غبت عن الكاسكو اسبوعين فصار يخاف مني

[بصمات الزمن]

بدخل بالموضوع علطول

كنت كما تفضلتم بالقول قد وصلت لمنتصف الطريق مع ببغائي مون من حيث الترويض

ولكن وقدر الله وما شاء فعل (صار حادث وتوفي به 5 افراد من الاهل )ولاحول ولاقوة الا بالله

فاظطررنا للسفر وتركت ببغائي في غيابي عند الجيران

رجعنا بعد اسبوعين وكان اول شي عملته اني جبت الببغاء

ولقيته خايف مني وكأنه اول مره بيشوفني

خلال يومين رجع ياكل من يدي ويخليني امسح منقاره بس فجأه بيجعر ويبدا صدره يرجف
الطير اول ماكان بيجعر ابدا :(

مالتصرف الصحيح مع الببغاء الان؟

اعامله وكأنه جديد

ولا ايش السوات

وسؤال تاني الاحظ عالببغاء كثرة الحك وتطاير قشره كثيره منه

وبيعطس احيانا مدري بينفخ الهوا من منقاره مش عارفه اوصف بس المهم ان برازه طبيعي وكمان فتحات الانف طبيعيه ولا فيها لا سوائل ولا شي اتمنى الافاده بها الخصوص وشكرا

[الكاكي]

ان لله وان اليه راجعون
طبيعي اسبوعين ما هي بالمدة السهله (ممكن الجيران ما يعرفون يتعاملون معه).
شوي شوي يرجع لحالته الاصليه.
القشره والحك الزائد سببه عدم الاستحمام (لكن التيارات البارده مضره جدا) لابد من مكان دافي بعد الاستحمام
لاسيما الجو عندكم بارد نسبيا.
العطاس مرتين او ثلاثة طبيعي.

[بصمات الزمن]

جونا متقلب فبمجرد هطول المطر يرجع الجو بارد وتيارات هوائيه جافه وبارده

ولكني بحمم الطير كل 3 ايام واغطي القفص بقماش واخليه بغرفه شغال بها مكيف تدفئه لمدة 6 ساعات حتى يجف الطير تمام ماادري اذا طريقتي هذه صحيحه او تسبب للطير المرض

وبالنسبه للقشره والحكه مستمره رغم الحمام

[الكاكي]

ممتازه الطريقه
الحكه والقشره طبيعيه ولكن اذا زادت مو طبيعية
فيه بودره اسمها75% neguvon ملعقة صغيره على لتر ماء ترش على الطير مره اسبوعيا
غير مضره تقتل الفطريات وتعقم الريش.

[بصمات الزمن]

اها


شكرا اخي بجربها ويارب يرتاح الطير

[~ملكـ الكاسكو~]

أولا

عضم الله أجركم وأحسن الله عزاكم

ثانيا

الجيران ممكن كانوا ماعرفو يتعاملوا معه
أبتدي وكأنه جديد معاك
وشكرا

[بصمات الزمن]

يجزاك ربي الجنه ولا هنت خيو

[يوفاوي الكويت]

في البدايه
عظم الله اجركم واحسن الله عزاكم

وقدر الله وما شاء فعل

اما بالسبه للطير انج تتقربين للطير اكثر

وتعطينه الاكل الي يحبه بايدج علي شان يحس بالامان

وحاليا الجو تحس بس اتوقع في ابها برد للحين ومع هذا ما يمنع من الترويش بماء دافي

الظهر والتشميس

اما القشره هذي شي طبيعي بالطير وكل الطيور الافريقيه فيها قشره لا تخافي

اما الجعير انا انصحج بالعسل عندج طريقتين

انج تحطي العسل باصبعج والطير ياكل منه والطريقه لها فوائد كثيره ان الطير يقطع الجعير وما يخاف من اليد ويتعود عليها

او انج تحطي العسل في الحب الشمسي وتعطينه حبه حبه

والطريقه هذه مجربه للجعير

وبالتوفيق

استمري بالتعامل مع الطير كانه طفل صغير

[بصمات الزمن]

استاذ يوفاوي انتظرت نصيحتك وقد جائت شكرا وراح اتبع اسلوبك

كل الامتنان

والحمدلله على كل حال

[naasooh]

يحتاج وقت وصبر

[يوفاوي الكويت]

استاذ يوفاوي انتظرت نصيحتك وقد جائت شكرا وراح اتبع اسلوبك

كل الامتنان

والحمدلله على كل حال


بالتوفيق ومثل ما قال اخوي نصوح الكبير يبي له صبر ووقت

وزين شفناه بالمنتدي هو استاذي الكبير

[بصمات الزمن]

بارك الله فيكم كلكم والله ماقصرتم معانا ويارب تتسهل ويتروض هالطير

[بصمات الزمن]

يحتاج وقت وصبر

هلا بالاستاذ الكبير وشكرا للنصيحه والتواجد:shy: