كات تري مائل للاسف , ساعدوني

[عيون جدة]

السلام عليكم

ازيكم


انا جبت كات تري كبيير

يعني مترين ونص لكن للاسف واقف كانو برج بيزا

طلع مائل ايش اعمل عشان يتوازن ؟ , فكرت احط داخل تحت فيه مثل البوكس بحط فيه حجر > ام التفكير

فمني عارفه خايفه يعور قطتي اتمنى تردو علي

بليز او ادوني حلول تانيه

[امال شاعر]

ياعيون جده ايش هوه ده الكات تري ممكن تصوريه

عشان اقدر اساعدك

[دلوعةقطوتي]

اهلين
الكات تري شجره القطط
تيب نزلي الصوره او شوفي لك نجار يعدلها

[عيون جدة]

الكات تري هو عامود الخدش او شجرة القطط

وان شاء الله اضيف لكم صور

بس لاحظت قطتي تنسدح عالارض وتمد رقبتها وكانها تبغى تستفرغ بشويش يعني بدون مايتحرك جسمها

ايش السبب ؟ النطّة ولا هيربول ؟

[عيون جدة]

تيب هي مو عاليه عليها ؟ مترين ونص

دحين فكرت بالناحيه دي

[دلوعةقطوتي]

اتوقع هيربول
لاعادي القطط بينطوا من اماكن عاليه وهي مافيها ستاند؟ ولاتخافي لو عندها مخالب بتتمسك

[عيون جدة]

الا فيه ستاند

هي تنط بقوة وهو عالي يعني تنط بارادتها

والهير بول ايش اعمل ؟؟

المرهم داك مو موجود في جدة مررررررررررررا

بس دراي فوود مياو مكس للهيربول ينفع ولا كده بس ؟

والزيت زيتون كل كم مرا استخدمو ؟

[دلوعةقطوتي]

لاتخافين عليها ان شاءالله مو جايها شي:p
اما الهيربول اذا مالقيتي المعجون
مشطي شعرها يوميا عشان الزايد يطلع او خففي شعرها
وزيت الزيتون مره باليوم ولاتكثرين عشان مايقلبك على اسهال
والدراي فوود تبع مياو مكس حلو

[عيون جدة]

اهاا

اوكيه بجيب الدراي فوود

تسلمي حبوباا

[امال شاعر]

المرهم تلاقيه في عيادة التحليه انا اخده الاسبوع الي فات