كلبتي الجديده

[nore]

السلام عليكم

انا عضوه جديده وهذا اول موضوع اطرحه

مشكلتي ممكن تكون صغيره بس مالقيت لها حل

انا شريت كلب هاسكي بيور
3 شهور فقط

وراعيها الاصلي مسميها (شارون):mad:

وانا ماعجبني الاسم

اللحين اعاني في اني ابي اغير اسمها الى اسم اخر يعجبني ويناسب ذوقي:D

لكن الكلبه لم تستجيب لنداء اخر غير اسم شارون


افيدوني لاني ماحبيت الاسم ابدا وابي طريقه في اني اعودها على الاسم الجديد اللي ابيه:rolleyes:

وبس:shy:

[_MJOoOD_]

هلا اختي يمكنك انت تغيري اسمه

بس انتبهي ان تناديه باسمه اللي ما تبينه اللي هو شارون :64: ههههههههه

لنه بيتلخبط كذا انت بس شوفي وقت ما يلعب ولا انت وهو في مكان هدوء وناديه باسمه الي تبينه اكثر من مره عشان يكون

يحفظ اسمه بس

واذا كان مني تقصير فهاذا من خبرتي القليله وشكرآ :)

[_MJOoOD_]

فيه طريقه ثانيه اللي هي وقت الاكل تمسحين على كلبتك وتنادينها بصوت واضح جدآ بالاسم اللي تبينه

[nore]

مره مشكور بحاول اني اسوي هذه الطريقه واردد عليها اسمها الجديد
عشان تفهمه غصب عنها:D

[jassim99]

جربي هالطريقه و ان شاءالله بتنفع

الاشياء الي تحتاجينها

1-تريتس (مكافئه غذائيه) بشرط يكون يحبها
حاولي تكتشفين شنو يحب

2- كلكر واذا ماعندك كلكر ممكن تستخدمين كلمه yes بدال الكلكر


وخليه يجلس امامك و ناديه بالاسم الجديد

كل ما يلتفت عليك مباشره تعطينه كلك او (yes) وبعدها المكافئه..... خلال فتره بسيطه راح يعرف اسمه الجديد

وراح يتعود كل ماتنادينه باسمه يلتفت عليك :)

[Nona999]

وعليكم السلام ورحمه الله وبركاته ..

اهلا وسهلا منوره المنتدى وشرفتينا :)

بـ النسبه للاسم امر بسيط ان شاءلله ..

اختي فيه طرق كثيره ومنها اللي افادوك اخواني ..

ومع مرور الوقت راح يعرف اسمه الجديد ..حاولي تكرري الاسم اللي تبينه له وتناديه فيه ..

و حاولي تلعبين معه مثل ( الغميمه :D ) لان كلاب الهاسكي معروفه باللعب ونشاطها الكبير مشاءلله .. تتخبين وهو اكيد راح يدور عليك ولكن وضحي له انتي وين تخبيتي مثلا اركضي بشويش او بـ البطيء قدامه وتخبي:12: واذا قرب او وقف وقعد يطالع ناديه باسمه اللي تبينه بصوت هادي و واضح واذا جا عندك وشافك وقرب مسحي عليه وشجعيه بأسمه مثلا good ..... الاسم... ومع التكرار راح يعرف اسمه وانتي راح تعجبك اللعبه :p

وانا اخترت هذي الطريقه لان كلاب الهاسكي لعوبه و لسى صغير راح يعرف اسمه بأذن الله ..

وموفقه اختي

[Musab Pro]

اول شي احب ارحب فيك اختي نورة بين اخوانك .. نورتي المنتدى والقسم خاصه .

وخليه يجلس امامك و ناديه بالاسم الجديد

كل ما يلتفت عليك مباشره تعطينه كلك او (yes) وبعدها المكافئه..... خلال فتره بسيطه راح يعرف اسمه الجديد

وراح يتعود كل ماتنادينه باسمه يلتفت عليك

هالكلام مو غريب علي :) :)

هذا السيستم اللي انا اشتغل عليه .

ممتاز جدا ويطور التركيز بشكل حلو .

وراح افصل لك المعلومه اكثر اختي نورة واكون اكثر دقه شوي .

اول شي خلي الكلب لمدة ٣ ساعات بدون اكل .. يكفي المويه بس .

جيبي تريتس هاي فاليو من النوع اللي ينجن كلبك اذا شافه .

وتكون صغيرة وسريعة الاكل وانا افضل النقانق في هذه الحاله .. قطعيها صغاار .

لاااا تستخدمين كليكر بما ان كلبك جديد .. خلي صوتك هو الكليكر وهو العلامه اللي توضح للكلب

انه عمل الشي الصحيح . (هذا التدريب بيعلم الكلب التركيز وبيعلمه ان يسسس تعني المكافئه )

وبعدين مثل ما تفضل اخوي جاسم .

تحطين الكلب امامك وتنادين باسمه الجديد .. وخلي نبرتك ثابته في كل الاوقات .

وسوي الطريقه اللي قالها جاسم .

لنفرض انك تنادينه ريكس . راح يكون النضام كالتالي .. الوقت مهم جدا حاولي تسوين مارك باقل من ثانيتين .

ريكس .. يطالع فيك ..( على طول مارك ) yessss .. تمدين له المكافئة ياكلها من يدك .

و تتكرر من ٢٠ الى ٥٠ مره وبعدين اتركيه ٣ ساعات ونعود من جديد ندربه ٢٠ - ٥٠ مره .

و اوعدك خلال يومين راح يعرف اسمه ان شاء الله .

اهم شي التوقيت .

تقبل مروري .

[nore]

الله يعطيكم العافيه جميعا

لكل اللي ردو و افادوني بخبرتهم وانا ببدايه مشواري :freind:

طرق سهله وحلوه وانا بديت معها وابشركم سميتها LOra :p

وعلى فكره انا غلطت في تقدير العمر:eek: اكتشفت من راعيها الاصلي ان عمرها بالضبط شهر و ثلاث اسابيع فقط:rolleyes:

يعني مرره صغيرونه


ومشكورين حبايب قلبي على تفاعلكم و ردودكم الحلوه

[Musab Pro]

بما ان عمرها ٧ اسابيع يعني راح يكون شوي اصعب انها تستوعب اسمها .

الكلب في هذا العمر يحتاج انتباه ويحتاج قضاء وقت طويل معه عشان يتعلق فيك .

وبالتالي اي شي راح تعلمينه بالمستقبل راح يتقبله منك لانه يثق فيك ثقه عمياء ،

[كـش مـلك]

ما قصرو الاخوان معاك ..

بسس انا عندي طلب اذا مافي مانع.

ممكن صور للـ LOra..

..____^

[nore]

اكيد انا معها دايم لانها بعمر صغير مره
وماطلبت شي اخوي كش ملك مع اني كنت ناويه انزل لها صور بس تكبر شويه ويطلع شكلها اوضح

ي زينها بس كنها قطووه:p

وهذه صور حبيبتي:D LOra
http://store2.up-00.com/May11/kis77116.jpg


http://store2.up-00.com/May11/Oh877116.jpg

[Abo_fahed]

ماشالله عليها جمييلة جدآ وشكلها مشاكسة يحليلها ;) واختيارك للاسم أحلى
عسا الله يخليها لكم وتتربى في عزكم ان شالله ..

[nore]

عيونك الحلوه
ويشرفني مرورك

[غريبو]

ماشاء الله الاخوان ما قصروا معاج

والكلبه جدا جميله

واهم شي اختي العناية والتغذية

تقبلي مروري

[king-zoo]

يتربى بعزك

[كاتا]

واااو كلبتك تهببببببببببببببببببببل ماشالله ماشالله الله يخليها لك .. ياناسو عليها من جد كأنها قطوه والله شكلي بصرف القطوه وبجيب لي كلبه صراحه من شفت كلبتك تهورت هههههه ...:D

[nore]

يعطيكم العافيه ي رب

والله يقدرني في ان اعطيها حقها في التربيه والعنايه والتغذيه:)

وكاتا :88: انصحك تاخذين كتكوته مثل LOra:shy:

[m6n65]

ولله تههههههل مررة ولونه خققق بسس اهئ اهئ اهئ نفس عيون كلبي عسلي مو ملونه

لاكن ولله حلووة انا عندي نفسها بس 5 شهور الحين

[_MJOoOD_]

الكلبه كيوت هههه تتربا بعزك ان شاء الله

[كـش مـلك]

ما شاء الله

I think هاسكي والله اعلم

بسس ما شاء الله بطل

اهتمي فيه اختي

واسف على التأخر بــ الرد

[3bdelnabi]

انشاء الله المشكله سهله و الاعضاء ماخروش عنك حلولها وربنا يسهلهالك و ميكنش في مشاكل تاني تقبلي مروري

[ammari]

ماشاء الله