مشكـــلة عويصـــة ....

[عهد]

السلام عليكم ....

كيف حالكم شباب سوري انا اليومين هاذول أذيتكم بالاسئلة و المشاكل بس الحين اكبرت المشكلة قطوتي الحبوب السودة ساندا للاسف اتركت عيالها يعني انكرتهم او بالعربي الفصيح خلتهم وما تبيهم وانا مب عارفة شاسوي العيال توهم ما اكملوا ثلاث اسابيع و توهم صغار ويادوب يفتحون عيونهم وهم محتاجين لامهم بس هي عافتهم فشلووون اعتني بهاي القطط الصغيرة ياريت احد منكم يشور علي ياجماعه ...وشكراً ....

[عهد]

يا جماعه الله يهداااكم ساعدوني لحين محد رد انا طالبة النصيحه منكم .....!!

[Dominique]

شوفي

أنا الصراحة ماعندي كيتينز

بس اللي أعرفه من تجارب الأعضاء انج لازم تشربينهم حليب خاص بالكيتينز ينباع بالجمعيات أو الصيدليات البيطرية

ولازم تخلينهم في مكان دافي وحاولي كثر ماتقدرين تخلينهم جنب أمهم بالغصب عنها

واهي بعد فترة بتحن لهم وترجع تعتني فيهم وانشالله الاعضاء مابيقصرون
.
.
.

[عهد]

يسلمووو على مرورك أختي انا حاولت مع الام عشان تقرب من عيالها للاسف عصبت و كشرة بأنيبها لهم و الحمدالله ان انا لحقت عليهم قبل لاتسوي فيهم شي وانا الحين اعطيهم حليب خاص بالاطفال ذوي الاشهر الاولى و الحمدالله يشربون منه بس بعد اخاف و احاتي فهل ممكن يستمرون من دون الام لان الام يعني ولا هامها شي عادي عندها و هاذي اللي قاهرني منها بس الله المستعان واكرر شكري لك على مرورك

[loli]

القطط في سن تلات اسابيع يعني كلها اسبوع باذن الله وياكلوا اكل اخر بجانب الحليب.... انصحك انك تديهم اللبن بالقطارة البلاستيك او بالرضاعه الخاصه بالقطط المواليد ودي تلاقيها في العيادات المتخصصه.... وشويه شويه تلحسهم شويه جنبه مثلثات... يعني ربع حبه لكل قطه وتحاول انك تمسح عليهم مكان التبرز عشان يعملون في الرمله ... تجيب حته فوطه صغيره مبلوله خفيف اوي بشويه ميه وتمسح لهم مكان التبرز عشان يتحفزوا للتبرز كل مره تلات اربع مرات... وخلال اسبوع او عشر ايام حتلاحظ انهم ابتدوا ياكلوا ويشربوا اللبن عادي ويعتمدوا على نفسهم

بس ملاحظه بسيطه هي الام انكرت اولادها ليه؟؟

هل هي مريضه ؟؟

ام حامل مره اخرى؟

يجب التأكد من الامر حتى لا تكرر الامر مره اخرى مع مواليد اخرين

وياريت تبقى تطمني عليهم

[عهد]

يسلمووو على النصحية و المعلومات المهمة اما الام الله يسامحها هاذي مب اول مرة تعملها كان عندها عيال من قبل بس كانوا يموتون لانها تخليهم في سن مبكر كذا مرة بس للاسف كانت تخشهم في مكان بعيد او تخلي احد القطط المتوحشة الظاله تاكلهم و الام شكلها مب صاحية يعني مريضة واحسن ان مرضها بعقلها و الله اعلم ... واكرر شكري لك أختي و يعطيك العافية :):)

[loli]

يبقى قطتك دي حرام تحمل مره اخرى... حاول تعملها عمليه تعقيم عشان متحملش مره اخرى لو انت باقي عليها وبتحبها..... لانها من الواضح انها مريضه عقليا ومتستغربش لان فيه قطط وكلاب متخلفين عقليا وده بيبان من التصرفات المتكرره الي بتحصل زي الموقف ده....

[sisi_moon]

ههههههههههههههههههها ضحكتيني والله يوم تقولين شكل المرض بعقلها

بس من جد يعني غرييييبه

طيب انتي تلمسين الكيتينز ؟؟

لان الام اذا شمت فعيالها ريحه انسان او قطوة او قطو ثاني تنكرهم

[عهد]

يسلمووو على المرور :) بس انا كانت المسهم كثير و حتى لو لمستهم عادي عندها ما تقول شي لما المسهم و هي متعودة اني المسهم بس ما المسهم الا اذا اغير الجرايد اللي تحتهم بس و بعد من اسبوع لاسبوع اغير ولما المسهم يادوب اشيلهم و ارجعهم بس ...

[loli]

ههههههههههههههههههها ضحكتيني والله يوم تقولين شكل المرض بعقلها

بس من جد يعني غرييييبه

طيب انتي تلمسين الكيتينز ؟؟

لان الام اذا شمت فعيالها ريحه انسان او قطوة او قطو ثاني تنكرهم

دي حقيقه ومعروفه عند مربي القطط والحيوانات عموما;) ومش كلالقطط بتتضايق من لمس اولادها لانها عارفه ان الناس الي مربينها وبيعتنون بيها مش مؤذين لاولادها... انا كانت قطتي لما بتولد بتولد على ايدي وبساعدها وبشيل الاولاد معاها وبنظفهم....وكانت مش بترضى تولد الا جنبي

[عهد]

يعطيك العافية أختي لولي على مرورك :)

[صاحبة وفا]

لاتعطينهم مال البشر تحملي .. عطيهم الحليب المخصص للكتنز وجربي تخلينها تقعد غصب وحطي عيالها عند صدرها عشان يرضعون

[westlife]

شوفي احسن حل انك اتييبين قفص واتحطين الام والصغار داخل
فالام لمن تبي اتنام اليهال بيون يشربون حليب غصب واهي بتستسلم
بس لاتنسين اتحطينهم في قفص

[عهد]

يسلموووو على المرور و يعطيكم العافية بس انا اعطيهم حليب المخصص للاطفال نان 1 حق الاطفال حديثي الولادة وهو خفيف على المعدة و اشوفهم يتقبلونها و الحمدالله اليوم عطيتهم وشربوا منه وبعد قاموا يفتحون عيونهم بس واحد منهم لحين ما قدر يفتح عيونه ......

[loli]

اصبري عليه شويه يوم كمان ولو مفتحش عيونه ....ابقى امسحي عليها بقطنه مبلوله بمية دافيه بس متضغطيش اوي... وان شاءالله بتفتح

[عهد]

يسلمووو على المعلومه اخت لولي وقواااك الله انا اليوم سويت هاااي الطريقة و إن شاء الله راح تنفع يعطيكم العافية كلكم يا جماعه على المساعده وجزاااكم الله خير ^^