المساعد الشخصي الرقمي

مشاهدة النسخة كاملة : صور ببغائي

الدوق
23-03-2007, 01:07 AM
هذي صور بغائي اللي شريته من اسبوعين بس عسا تكون واضحه لكم وياليت اذا تقدرون بخبرتكم وبالصور تفيدوني هو زين ولا شين وتراه خايف للحين ماهو اليف .. لاني مثل ماقلت اول مره اشتري ببغاء

الصور
http://www.0sss0.com/up/uploader_files2/A9B02182.jpg

http://www.0sss0.com/up/uploader_files2/w2W02328.jpg

http://www.0sss0.com/up/uploader_files2/qx402343.jpg

http://www.0sss0.com/up/uploader_files2/nyb02384.jpg
HAZZA3O
23-03-2007, 02:01 AM
الف مبروك الببغاء اخوي

وماشاءلله وايد حلو ماشاءلله نضيف

واعتقد انه كبير تقريبا سنتين او سنه ونص

لانه عيونه يايه عالاصفر

بس ماشاءلله عليه وايد حلو الله يخليه لك يعطيك خيره ويكفيك شره
الدوق
23-03-2007, 02:07 AM
اشكرك اخوي على المرور .... والله يبارك فيك
الجااارح
23-03-2007, 02:18 AM
أخوي/ الدوق

أولاً : أحب أهنيك على تصرفك الجريء والحازم على شراء الطير بدون مخاوف وأبارك على طيرك وأقول لك ألف مبروك على طيرك الرمادي والله يحفظه لك من كل مكروه ويكون بينكم علاقة حميمة بس قولي وش اسمه؟؟؟

ثانيا : وبالنسبة أنه ماهو أليف الصورة الأخيرة توضح لنا صحة كلامك لأنه شكله كان يزعق ...
على العموم شيء طبيعي وعادي أنه ما راح يتعود على المكان في ظرف يوم أو يومين أو حتى بعد اسبوع يبي له وقت شوي علشان يخش جو معاك ويتعود عليك وعلى المنزل الجديد والناس اللي من حوله ..... وإنشاء الله بعد فتره راح تلاقيه 100% معاك ولكن أنصحك إذا كنت تبغاه يتوالف معاك بشكل سريع إنك ما تخوفه وإنك تخليه في مكان قريب منكم علشان يتعود على تصرفاتكم ويتعود عليها حاول إنك ما تخوفه وتأكله بشكل مستمر وتجلس معاه على الأقل ربع ساعة يوميا إلين ما يتجاوب معاك ....

ثالثاً : بالنسبة للطير هل هو جيد ولا لأ هذا الله أعلم به لإن الصور ما وضحت لي وضوح تام لكن والله العالم إن الطير اللي معاك إنثى والإناث أهدى من الذكور وهذ ميزة تعتبر في صالحك وركز عليها الله يبارك فيك ...

معذرة على طول الكلام :D

على العموم الله يبارك لك في طيرك ويوفقك لتكوين أحلا علاقة بين الإنسان والطيور ....
الكسيكوالدره
23-03-2007, 05:01 AM
هلا
ماشاء الله عليه شكله حلو واذا ماخاب ظني فحجمه ممتاز
اماالعمر فهو مو صغير اتوقع فوق السنتين والله اعلم
عليك بالاكل الزين وشكل له من فواكه وحبوب وحافظ على نظافته ونظافة القفص ولاتخلي احد يزعجه ويخوفه باي طريقة واصبر عليه وان شاء الله يتكلم ويصير الليف وتستانس معاه
الطاير
23-03-2007, 05:30 AM
الف الف مبروك

بس الله الله بالصبر ,,,,,, ولا تخرعة
لاتستعجل وانتضر الى ان يولف على المكان

وانشاء الله مابتشوف منه الا كل خير


وتودد اليه بانواع الفاكهه والخضروات والحبوب كالخوخ واللوز والحب والخس والملفوف

عشان تعرف انت وش يحب ياكل وعشان يتعرف عليك مزبوط ويوثق فيك

وطبيعي جداَ ماياكل منك اول ايام واحتمال ياخذ الاكل منك ويرميه بس طول بالك وكرر المحاولة




وعلمنا وش صار معاك

تحية
الطاير
mmc260
23-03-2007, 11:34 AM
طائر مره جميل
ولد_البحرين
23-03-2007, 02:11 PM
ميروك عليك ،،


لكن الطير كبير في السن لو تلاحظ عيونه صفرة يعني مفروض اخذته بسعر زهيد اما اذا خذته بسعر مرتفع فقد غشوك .
bin dubai
23-03-2007, 02:52 PM
شكله رافع خشمه و عنده رنج روفر وولا بعد متكشخ بعد ماشاء الله عليه فله الله يخليه لك ويتربى في عزك انشاء الله
الدوق
23-03-2007, 07:02 PM
اشكركم كل الشكر على مروركم وتشجيعكم الطيب .. وبالنسبه لللصبر صابر عليه ومدلعه آخر دلع والحين اعطيه عسل ويلحس من اصبعي ويعض لكن ماهي مشكله

والله ياخوان اني ماعرف اعمارها جت براسي وشريته واللي شريته منه قال لي ماكمل سنه لكن بعد اللف بالنت والتمحيص عرفت ان عمره يمكن سنتين .. واحد من الاصحاب عندك خبره بالطيور قالي ماحد يقدر يحدد عمره بالضبط بس تقدر تقول من سنه لين خمس سنوات ومن خمسة سنوات لين 10 سنوات يعني ماتقول سنه أو سنيتن او سبعه تحديدا .

اما اسمه كـــــــــو كـــــــــــو

وبعطيكم اخباره أول بأول
ولكم تحياتي