزاك خير

nemo991

26-05-2011, 09:04 PM

قوليا اللهم إإجرني في مصيبتي وإبدلني خير منها وإنشاء الله يجيك أحسن منها ومعليش

عش البلبل

26-05-2011, 09:40 PM

والله ان امك بنت رجال بس ونا خوك قصي الجناح ورتاحي

عاشق الطـيور

26-05-2011, 10:03 PM

الحمدلله على سلامته والحمدلله انه رجع لك مااخذه احد وباعه

الحمدلله

والوالده الله يعطيها العافيه ماقصررت

ابو محمــد

26-05-2011, 11:40 PM

الله يخليها لك الوالده والحمد لله قدر الله ولطف

ارجو من له القدره او المحاولة في تدريب طائره على الطيران الحر

ان يكون في صالة مغلقة او في مكان لا يوجد شجر او جدار او سقف

والحمد لله ان الطائر رجع .

بالتوفيق

ماوكلي.

27-05-2011, 01:48 AM

هع هع هع هع . هع هع هع هع
كأختصار
أنه أهم شيء في الحياة الشهادة
والعمل الصالح

محب 2 زو

27-05-2011, 03:49 AM

حمدلله على سلامته وتحياتي

خفت تقولين وبعدين صحيت من النوم ويطلع حلم في حلم

حمدلله على سلامته وتحياتي

سنايديه

29-05-2011, 08:11 AM

الله يسلمكم ويخليكم لعين ترجيكم أخوتي الاعزاء

وبارك الله فيكم لتفاعلكم معي جزاكم الله كل خير

والحمد الله قدر ولطف

أخي ابو محمد

نعم للاسف بسبب تدريبي السابق له على الطيران والذي فعلا كان في مكان مغلق فقد طبقه

عندما خرجنا كان يعتقد انه سيرضيني بجموحه :( انا السبب ليتني خليته معوق

الاخ ماوكلي

نعم صدقت لكن الروح عندما تولف روح اخرى حتى لوكانت من غير البشر

تكون جزء منها برحيلها يكون الكون مؤلم

ودمتم سالمين

ملك الببغا

29-05-2011, 08:34 AM

بارك الله فيكم يا اخواني اسم اسم وعلى تشريفكم لي

وجزاكم المولى كل خير على نصايحكم وتجاوبكم

الله يوفقكم لمايحب ويرضى لكم جزيل الشكر والاحترام

مشكلتي ان طيري كان خواف ومايحب الطيران بس انا الي جنيت على حالي

علمته الطيران وفكر اني ابي اطيره لكن ها الاشكال الظاهر لازم نقص حتا

رجليها :p انا احسب انه خواف وماراح يطير بس صار كمخه مثل راعيته

لكن هين هذا وجهي ان خليت فيه ريشه ابنتفه نتف ما اخلي الا منقاره ها الدلخ

هههههههههههههههههههههههههههههههههههههه

حلوه تقصين رجلينه :12:

متخيل شكله بمنقال بس هههههههههههههههه:12::12:

الحمدلله على السلامه

وزين انه رجع لك

بس هاذي غريزه محفوره جواته مانقدر نغيره

تقبلي مروري

i am a cat

29-05-2011, 02:06 PM

الحمد لله على سلامته
حسيتك زيي:shy:*
ما اقدر أعيش مندونه

(salem)

30-05-2011, 02:19 PM

مت من الضحك وانا اقرا السالفه
لكن حمدالله على سلامته
وكفوا يالسنايديه على رقيت السلم
تقبلي مروري النادر

رهام الغلا

31-05-2011, 08:49 AM

وااااي والله حزنت وفرحت وياج ياعمري عليج

حاسه فيج من قلب
الحمدلله رجعلج وتوبي تخلينه يطير
انا يطيري مابيه يتعلم ع الطيران بس اخواتي الله يهديهم من يشوفونه ياخ1ذونه ويطيرونه عبالهم لعبه
وانا هواش وياهم شسوي فيهم
لين كبر راسه وصار كله فوق الكبت اخر شي جبت المقص وهاك يجناح قص
لين صار حتى مايعرف ينقز ههههههههه

إتكيت طيور

31-05-2011, 08:09 PM

الحمدالله
أنا ماأامن أي طير لو أنه
مولود معي وفي نفس اليوم

سنايديه

31-05-2011, 10:24 PM

ياهلا ومرحبا فيكم يا اخواني والله يسلمك ويخليكم بارك الله فيكم

شرفني مروركم وكلماتكم اسعدتني حرف حرف وكلمه كلمه وجمله جمله

كل من شرفني ونورني ولو بحرف واحد سعيده بتواجده فهو وسام لي وشرف

ولا تحرموني تواجدكم الراقي

عادل عبدالله

02-06-2011, 02:51 PM

وعليكم آلسلام ورحمة الله وبركآته

والله يآ اني ضحكت ضحك > ههههههههههههههههههههاي
بس وآلله استانست يوم قريت آن اخوك وامك آمسكوه وردوه

وصرآحه اسلوبك في آلروايه عجبني مرره ههههه
ولآعاد تطلعين هالطير برآ

وتحيآتي ......

ديار يحب رمادي

02-06-2011, 03:22 PM

ههههههههههههههه كم ضحكت بقصتك دمك كثير خفيف يبين ضحكت كثير لما قريت قصتك على العموم فرحت ولله لما سمت رجع طيرك حمدلله على رجوعه ويتربى بعزك ان شاء الله

Elham

02-06-2011, 10:14 PM

قصتج اليمة .. عشت الجو وربي

الحمــــــــدلله انه رجع لج ..

ذا من لطف ربي بج ..

الحمــــــــدلله على كل حال ..

Sabic

03-06-2011, 12:52 AM

الله يلعن الشيطان وربي ثار الدم فيني حقدت عليه لو ما رجع لك الحمدالله اللي رجع

انا طيري حطيته عند خويي وطار عليه ثاني يوم صادوة فوق الشجرة نزل له من الجوع هههههههههه

والحمدالله على كل حال وهذي الطيور يبي لها حذر التعامل قص الجناح وارتاح لا طار ما راح هههههه

زاهي الكحل

03-06-2011, 04:53 PM

والله دمعت عيني من جد عيشتينا معاكي باللقصه والله فرحت من قلبي وحطيت يدي على صدري لما قريت انه كان بعباية امك الله يخليهم لك والله أنجن لو يطير طيري هذا وانا مومتعلقه فيه مثلك والله أني احبه اكتر من نفسي بس مولدرجة النوم والاكل نفسي يكون كذا بس أشلون

قرة عينك وتوبه بلا طيران بلا تعليم خليه بحضنك أبرك لك *

king of dragon

03-06-2011, 06:23 PM

الحمد الله علي رجوع طيرك وقرة عينك بشوفته

ابوغزل

04-06-2011, 08:07 PM

هههههههههههه حمد لله على سلامته للمرة الثانية :88:

ابوعبدالله44

04-06-2011, 08:10 PM

فصه مؤثره ههههههه
ذكرتيني في طيري الي انا بعته علشان الحاجه وكل مأتذكره يتقطع قلبي هههههههه

ابوغزل

04-06-2011, 08:14 PM

ههههههههههههههههه اللهم لا شماته ههههههههههههههههههه :88:

زاهي الكحل

07-06-2011, 02:20 AM

ياليت يأا عسل تعلميني اشلون يتعلق طيري في. والله انه أغلى من نفسي واولادي يضحكون علي من حبي له حتى زوجي يقول باليتك تدلعيني متل هاالطير بس وطيري أليف ويتكلم بعض الكلمات وحبوب بس ودي أتعلم أشلون اخليه يأكل معاي ويتعلق بي ولكي الشكر

ربع ريال مشقوق

07-06-2011, 01:47 PM

الحمد على سلامتة

~ملكـ الكاسكو~

07-06-2011, 01:52 PM

ههههههههههه
الحمد لله على السلامه

عـضــ ولكن ـــو

07-06-2011, 03:46 PM

اول شي هناك العقلان

وانا اشهد انك اسم على مسمى شقرديه

بس ارفقي عليه من الحب ماقتل ههههههه

واللحمد لله الي رده لك والله لايحرمك من اخوك وامك

سنايديه

14-06-2011, 09:44 AM

ياهلا ومرحبا بكل اخواني واخواتي الي ردو وشاركو

اول حاجه ساااامحوني على التاخير في الرد عليكم وفرحتي بتشريفكم لي

ثاني حاجه الله يسلمكم ويخليكم غواليكم قسم قريت ردودكم رد رد

بارك الله فيكم اسعدتني تعايشكم للقصه ودعواتكم وفرحتكم لي

من جد سعيده جدا ولا توفيكم كل كلمات الشكر والثناء من بعد الله عزوجل

اسعدتني ردودكم واضحكتني بعضها :D لكم جزيل الشكر والامتنان

اختي العزيزه زاهي الكحل

اختي بصراحه شديده طيري تعبت معاه جدا لوصولي هذه المرحله ومازلت احاول

خصوصا انه جاني كبير با السن موصغير يعني عمره تقريبا اربع سنوات الا كم شهر

خواف جدا عديم الثقه في اي احد يحزن تحسه ضعيف وما يعرف يدافع عن نفسه

ومااا تقبلني ابد بصراحه كذا بدافع الرحمه والشفقه عليه من كل شي اقلها اقل حقوقه الحريه

فكن اجط نفسي مكانه احاول اني اكون اليفه الثاني واشاركه كللل شي حتا غصب عنه

المهم اعوده علي

حتا مكان نومه عندي اربع وعشرين ساعه مع بعض وجهي بوجهه:D

وهذا هو الي يساعد كل شي اذوقه اياه من الاكل عشان يحس بالمشاركه

كل شي ما عدا الاشياء الي تضره مثل الشوكولاته

حتا عرف الاكل وصار مشفوح :D اي شي بيدي يبي منه

يشوفني هاديه يهدا مستانسه يستانس نايمه ينوم

سبحان الله يكون في تقارب روحي غريب

بالاختصااار اخليه مثل الادمي مثل الانسان هم ضحكو علي بالبدايه

بس سبحان الله الارواح تتالف مهما كان حتى الحيوان

تصدقين صار يفهمني على طووول واذا زعلت يحب يرضيني

اي سوال ثاني انا في الخدمه اختي

كاســكو

14-06-2011, 09:59 AM

الحمد لله على السلامه

هذا يدل على عدم اعطاء الطير الثقه الزايده

وشكرآ

houston

14-06-2011, 10:05 AM

الحمدالله على سلامته
قرت عينج

أبو يوسف مكة

14-06-2011, 01:09 PM

الحمدلله على سلامة الطير ورجوعه بالسلامه والف مبروك

فيصل م.

14-06-2011, 03:22 PM

مبروووووووووووك اختي من جد فرحت انو رجع لك <<< مجرب

زاهي الكحل

14-06-2011, 04:16 PM

ماشاءالله عليك والله انك احسن مروضه أنا كان عندي طير عمره حوالي سنتين عنيد مايتكلم الا لحاله وخواف جلس عندي

سنه ونص وبعته بخسارة كبيره طفشني وانا قليلة. الصبر واشتريت غيني صغير خواف مره ومايتكلم وأعطيته اختي

والحين عندي كاسكو عمره سنه عيونه بيضاء واليف وحبوب ويتكلم كم كلمه له عندي سته شهور بس متعلقه فيه موت مع

انه مولهدرجه أليف يطلع على اليد بس بصعوبة واكله قليل يأكل شابوره تصوري وقليل لوز والله أني احط له من كل شي

حتى اولاديويقولوا مسويه له بوفيه ولا يأكل وصاير اكترالأوقات داخل القفص مع ان القفص كبير ومفتوح وحاطه له العاب

يلعب فيها وأخذه معاي اذا رحت لاهلي يشوف الاطفال لان أنا أولادي كباروبيتي هادي مومقابله الا أنا طول اليوم وأخذه

الاستراحه يعني مهتمه فيه جداً فايش رأيك أشيل القفص عنه في النهار واخليه جنبيً. حتى يقرب مني اكتر كمان

أنا قريت انه لازم ينام بدري من الساعه 7او8 وان احس انه بدري لان احنا نسهر بالليل والحين اجازه يعني ابد في النهار

مافي احد حيفضل لحاله طول اليوم مع انهم يقولوا ان الطيور تختلف في تعاملها مع الناس حسب الطير وذكاءه

والفته بس ابجرب طريقتك وأشوف وآسفه على الاطاله ولكي الشكر

سنايديه

15-06-2011, 01:08 AM

ياهلا وغلا بكل من شرفني وتوجد بصفحتي بارك الله فيكم ووفقكم المولى عزوجل :)

ماشاءالله عليك والله انك احسن مروضه أنا كان عندي طير عمره حوالي سنتين عنيد مايتكلم الا لحاله وخواف جلس عندي

سنه ونص وبعته بخسارة كبيره طفشني وانا قليلة. الصبر واشتريت غيني صغير خواف مره ومايتكلم وأعطيته اختي

والحين عندي كاسكو عمره سنه عيونه بيضاء واليف وحبوب ويتكلم كم كلمه له عندي سته شهور بس متعلقه فيه موت مع

انه مولهدرجه أليف يطلع على اليد بس بصعوبة واكله قليل يأكل شابوره تصوري وقليل لوز والله أني احط له من كل شي

حتى اولاديويقولوا مسويه له بوفيه ولا يأكل وصاير اكترالأوقات داخل القفص مع ان القفص كبير ومفتوح وحاطه له العاب

يلعب فيها وأخذه معاي اذا رحت لاهلي يشوف الاطفال لان أنا أولادي كباروبيتي هادي مومقابله الا أنا طول اليوم وأخذه

الاستراحه يعني مهتمه فيه جداً فايش رأيك أشيل القفص عنه في النهار واخليه جنبيً. حتى يقرب مني اكتر كمان

أنا قريت انه لازم ينام بدري من الساعه 7او8 وان احس انه بدري لان احنا نسهر بالليل والحين اجازه يعني ابد في النهار

مافي احد حيفضل لحاله طول اليوم مع انهم يقولوا ان الطيور تختلف في تعاملها مع الناس حسب الطير وذكاءه

والفته بس ابجرب طريقتك وأشوف وآسفه على الاطاله ولكي الشكر

ياهلا وغلا

وحيااااك الله باي وقت ولالا طولتي ولا شي بالعكس خلينا نستفيد من خبرات بعض ^_^

اختي الله يخليلك عيالك يارب ويخليهم لك وتفرحي فيهم من جد حلو انو الواحد

يكون لديه موهبة تربية الحيوانات او الطيور وهو يكون مرتبط وعندو اولاد مشالله عليك

يعني نميتي هوايه عندك وانتي اصلى عندك مسواليات غيره الله يبارك فيك ويقويك على

بالصحه والايمان

ثاني حاجه مشااااالله عليك من جد ماااقصرتي معها تاخذيه معك وتوريه الاطفال

وستراحه ماقصرتي بارك الله فيك :) انا ماودوني الاستراحه :p هع

شوفي اختي من ناحية القفص صدقيني القفص هو الحاجز مابين الطائر ومربيه

وانا هذا من تجربتي صراحه انا طيري على طول في استاند القفص برا وجنبي دااائما

عشان ينزلي وجيني اذا كنت اكل او العب او اي نشاط اسويه انزله على المرتب يلعب

حتا لو وصخ وصخه الله يكرمكم سهل التنظيف جدا مع اني كنت موسوسه نظافه بس من

بعد طيري خلاص عديناها :D جيبي لعبه مثل دبدوب صغير قماش

او اي حاجه قماش والعبي معاه يعني كانك تبيه يمسكها وبسرعه تسحبيها عنه

اذا سوين كذا وضحكت يضحك معي تصدقين خخخ اجيه من ورا كني ابدغدغه ويطمر ويضحك

ويصفر يعرف اني العب معه فيه قناة اناشيد اطفال احطها وانشد انا وياه ^^

اخذه معي المطبخ لمل نسوي لنا شي ولا نسوي كيكه انا وياه انا اشتغل وهو يتطعم

البواقي اليي على الطاوله هع يعني باختصار انا وياه كريزي :D

من ناحية النوم تصدقين طيري صايع هع

ما ينام يسهر معي وينام معي بلا سبع مساء بلا هم اذا نام سبع مساء من بيقابله

سبع صباح :D

ابد اخليه معي اذا نمت نام اذا جاه النوم من نفسه يعكف الرقبه ويشخر

لدرجة انه تعود ينام معي لو انومه بروحه ينجن ينادي لين اجي وانام معه

من ناحية الاكل كان جدا جدا عندي لايتقبل اي شي بس بسكويت شاهي فقط مع مويه

الان الاخ صار يقلط اول واحد على الغدا رز ودجاج وكشنه وشي الله لايوريك اول من يحطون

في صحنه هو الشيخ :confused:

انتي خليك تجربي مهاراتك وتجاربك عليه وباذن الله تلقينه سلس معاك

بس الاهم انك ما تخليه دااايم في القفص سبحان الله يتوحش ومايحس بالامان الا فيه

لكن اغصبيه دائما انه يكون جنبك جيبي اي حاجه يوقف عليها وعطيه حاجه يحبها ياكلها عليها

عشان يعرف ان المكان الثاني غير قفصه انتي وانك تسعدينه براه

عطيه اي شي يعضض فيه يموتون على العض وانا طيري يحب يقشر كراتين الشكولاته

ولا العلاجات :D المهم كرتون يقشره ينبسط

سامحيني على الاطاله بس قلت اباحاول افيدك من جميع الجهات

بس انتبهي لايطير :shy: خخخخ

زاهي الكحل

15-06-2011, 02:30 AM

تسلمين ياقلبي على النصائح بطبقها من بكره مع أني اطبق بعضها والله أني ارفع صوت التلفزيون واحط له طيور الجنه او اي اغنية وارفع

الصوت يقوم يرقص ويصفر وينبسط وعندي ستاند بس الاستاند اللي عندي مايقدر ينزل منه مافي له أعمده احس انه يحبسه حاولت

حطيت له خشب زي السلم بس ماارتاح فيه والله انه شغلي الشاغل ماخليت انواع الاستاندات والاقفاص والاكل اليوم رحت جبت له من كل ا

الاكل من لوز وفستق وفصفص ابيض كبير وكورن فليكس وكاجو ابد ودي اجيب له السوبر ماركت كله بس اشوفه يأكل والله ياولدي بينجن

منه يقول تصرفين عليه اكتر مننا

بس ممكن أسالك سؤال كم له عندك الطير

والف شكر يالغاليه لاخلا ولا عدم الله يحفظ لك طيرك ومايفجعك فبه يارب *

UAE_FOX

15-06-2011, 02:34 PM

وين صور الطير

اوزه

17-06-2011, 02:46 AM

الحمد لله على السلامه الله يهديه ويخليه لكي

زاهي الكحل

23-06-2011, 03:49 PM

وينك ياسنايديهاستنى ردك افتح الصفحه ادورك مني مني مافي احد وين أنتي تصيفين بلندن ولا بإيطاليا ولا بباريس ليه ماخذتيني

معاك أنا وطيري شوشو نتونس ونغير جو ونتبرد شوي من حر المدينه الله يرضى عليها ويجعلنا من اهلها احياء واموات

استناك ياعسل لاتطولين *

بوسه سببت هوسه

23-06-2011, 09:59 PM

والله انا قاعدة افكر بنفسي

وقصتك تحزن مرة بغيت ابكي

NEMESI-S

24-06-2011, 04:54 PM

الله يعوضك والله أنا السبت الي طاف ونفس قصتك عندي الكاسكو سنه ونص أول 7 شهور كل أنا بالمستشفى من كثر ما ررفع ضغطي ما يسمع كلامي ونفس قصت سحبته كل يوم اطلع بعد صلاة الفجر وحطه على شبك موجود عندنا بالبيت وهل مره الهوى كان حلو والجو كل عسل والرجال توه فاطر ويطيرلك هل طيران الي الى يومك متفطر عشانه وقررة اني اشتري طير ثاني وسميه نفس اسمه لعل وعسى يخفف عني فراقه

qassem

24-06-2011, 11:21 PM

تصدقين والله تأرت معاكي في القصة قلت لو مارجع الطير البنت وش راح تسوي ولاتنسي انك تعلقتي فيه يعني لو ابوك يجيب لك واحد غيره شي اكيد راح ترفضي راح تقولين ابي طيري مابي غيري المهم لاتتهورين مرة ثانية وانتبهي عاد بدال الفرحه هاي اشتري جائزة كبير لامك واخوك المهم اعيد واكرر لك انبهي عليه مرة ثانية

صوغة

24-06-2011, 11:35 PM

الحمدلله على رجعته

وصج درس لاينسا

من بكره بقص اجنحة الكاسكو والدرة