استفسار ضروري يامحترفين

[شآآآدي]

السلام عليكم .. انا عندي ببغاء وله شهر عندي بس الطير مو موالف
وكنت كل يوم أطلعه من القفص بس اني افقد الثقه لأن ترجيعه صعب
ونجلس انا وياه مطارد بالمنشفه الين ادخله القفص وأحيان يرمي نفسه
بالجدار او بشبك القفص لدرجة انه جاه جرح بجناحه لكن تعافى من اسبوع
ولله الحمد
والحين يوم ماصرت اطلعه يعني بديت احس انه بدا يتقرب مني يعني احتمال يآكل من ايدي قريب وخايف افقد الثقه اذا طلعته فاشرايكم هل ضروري أطلعه من القفص .؟؟. ولا عادي اخليه الين يكسب الثقه
على اسبوعين كذا او شهر ؟
وبالنسبه للاستحمام هل رشاش المويه يفي بالغرض ولا احممه زين لاني احسه احيان يحتك كثير ؟

[ابوغزل]

مساء الخير

والله انا اقول يا خوي خليه فترة شهر واستغل موضوع انه ياكل من يدك الين يتعود عليك شوي ودايما كلمه وصفرله رح يتقرب منك اكثر واكثر

موضوع انك تروشه بالموية يفضل كل اسبوع مرة

تقبل مروري ابو غزل حبتييييييييييييييييييييييييييين :88:

[شآآآدي]

مساء النور ومشكور يبو غزل على الإجابة وسرعة الرد

[alosaimi]

بالنسبة لي كنت مثلك اول ماشريت الطير صعب ادخله فالقفص لكن بعد ماشريت قفاز احمر صار الطير كل ماشافه يقول وينك يالقفص ومن بعدها كل مابغيت ادخله البس القفاز وبكل اريحيه ادخله حتى لو اضطريت امسكه بالقفاز وادخله غصب ... والحين صار يركب على يدي طبعا بنفس القفاز ... اذا ودك تعرف كيف ..!!

نزل الطير في غرفه فاضيه وطلع القفص برا وحجر له يمكن يجاعر شوي لكن شوف الوناسه .. مره مرتين ثلاث اربع وبعدها يركب غصب عنه وفالبدايه يمكن يركب ثواني ويطير لكن كرر عليه وان شاء الله يسكب معك ..

اما اذا تبي تمسح عليه .. !!

خله يطلع برا القفص وقفله .. بعدين حطه فزاوية الغرفه بيصير الجدار من جهتين وانت حجر له من جهتين طبعا خله فوق القفص ... حط في يدك اليسار حب دوار الشمس وبيدك اليمن حاول تمسح عليه مره مرتين ثلاث وان شاء الله راح تشوف نتيجه .... طبعا يبي له صبر ...

اما الاكل من يدك هذا اسهل شي ..

اقطع عنه الاكل ساعتين وبعدين جيب فول سوداني .. وتراه يقدر الفول السوداني بشكل خيالي ...

وابدا شوي شوي خل حركتك هاديه .. لانك اذا صرت خايف وتتحرك بسرعه تراك تخوف الطير لكن خلك هادي وحذر وان شاء الله راح ياكل من يدك ... لكن خلك حذر اكررها ترا يمكن يخم اصبعك انتبه ..


هذي تجربتي وبالتوفيق لك وللجميع ........... .

[ابو فيصــل]

حنا مشكلتنا اول مانشتري الطير نبي نطلعه على اليد ونبي نأكله باليد ونبي نسبحه ونبيه يكون مثل الحمامه
ونستعجل وتصير ردة فعل الطير عكسيه تماما ويكرهك ويكره الساعه اللي دخل فيها بيتك ...
خله بقفصه غير له المويه والاكل يوميا بنفسك نظف القفص من الخارج اجلس بجنبه ولاتعطيه وجه صدقني شوي شوي وبيصير يعرف انك ماراح تأذيه وراح يتعود عليك واذا تطمن لك وصار يثق فيك سو اللي تبيه بعدها
دمت بحفظ الله