ساعدوني قططتي ترفض التزاوج

[mrs.emo]

السلام عليكم ورحمة الله وبركاته

احتاج افكار وحلول من ذوي الخبره لمشكلتي قططتي رفضت تتزاوج وكانت خااااااايفه لدرجة ما

قدرنا نمسكها او نشيلها بس تبخ بخ وتصرخ اول ما شافت الذكر علما بان عمرها 8 شهور تقريبا واول مره تطلب التزاوج

يعني كانت جاهزه للتلقيح ...

مني فاهمه ايش إللي خلاها تثووور علينا يوم جينا نزوجها وكيف احل المشكله هذي واروضها وهل

في طرق ثانية للتلقيح اذا ما قدرت أروضها ... جزاكم الله خيرا:confused:

[vampire-TW]

كيف عبرت على رفضها امام الذكر...

[mrs.emo]

انا ما شفتها بس الناس إللي وديتها عندهم قالولي انه يوم شافته خاااافت وشردت وصارت تجري منهم في البيت وتبخ بخ في وجههم وما خلت أحد يمسكها الين أنا رحت واول ما سمعت صوتي كانت مستخبية تحت كرسي خرجتلي بس برضوا مارضيت تخليني أمسكها وجلست تبخبخ في وجهي وتعبتني إلين قدرت أدخلها السبت حقها بس يوم رجعت البيت أول ما خرجتها رجعت عااااديه ما شاء الله ولا كأن شي صار وكمان عندي قطه ثانية في البيت أنثى عمرها أربع شهور عادي رجعت تتعامل معاها زي أول
بس هيا أصلا من اول ما تحب تلعب كثير وتمشي ورى القطه التانيه تضرب فيها وتجري وراها بس ضرب عادي ما تبخبخ فيها إلا أول ما شافتها وكانت تخاف من البسه الثانيه رغم انها اصغر منها بس دحين عادي ما تخاف منها بس ما تحب تلعب معاها بس أحسها ما تحب اللعب مع اي أحد

[vampire-TW]

لا لاهي كانت طالبة التزاوج ولا انتم لزمتوا عليها....؟؟

[دلوعةقطوتي]

اهلين
قطوتك خايفه من المكان والناس غريبين عليها تصرفها متوقع
جيبي الذكر عندك بالبيت وخليه معاها فتره عشان تتعود عليه

[المخلب]

والله مافهمت شيء الا تبخبخ وبخبخت

حطيهم مع بعض وطفي النور وأنسي الموضوع

[ابو ساره الخالدي]

إذا كانت طالبه التزاوج
ممكن عشان المكان غريب غليها وجديد
فيه ابره تخليها ترضي بإمر الواقع قيمتها لا تتجاوز 15 ريال

[The Cat Whisperer]

اهلين
قطوتك خايفه من المكان والناس غريبين عليها تصرفها متوقع
جيبي الذكر عندك بالبيت وخليه معاها فتره عشان تتعود عليه
كنت لسة هقول كده تسلمي يا دلوعة قطوتي

هاتي الذكر عندك والمهم طريقة تقديمهم لبعض

وقصيلهم اظافرهم احتياطي لأن واضح ان قطتك مفترية :D

[mrs.emo]

لا لاهي كانت طالبة التزاوج ولا انتم لزمتوا عليها....؟؟

لا ما الزمنا عليها كانت في فترة طلب التزاوج وهيا اللي طلبت

[mrs.emo]

اهلين
قطوتك خايفه من المكان والناس غريبين عليها تصرفها متوقع
جيبي الذكر عندك بالبيت وخليه معاها فتره عشان تتعود عليه


يعطيكي العافيه كنت حاسه بكده بس ما كنت قادره أفهم بوضوح لقلة خبرتي بس حسيت انها في حالت هلع من المكان والناس وكمان الذكر مسكينه كرهت نفسها :(

[mrs.emo]

إذا كانت طالبه التزاوج
ممكن عشان المكان غريب غليها وجديد
فيه ابره تخليها ترضي بإمر الواقع قيمتها لا تتجاوز 15 ريال

من فين الإبره نجيبها أنا في جده في مكان تعرفوا بجده يبيع الإبره وإيش إسمها وهل هيا مضره ولا عادي :confused:

[mrs.emo]

كنت لسة هقول كده تسلمي يا دلوعة قطوتي

هاتي الذكر عندك والمهم طريقة تقديمهم لبعض

وقصيلهم اظافرهم احتياطي لأن واضح ان قطتك مفترية :D

يعطيكم العافيه بس كيف أفضل طريقه لتقديمهم لبعض أنا برضو حاسه إنه في طقوس لتقديمهم لبعض :rolleyes:

[دلوعةقطوتي]

من فين الإبره نجيبها أنا في جده في مكان تعرفوا بجده يبيع الإبره وإيش إسمها وهل هيا مضره ولا عادي :confused:

نصيحه لوجة الله لاتعطيها الابره اعطوها للقطوتي وزواجوها بالغصب ونفسيتها تدمرت ومرضت:(
جيبي الذكر عندك في البيت وجيبي منشفه وامسحي شعر الذكر فيها ونفس المنشفه امسحي فيها قطوتك وارجعي العكس عشان ريحتهم تكون وحده
واتركيهم مع بعض لبتضاربوا شوي بس لو مارضت تتزاوج لاتغصبيها خليها على راحتها

[vampire-TW]

اذا ما كنتي تريدين الكيتنز و التزاوج فهذه هي الطريقة..
الحل كالاتي....
كيفية إحداث التبويض صناعيا :
يلجأ بعض المربين, إلى إحداث التبويض في الإناث بدون وجود الذكر وذلك لكي تنتهي سريعا أعراض الإحترار التي تسبب ضوضاء للمربي , داخل المنزل وخصوصا إذا كان المربي لا يريد إن تحمل الأنثى وتنتج قطيطات صغيرة , ولذا يقوم المربي بإدخال قضيب زجاجي ( مرود زجاجي ) يشبه الترمومتر الحراري , داخل الفتحة التناسلية في المهبل ويقوم بعمل حركة دائرية أو حلزونية داخل المهبل , بهذا الفعل هو يحاكي أو يقلد إدخال العضو الذكري للذكر في الأنثى مما يؤدي مباشره إلى التبويض وبعدها تنتهي أعراض دورة الشبق وتنتهي معها الضوضاء الصادرة أثنائها, وفي بعض الأحيان يحضر المربي ذكر قط عقيم , ليضعه مع الأنثى أثناء دورة الشبق , فيؤدي نفس الدور السابق في أحداث التبويض , وإنهاء أعراض دوره الشبق

اما كنتي تريدينها ان تتزاوج فجيبي لها الذكر !!

[امال شاعر]

هي اكيد خايفه من المكان انا لمن جبت القط سنبا عندي هي تجري وراه ولمن اكتشف البيت هو يجري وراها