قرحه في رجل الكلب ؟؟؟

[jassim99]

السلام عليكم...

كيف حالكم شباب ؟

عندي سؤال بسيط.... اغلب الكلاب تحوشهم مثل قرحه في مكان مفصل الرجل الاماميه

و امس شفتها بكلبي.... الي كنت اسمعه قبل انها شي عادي ومايأثر على الكلب لاكن ابي اعالجها كيف ؟

علما بان ارضيه غرفه الكلب كاشي (بلاط) وفيها مكان صغير فيه رمل عشان يوسخ فيه و انا مخلي بالغرفه وساده خاصه بالكلاب عشان ينام عليها لاكنه ينام عالارض...!!!!

هل احطله رمل بالغرفه كلها ؟ علما بان مساحتها 5 في 3

[Musab Pro]

ممكن نشوف لها صوره ؟

[jassim99]

ابشر طال عمرك

هذي الصوره.... اهي صغيره لكن مابيها تكبر

http://www.2zoo.org/get-6-2011-2zoo_org_r4i89lhw.JPG (http://www.2zoo.org)

http://www.2zoo.org/get-6-2011-2zoo_org_yfhp077e.JPG (http://www.2zoo.org)

اتمنى تكون الصور واضحه

للعلم اني المسها و اظغط عليها ماتسببله اي الم

[على بالي]

السلام عليكم ورحمة الله

ياخوي بالنسبه للقرحه على قولتك عادي مجرد ماصار الكلب ينام على مكان ناعم واملس

مع الوقت تروح بروحها

انا من رايي حطله سجاد بجزء من الغرفه من السجاد الضعيف والي ماينشق بسهوله

وفوقها سرير مال الكلب الي ياخذ راحته فيه

بس فكرة الرمل خلك منها لانك مابتلحق عليه كل يومين يبيله حمام وبتحصله دووم مغبر

وتارس نفسه رمل

شوف نصايح باقي الشباب وشكرا

[ايمن مبارك]

من اسبابها البلاط يجب عليك تنضيف القرحة وتبديل مكان النوم الى مكان اطرى

[jassim99]

السلام عليكم ورحمة الله

ياخوي بالنسبه للقرحه على قولتك عادي مجرد ماصار الكلب ينام على مكان ناعم واملس

مع الوقت تروح بروحها

انا من رايي حطله سجاد بجزء من الغرفه من السجاد الضعيف والي ماينشق بسهوله

وفوقها سرير مال الكلب الي ياخذ راحته فيه

بس فكرة الرمل خلك منها لانك مابتلحق عليه كل يومين يبيله حمام وبتحصله دووم مغبر

وتارس نفسه رمل

شوف نصايح باقي الشباب وشكرا

اخوي انا شاريله افضل نوع من السجاد المخصص للكلاب الي يصير فيها فرو كانها فرو خروف بس ماينام عليها نهائيا

هل افرشله الغرفه كلها سجاد العادي مال البيوت ؟ لكن اخاف انه يوصخ عليه بكل مكان لانه يوم كان صغير متعود يوصخ على البوبي باد الي اهي تقريبا منشفه صغيره.... بهالحاله صعب تنظيفه

[jassim99]

من اسبابها البلاط يجب عليك تنضيف القرحة وتبديل مكان النوم الى مكان اطرى

اخوي كيف انظف القرحه ؟؟؟

و وين اخليه ينام ؟ ماقدر اطلعه بره غرفته وخصوصا بالليل لانه غرفته مسويلها عازل صوت عشان النباح

وما اقدر اوفرله مكان ثاني يمنع صوته في حاله النباح خصوصا ان الاهل محذريني من موضوع ازعاج الجيران

كيف يعني مكان اطرى ؟ مافهمت قصدك ياريت لو تعطيني مثال

[ايمن مبارك]

تنضيف القرحة عند البيطري اما المكان الملام مجرد مخدات او فراش ثخين وطري فقط لا غير كلها تكون في غرفته

[jassim99]

يا جماعه يعني هل اربطه بغرفته و احط تحته الوساده واخليه ينام عليها غصب ؟

[ايمن مبارك]

لا افرش له الارض بالوسادات او افرشة الثخينة

[على بالي]

ياخوي بالنسبه لتنظيف القرحه سهله انت اشتري كحول ونظفها كل يووم فالليل

مايحتاج بيطري وتكاليف عالفاضي انا عن نفسي كلبي من فتره طويله طلعت له وكبيره

مش صغيره بسبب انه تم فتره طويله ينام على الارض مجرد ماد حطيتله مكان تمام وناعم مع

الوقت والتنظيف راحت

وبالنسبه لمكان الكلب خليه يختار المكان الي يحبه ويرتاح فيه فاي ركن فالغرفه وعقب انت

حط الفراش فالمكان الي اختاره

او عوده على مكان خاص يوصخ فيه وعاقبه اذا وصخ بمكان ثاني وعقب افرش كل الغرفه

انا كلبي بيت بول قبل ما اسويله حمام مرات يوم كامل انشغل وما اطلعه برع وارجع ما احصله موصخ

بس بعد ماسويت له حمام عربي فالغرفه تعود عليه ودوم يوصخ فالحمام

بس انت لازم تختار سجاد قابل للتنظيف لانه الكلب لازم يوصخ سواء حمام او اكل او تقيئ

وشكرا

[Abo_fahed]

السلام عليكم ورحمة الله وبركاته ..

اخوي جاسم كيف حالك ؟ ان شالله في احسن حال؟

لاتحاتي الموضوع سهل وبسيط

الصور مو طالعه عندي بس الي فهمته من الموضوع وجود قرحه والكلب ينام على البلاط

اذا كان الكلب ينام على البلاط والمكان معرض للشمس فهذا سبب القرحه لان الارض بتكون حارة

اما اذا كان مغلق ممكن من ( الكاشي ) انا انصحك انك تصب مكان الي ينام فيه الكلب اسمنت

صحيح ان الكاشي تنظيفه اسهل لكن يضر برجل الكلب

وبخصوص اذا تبي كلبك ينام في فراشه في تدريب سهل وممتاز لكن يحتاج صبر تقريبا يومين بالكثير

الطريقة الآتيه :

1) تحط الفراش جدام الكلب واول مايلمسه بأي جزء من جسمه تكافئه على طوول

2) كرر العملية الى انك تخليه يقعد فوقه وتكافئه وتشجعه

3) مع الوقت راح يرتاح عليه لاني اعرفك ماتقصر على حلالك واكيد جايب له افضل الانواع والاريح له وبتلقاه مايفاارقه :p


وكلبك ماشالله مستوى حرام لان انا بزعل عليك وربي

والحل الثاني حق القرحة تروح للبيطري وتقوله عن دهان لونه اخضر لكن والله يااخوك ناسي اسمه انت قوله

GREEN CREAM

اذا مو مستعجل حيل عطني اليوم او باجر اتاكدلك

لكن اهو لونه اخضر وخاص للتقرحات وممتاز جدآ جدآ

-ـ-ـ-ـ-ـ
ان شالله افدتك باختصار يالغالي يا جاسم

اخوك : أبو فهد

[jassim99]

والله يابوفهد أفدتني الكثير الكثير الله لايحرمنى منك

بوفهد هو يعرف أني ابي ينام عليها وانا متأكد من هالشي

لان اذا دخلت عنده بدون ما أتكلم يروح عليها ويسوي ال ست والداون و آي كونتاكت قوي جدا

لكن بعد ما امشي ماينام عليها

والارضيه كاشي

بالنسبه للكريم أخذ راحتك بالوقت حبيبي

تعبتك معاي يابوفهد

[ايمن مبارك]

اخي جاسم هل الكلب يحك القرحة بأستمرار

وهل القرحة تفرز افرازات يعني قيح او ماشابه
و لاخ ابو فهد ما قصر

[jassim99]

هلا اخوي ايمن

لا لا ماتفرز شي قرحه عاديه ناشفه

و مايحكها الكلب