جبت افريقي وشكلي برجعه..

[نيمو ببغائي]

السلام عليكم ورحمة الله وبركاته




جبت افريقي عيونه صفرا وعلى حسب كلام راعيه انه يقول راسك السلام عليكم



بوسه بوسه والباقي مب مشروط انا سمعته بالمحل يقور راسك والسلام عليكم



بس بالبيت الصبح مدري وش يقول بس سعره مبالغ فيه ومب محجل والمشكلة الولافة


مهب زينة الطير ما يرقى على الاستاند واذا مسحة عليه يقلب يبي يعض بس السعر



مبالغ وانا اشوف انه ما يستاهل هو جامبو وسعره ب 3000 انا ما نوقع اخذه انتم وش



تنصحوني اخذ ؟؟؟؟؟؟؟افريقي فرخ ؟؟ ولا هولندي فرخ الهولندي المناعة ضعيفة بس الحين



حر وشكراااا....

[ابوغزل]

السلام عليكم

بيني وبينك فعلا السعر شوي مبالغ فيه يعني 3000 ريال تجيب فيهم فرخ افريقي جامبو رمادي فاتح هولندي يطلع على اليد وياكل من نفسه وتلاقيه بحراج سوق الحمام

انا اقول رجعه ويوم يكون معاك فلوس بلغني وانا اشوفلك واحد اذا انت بالرياض

تحياتي

ابو غزل حبتيييييييييييييييييين :88:

[ابو محمــد]

بصراحة السعر مبالغ فية ولكن اذا الطير يتكلم

وجريئ وصحتة ممتازه ويتجاوب معاك انا من رأي انك تحتفظ فية

وتبدأ بتعليمة وانا متأكد انه راح يبدع .

بالتوفيق

[الملكي 937]

اشوف السعر كثيره عليه
يعني ماراح يتعدي 2000 الى 2300

[ndman]

سعره مره مبالغ فيه يعني . بـ3000 ريال تجيبلك واحد يتكلم كلام مب صاحي واليف

اما هاذا ماله داعي واذا تبي تاخذ لا تاخذ هولندي من رآيي انا مناعته ضعيفه

خذلك افريقي عمره مايتعدى 8 شهور اليف صحه ونظافه وعنده كلام

والله يوفقك وانا اقول ترجعه اليوم قبل بكرا وبتوفيق

[نيمو ببغائي]

مشكورين على المرور الطي مب جريئ ابدا
..
..
بالنسبة للهولندي مناعته ضعيف انا معاكم بس بالشتاء ولا انا غلطان ؟؟

طيب انا اعرف واحد يبيع هولندي محجل حجل اصلي وفرخ واليف حمامة ماشاءلله تنصحوني اخذه

..
..
وشكرا ..

[نيمو ببغائي]

سعره ب 2500

[ابوغزل]

والله يا خوي المسئلة موب مسئله شتا ولا صيف المسئله مسئله انه هل يوجد تيار هوائي ولا لا وانتا ما تقدر تحمي الطير على طول من التيارات الهوائيه نصيحة خذ افريقي احسن


تحياتي

[نيمو ببغائي]

مشكوووووووووووووووووور اخوي

[ابوغزل]

بعدين اخوي هل بيقبل راعي المحل انك ترجعه يمكن يرفض ايش بتسوي ههههههههههههه

[نيمو ببغائي]

لا هو قايلي جربه

[نيمو ببغائي]

والله شكلي باخذ هولندي هي مسالة كم شهر ويسير عمره سنة وتقوى المناعة

[ابوغزل]

طيب زين حلو رجعه واذا بغيت طير فرخ للبيع انا عندي واحد اذا لك فيه خاطر او هوى بلغني لاني مابي ابيعه بالحراج ابي ابيعه بالمنتدى لانه عزيز علي :88:

[نسااي]

ابو غزال اذا الرجال ماله نظر بالطير

بلغني

[محمد احمد نوفل]

يا اخي والله انو السعر مبالغ فيه عندنا في جده ب1500 غر يعني اليف انت طعميه بالبره ودربه زي ما تبغا ب1500 والله رخيص تشيله و تخليه يعمل كل شئ على كيفك والله

[بو شهاب 99]

اخوي انا شاري طير الليف ويقعد ع الاستاند واعتقد انه كبر اللي عندك لان عيونه صفر بس مشكلته انه مايتكلم ب 1500

[ابوغزل]

حلو الي عنده الخبرة ومتمكن في تربية الهولندي طبعا يعد افضل ويجيبه ويربيه بس يباله عنايه مضاعفه واذا النية موجودة انشالله بيكون الخير موجود

اتمنى التوفيق للجميع

تقبلو مروري :88:

[ابوفزاع]

3000 ؟؟؟

قد شريت واحد عمره 3 سنين تقريبا واليف مرررررررررررره ويتكلم ياواد كوكو افتح الباب الله اكبر مياو ويبوس ويعطيك راسه الخ بـ 1850

سعر طيرك مبالغ فيه جدا جدا جدا


بـ 3000 تاخذ واحد صوته جهوري وكلامه واضح واليف بس الصبر زين وانا اخوك

[ابوفزاع]

اخوي لقيتلك هالاعلانات ..

ادخل وشوف وش يناسبك ..

http://www.2zoo.com/vb/showthread.php?t=220634


http://www.2zoo.com/vb/showthread.php?t=221134

[نيمو ببغائي]

مشكوووورين

بس تكفون الي يلقى افريقي اليف حمامة لا يبخس علينا تكفون طلبتكم

[ابوفزاع]

ياخوي ليه ماتاخذلك واحد صغير عيونه رماديه

سعره مايتعدا 1300 واشرط على المحل تاخذ اليف يطلع اليد

ولهم زود 100 لو اخذته اليف

معليش حتى لو يعض شوي عادي وحتى لو فيه جعره خفيفه تروح مع الوقت

بس انت ماعلمتنا .. رجعت طيرك ؟؟ او الطير كان معروض عليك ؟؟ تراني اتكلم عن ابو3000