المساعد الشخصي الرقمي

مشاهدة النسخة كاملة : ورطه

banotat_dxb
23-03-2007, 12:14 AM
انا فـ ورطه ..
اليهال طلعو الهمستر من قفصهم ..
وردو واحد والثاني شرد منهم ..
هم في الفيلا انا متأكده بس وين مادري :(
يعني مت وانا أدور عليهم ومب عارفه شسوي ..
المنسي
23-03-2007, 12:22 AM
يعني وش تبينا نسوي ندخل بيتك وندور
banotat_dxb
23-03-2007, 12:23 AM
دمك خفيف ..
بس كنت أبي أعرف شو أسوي لاني شاكه إنه تحت
الثلاجه بس مب عارفه كيف أطلعه
ميشوٍ جدهـ
23-03-2007, 12:27 AM
إختيُ
فيُ موٍضوع طيبُ مجمل الكلام الا اذكرهُ
انك تحضري عدد من الكراتين ووضعها في الامآكن المتوقع وجود الهآمستر فيهآ
ووضع النشاره والاكل المحبب له ..؛
وباذن الله تقومي اليوم الثآني وبتحصليه في احد الكرإتينِ

بآلتوفيق اختىُ
وباذن الله تحصليه عآجلا غير اجل


واخوي الغالي .:: المنسي ::.

يآخى هي ماحطت الموضوع الا وتبي الحل ليش العصبيه الزائده ^^"

وهي اخت غاليه وعزيزه علينآ

والواحد يوم تحصل له مشكله بيروح لاقرب الناس اول شئ ..؛

وهيُ ماقصرٍت والله

على العموم حيآك الله

وهذا وقت نوميُ < اعذرونيُ على الازعآج ..؛ ^^"
banotat_dxb
23-03-2007, 12:29 AM
سلم أخوي .. وبحاول أسوي اللي قلت لي عليه وانشالله أحصله :( ..
وتسلم على مرورك
Withered Rose
23-03-2007, 12:33 AM
الطريقة اللي قالها ميشو ممتازة ..
دوري عليهم بالليل أغلقي كل الأجهزة اللي فيها صوت .. و راح تلاحظينه يركض من مكان الى مكان الهامستر بالليل يحب الركض بكل مكان ما راح يباعد و صارت فيني وايد ..

حطي مجموعه من الحب الشمسي بكل زاويه بالفيلا و بالصباح جيكي على الحب الشمسي المقشر راح يسهل عليكِ الوصول إلى مكانه او مكان قريب ..

و إن شاء الله تحصلينه .. :)
banotat_dxb
23-03-2007, 12:36 AM
إنشالله بحاول ..
وتسلمين أختي على مرورج ..
بس هذا مشكلته وايد خواف أكثر من الثاني ومايتحرك وايد هاللي أنا خايفه منه ..
aldanh
23-03-2007, 12:40 AM
مرحبا بنوته

بشري انشاءالله لقيتي الهمستر
banotat_dxb
23-03-2007, 12:41 AM
لا الله بعدني .. :(
dr_mido
23-03-2007, 03:11 AM
إنشـــــــــــــــــــــــــاء الله تلقيه ومشاء الله الأوان ما قصروا عاد خبرينا اول ما تحصليه
banotat_dxb
23-03-2007, 09:17 AM
لا والله لين الحين :( الحين من يوم مو محصلته ..
أحط أكل ولما أنش ماحصل الأكل يكون ماكلنه ويرد ينخش
يعني مب عارفه شسوي .؟!
مالك وخرو
23-03-2007, 10:08 AM
انا بعد كان همستري الذكر ضايع والنثيه بالقفص وبالصبح بس مو بالليل صكت كل الاجهزه

وسمعت الصوت ينتقل من مكان الى آخر لكن اشوه عرفت انه تحت الثلاجه وناديت ابوي عشان اطلعه من تحت الثلاجه ابو خبير ..
banotat_dxb
23-03-2007, 10:43 AM
الحمدلله توني توني محصله الهمستر ..
وبعد تحت الثلاجه بس طلع لاني حاطة له اكل وتم ياكل ..
ومسكته :)
HAMSTER
23-03-2007, 10:46 AM
زين مبروك لقيتيه ..
banotat_dxb
23-03-2007, 10:50 AM
الله يبارك فيك ..
على فكره الصوره اللي عـ توقيعك وايد كيووووت
رعوود
23-03-2007, 01:12 PM
سوري ما كنت موجد البارحه


عموما الحمدلله انه رجع لك وانتبهي عليه مره ثانيه
KAMTARUO
23-03-2007, 01:17 PM
مبروووووووووووك على الهمستر ودربالج عليييييييييه هاذه موب قطوة
banotat_dxb
23-03-2007, 10:18 PM
رعود تسلم أخوي وفيك الخير :)


كامتارو .. الله يعلم كيف أنا أحاتيه واخاف عليه ..
لدجة إن أمي قالت لي من كثر خوفج عليه هو شرد :)
aldanh
24-03-2007, 01:17 AM
قرت عينك

الحين حطي بالك عليه
ميشوٍ جدهـ
24-03-2007, 02:27 AM
مبرٍوٍك والله بنوتآتِ ^^"

والادميُ شكله حصلُ جوٍ رومنسي تحت الثلاجــه ^^"

تلاقيه يغآزل بـ(فأره) خخخ ^^"

بآلتوفيق وديري بالك بالمرات الجايه

بالتوفيق ^^"