اذا عجبكم ببغائي كوكي ادخلوا

[*هاوي البادجي*]

يا شباب ادخلوا موضوعي الحين بحط رابطه

وابيكم تقولولي

1- شنو نوع كوكو <<<لا تقولولي كاسكو ادري بس جامبو ولا وسط و هولندي ولا افريقي

2- كم عمر كوكي انا ادري كم على خبرتي بس انتم قولوا<<<< ومنكم نستفيد

2- كم تتوقعون سعر كوكي يعني لو نشوفونه كم تقولون سعره بس يا ريت بعمله الدينا الكويتي او الريال السعودي لأاني ما اعرف غيرهم :12::12:

وانا بقولكم سعره عقب ما تتوقعون على الخاص

وهذا الرابط
http://www.2zoo.com/vb/showthread.php?t=222703

[*هاوي البادجي*]

طبعا انا كاسرته ما خليته يلعب علي لأي من فتره كنت شاري منه 3 كواسكو واحد لي واثنين اقاربي جاين معاي وشروا

[الكاكي]

غيني
سنه
300-400 ريال

[fawzi]

افريقي نيجيري حجم وسط اسعارهم تتفاوت على حسب اذا كان اليف سعره 700 على حسب السوقاا عن عمره تقريبا سنتين

[كاسكـــو]

نوعه ببغاء التمنه او الغيني ولد عم الكاسكو ويعتبر منافس له

والغيني اصغر حجم من الكاسكو الوسط

سعره بما اني اشوفه اليف ويطلع عاليد بحدود 600 الى700 ريال لان هذا النوع لو اليف ويتكلم يوصل 1000 - 1200 ريال تقريباً

عمره موو واضح بالصور بسبب اعتقد الفلاش لكن مايقل عن السنه توقعاتي

[صاحب الشاطي]

مب غيني هذه نيجيري مبين من المنقار لونه اسود بكامل

عن السعر ما اعرف بس اتوقع

100 دينار

[ابوفزاع]

ماشاء الله

الطير حجمه كلاسيك ( الحجم الطبيعي للكاسكو ) والله اعلم

اسعارها حسب الولافه وطلوع اليد واذا كان صوته واضح جهوري بالكلام فسعره من 2500 ريال يعني تقريبا 205 دينار كويتي
وتصل لغاية 4000 ريال ( 320 دينار كويتي )

وهذا يعتمد على درجة الولافه ونباهة الطير ووضوح الصوت وجرأة الطير


وطيرك ماشاء الله عليه اتوقع بيبهركم لكن اصبر عليه وبتشوف العجب بإذن الله في خلال شهرين الى ثلاثه

واضح عليه جرئ ومايهاب

بعض الطيور اذا جيت تصوره بالكاميرا تشوف عليه نظرة خوف وتعجب

وان ماخاب ظني طيرك يسمونه الجبلي
الكاسكو الجبلي


وهذا مش غيني ياشباب

الله يهديكم واضح وضوح الشمس كاسكو افريقي

وننتظر منك مقطع فيديو للطير وهو يتكلم ... واشوف يدك كل مخوش من اظافره ... ودّه لمكان مختص او واحد فاهم يقص اظافره
ولاتقصها انت لان اظافر الطير فيها الشعيرات الدمويه واخاف تجيب العيد



وعمر طيرك مثل ماقال الاخ فواز

سنتين واشوف عمره جدا مناسب وحلو خاصة وإنه اليف وياليت تذكر لنا الكلمات اللي يقولها وترفق لنا مقطع نستمتع معاك




ولاتكثر له الفول السوداني عشان مايجيه سهال

مهما بلغ حبه للفول السوداني لاتعطيه اكثر من حبتين باليوم

[*هاوي البادجي*]

عمر كوكي 10 اشهر الى سنه
سعر كوكي كان ب 100 دينار يعني 1450
بس انا رخصته وشريته ب 70 يعني 1000 ريال
وهو بالولافه مع كل واحد اليف وا يجعر ولو تحط ايدك بحلجه مايعض ويحب كل الناس هو في بدايه لاتقين

[*هاوي البادجي*]

هو ما يتكلم هو في بدايه التلقين

[ابوفزاع]

ماشاء الله السعر جدا حلو

لكن العمر مستحيل يكون 10 شهور وفقا للصور المرفقه

إلا اذا صورت صوره اوضح من هذي وبدون فلاش اقدر افيدك بإذن الله


وابدأ معاه بكلمه سهله وانصحك بكلمة بابا هي اسهل واسرع كلمه يتعلمها الطير

[صاحب الشاطي]

ما شاء الله الاسعار حلوه عندكم في الكويت

و يترب بعزك ان شاء الله

[كاسكـــو]

الاعضاء اللي يقولون نحن على خطاء

اخواني ارجع وأأكد من جديد هذا الطير غيني موو كاسكو افريقي

شوفو البقعه اللي تميل للون البني على منقاره وايضاً لون ريشه

http://www.2zoo.org/get-6-2011-2zoo_org_jvyh4x24.jpg (http://www.2zoo.org)

http://www.2zoo.org/get-6-2011-2zoo_org_j0i7craj.jpg (http://www.2zoo.org)

شوفو الافريقي او الكاسكو المعروف وقارنو بالمنقار ولون الريش الشكل

http://www.2zoo.org/get-6-2011-2zoo_org_o614eopa.jpg (http://www.2zoo.org)

http://www.2zoo.org/get-6-2011-2zoo_org_8voi8ct3.jpg (http://www.2zoo.org)

وهذا هوو الغيني او كما هو معرووف التمنه

http://www.2zoo.org/get-6-2011-2zoo_org_79jjnwba.jpg (http://www.2zoo.org)

http://www.2zoo.org/get-6-2011-2zoo_org_9df2d3yk.jpg (http://www.2zoo.org)

[*هاوي البادجي*]

اوك شكرا اخي

كاسكو