فرخي الكاسيكو يرجع [الأرشيف]

دموع العين

21-06-2011, 05:46 PM

السلام عليكم اعضاء المنتدى الكرام،،

بصراحه صار لي تقريبا اسبوعين الا خمسة ايام من خذيت لي فرخ كاسيكو للحين ياكل بالإبره ..
بس هو عمره تقريبا في حدود ال4 الى 5 شهور

اول ماخذيته واغره غر كان عادي ومايرجع شي ،، بس الحين الاحظه اذا اخلص من غره يرجع شوي مرتين او ثلاث ويعتمد ،، مره واااايد ومره ترجيع بسيط ..

شنو السبب؟ وهل هذي الشي خطر عليه؟؟

يوفاوي الكويت

21-06-2011, 06:02 PM

في البدايه مبرووووووووووك علي الطير

بس انا اتوقع انه طبيعي

لانه ياكل كمية الاكل وبعدها يستفرغ الزايد من الاكل

حاول تنقص الكمية وتشوف اذا رجع او لا

دموع العين

21-06-2011, 07:10 PM

الله يبارك في حياتك،،
مشكور اخوي على الرد وعلى فكره انا بنت
بس يوم كان عند صاحبه الاولي كان يعطي وايد لدرجه ان بطنه يكون منتفخ وااايد،، بس انا اعطيه ينتفخ شوي بس وبعد يرجع شوي

صوغة

21-06-2011, 07:36 PM

مبروووك عليج الطير

والله يحفظه لج

شوفي اختي كان عندي فرخ كاسكو وعاش معي 20 يوم وصار وزنه ماشاءالله وخلال يومين استفرغ ومات

قبل لايموت بساعات اخذته لبيطري قالي جسمه كله دود

انهار فجأة ومات بعيد الشر عن طيرج

نصيحة خذيه لبيطري خاصه اذا عظمة الصدر بارزة ماراح تخسرين شي لاخذتيه

نصحني أحد الاخوان بأول يومين اشتريه فيه أعطيه مضاد او طارد للدود وما سمعت نصيحته وكانت غلطتي

اتمنى ما تتأخرين في حالته اخذيه منتي خسرانه شي

والله يحفظه لج

الكاكي

21-06-2011, 07:42 PM

دموع العين

21-06-2011, 10:15 PM

مشكوره اختي صوغه على النصيحه
سويت نصيحة الاخ اللي قال لي ان اخفف الاكل اللي اعطيه اياه وفعلا ما رجع الطير ..
بس اذا جفت هالحاله اتصيده وايد ان شاء الله بوديه البيطري مثل ماقلتي اختي

fawzi

22-06-2011, 11:25 AM

اختي هناك عده اسباب تخلي الطير يستفرغ ومنها الزياده في الاكل والي تكرم وقالها الاخ يوفاوي الكويت والسبب الثاني ونادر مايحصل انه يدخل هواء داخل حوصله الطير واسبابه بعض الاحيان تكون ابره الغر .برضو الاكل اذا كان درجه حراره متغيره يعني يكون صارله فتره يمكن يصير بارد ويستفرغه الطير او يكون حار زياده عن اللزوم ومايتقبله الطير طبعا هذه نادر ماتحصل وبعض الاحيان برضو الاكل يتغير عليه بعض الاحيان برضو يكون مريض بس الافضل كي تطمئني عليه وديه للبيطري خليه يكشف على الطير

دموع العين

22-06-2011, 02:00 PM

اهلا اخوي شكرا على الرد،، انا مااعطيه من نفس الاكل في الابره،، اذا زاد اغسل الابره والمره الثانيه اسوي واحد غيره ،، والاكل اللي اعطيه في الابره اشحنه تقريبا 40 مل بس،، وبطنه عقب الاكل مايكون منتفخ الا انتفاخ خفيف كلش،، عكس يوم كان عند صاحبه الاولي ..

وبغيت اسأل بعد ،، شلون يكون الاسهال؟؟
لان شاكه ان وياه اسهال بعد ،، بس مو متأكده

هاوي قطه

22-06-2011, 02:24 PM

يعني اذا كانت عظمة الصدر واضحه يكون فيه دود ولا كيف ؟؟

صوغة

22-06-2011, 07:28 PM

اوكي حلو الله يحفظه لج

والاسهال اعزك الله يكون فضلاته سائله الاخضر يكون سائل بس مع السيريلاك اعتقد طبيعي يكون نوعا ما سائل ..

وبالنسبه لسؤال الأخ هاوي قطة اي اذا كانت عظمة الصدر بارزه وحادة اتحسها قاصه الريش يكون فيه خلل بالمعدة يكون فيه دود والدود يقضي على أكل الطير والطير مايستفيد شي

ونصيحة الي شاك انه في شي بطيرة وهو أول مره يربي طيور يلجأ للبيطري ومع الوقت تتكون الخبرة ويستغني عن البيطري ..

دموع العين

22-06-2011, 08:55 PM

وديته اليوم العصر البيطري بس للأسف الدكتور ماكان موجود
قالو لي الصبح يكون متواجد
وان شاء الله باجر الصبح اروح له

صوغة

22-06-2011, 09:03 PM

الله يطمنج عليه ان شاءالله

دموع العين

24-06-2011, 01:42 AM

اخواني وخواتي ،،
اليوم رحت العياده عطوني مضاد استخدمه لمده اسبوع واذا خلص الاسبوع ابتدي اعطيه فيتامين،،

اخواني الغريب ان الطير مايشرب ماي الا قليل كلش ،، بس من يوم عطيته المضاد ،، والدكتور قال لي اخليه بعد في الماي ،، جفته يشرب الماي!

بس اول ماعطيته المضاد عقب فتره بسيطه قام يرجع مع اني عطيته اكل الصبح ورجع ويوم وديته رجعت على الظهر تقريبا وعطيته المضاد جفت الترجيع مع بلغم بعدين صار الترجيع العادي ..

وبعدين عطيته اكل الظهر بعد و رجعه،، ويوم صار وقت اكله المغرب ،، قبل لا اعطيه رجع ماي،، وبس عطيته مرتين رجعهم بعد ،، بس بعدين قام ياكل عادي بس عقب ما خلصت من اكله قام يحرك رقبته نفس الطريقة اللي يسويها وقت الترجيع بس اشوه ما طلع شي ..

هل هذي الامور اللي صارت اليوم طبيعيه؟؟
اتمنى اتفيدوني بكل ماتملكون من معلومات، لان الطير متعلقه فيه عدل

صوغة

24-06-2011, 02:18 AM

طيب شنو قالج الطبيب فيه؟

وليه العلاج ؟ لأي سبب؟؟

بس دام توقف الترجيع معناه العلاج أن شاءالله بدأ مفعوله

بس أمانه قولي شنو المرض الي قال الطبيب انه بطيرج ؟؟

واذا ممكن شنو اسم المضاد ؟

اما بالنسبه لشرب الماس ساعات اذا الاكل مشبع بالماي مايحتاج الطائر لكميه اخرى من الماء يكتفي بالموجود بالاكل

خاصه الفروخ تكتفي بالماء الموجود بالسيريلاك

والله يشافيه ويحفظه لج

دموع العين

24-06-2011, 02:43 AM

انا بس قلت له ان يرجع ،، وما قال لي اي شي بس على طول قال بعطيج مضاد وفيتامين

والعلاج هذي حق توقيف الترجيع مثل ما قال، والفيتامين حق يقويه ..

بس ماقال لي شنو المرض اللي فيه ،، قال ان المضاد بوقف هالحاله اللي فيه

اسم المضاد دوكسيفاب

صوغة

24-06-2011, 08:34 AM

صباح الخير

ان شاءالله يكون طيرج افضل

وانا راح اسأل الطبيب البيطري الي اتعامل معه عن هذا العلاج فقط لكسب معلومة

وطمنينا على الطير

fawzi

24-06-2011, 10:50 AM

اختي جميع الطيور وخاصه الفروخ يكون برازها سائل كثيف تختلف عن اللطيور الكبيره بالنسبه اذا كان الطير مريض ومصاب ببالاسهال توجد علامات فيه منها نفش الريش وجود افرازات في فتحه الانف براز الطائر له رأحة كريهه الطير كثير النوم براز الطير سائل مررره نفس الماء ومتغير لونه الطير اكله خفيف مررره بس يشرب ماء بكثره

دموع العين

24-06-2011, 05:05 PM

خبريني اختي صوغه شنو قال لج البيطري،، فيديني وياج الله يخليج،،

اخوي فوازي انا قلت اني شاكه فيه اسهال بس الاعراض اللي حطيتها الحمد لله مايعاني منها،،
بس امس جفته يشرب ماي وايد مادري يمكن لان طلعنا في الحر،، وان شاء الله العلاج ياخذ مفعوله بسرعه لاني وايد افكر

صوغة

24-06-2011, 06:13 PM

اليوم اجازة الطبيب بكره اكلمهم

بس طمنينا ان شاءالله حالة الطير أحسن؟

دموع العين

24-06-2011, 06:27 PM

اجوف التوجيع خف عن قبل ،، صج يرجع بس أقل عن قبل،،
هو يحاول يطلع الاكل مثل مايسوي بس مايطلع شي،، ان شاء الله هالأسبوع واليوم واللي وراه تكون حالته احسن ..

بس اذا اعطيه المضاد بالإبره يرجع بشكل بسيط ،، لاحظته حتى لو مايبي يرجع بس من اعطيه المضاد يرجعه على خفيف

صوغة

24-06-2011, 07:24 PM

زين الحمدلله

حاولي ماتكثرين عليه الاكل مره وحده

والله يطمنج يارب

صوغة

26-06-2011, 08:31 AM

أخيرا لقيت الموضوع

طمنينا أن شاءالله صار أحسن؟

ziad1409

26-06-2011, 01:36 PM

انا شفت مقطع كاسكو غر ياكل بالكاس وش رايك تسوين اكله وتحطينه بالكاس وخليه هو ياكل قد ما يبي عمره 5 شهور الي زيه خلاص بينفطم اذا ما انفطم جربي نصيحتي كاس قصير وميليه عليه ويكون فم الكاس وسيع

دموع العين

26-06-2011, 10:39 PM

اهلين اختي صوغه،،
والله مادري شقول وشاسوي،، الطير مره مايرجع ومره يرجع،، يعني ساعات وساعات
اليوم الصبح عطيته رجع بس شوي لكن ظل في بطنه شي ..
والظهر يوم عطيته رجع ونفس الشي بالليل ،،

انا خففت الاكل مثل ماقلتي ،، بس ساعات اجوفه يبي يطلع الاكل ومايطلع ،، واحيانا يطلعه

اخوي زايد مافهمت عليك الصراحه،، ممكن اتفهمني اكثر

صوغة

26-06-2011, 11:29 PM

انزين ليه ماترجعينه للطبيب ؟

ارجعي ووصفي له التطورات قبل لاتتاخر حالة الطير لان كثره الترجيع اتسبب له جفاف

نصيحة راجعي الطبيب مره ثانية

والله يطمنج يارب

ابو محمــد

27-06-2011, 12:02 AM

بصراحة انا ما اشوف اي مشكله في الطير وعملية الترجيع اعتقد الكميه اللي تعطيه كبيره

والطير اذا زاد عليه الاكل مالة الا حل واحد انه يرجعة لكن اذا ممكن مقطع فيديو او صوره للطائر

او صوره صدر الطائر لكي استطيع ان افيدك .

دموع العين

30-06-2011, 03:54 PM

اهلين اختي صوغه،،
مسامحه صار لي فتره مادخلت ،، كان عندي امتحانات،، اللي لاحظته في الطير ان لما اخليه يفتر في البيت وانا اعطيه اكل مايرجع ،، لكن لما احكره في مكان مثلا فوق القفص،، وهو مو عاجبه المكان يرجع الاكل،،
اليوم الصبح عطيته وعلى طول خليته داخل القفص قام يرجع،، بس لما اروح الدوام اعطيه الصبح واخليه يفتر شوي لين ما اجهز نفسي بعدين اخليه داخل يكون عادي،،
يعني الظاهر انه دلوع ههه

واللي مخليني اتطمن شوي ان الطير تحركاته طبيعيه ،، يلعب ويتحرك عادي،، واليوم اخر يوم اعطيه المضاد،، وباجر ببتدي اعطيه الفيتامين اللي وصفه لي الدكتور وبنجوف النتيجه ..

اخوي بو محمد،، فعلا وايد نصحوني اقلل الاكل،، وانا قللتها حاليا ،، بس ساعات قليله يرجع شوي مو مثل قبل،، قبل كان اخس .. ومثل ماقلت قبل،، الظاهر لما ما يعجبه المكان اللي فيه يوضح لي بطريقته هذي (الترجيع) ..

ان شاء الله بنزل صوره لصدر الطير،، وبطنه شوي خالي ،، لان توني ماعطته اكل وماعتقد ببين معاك شي

مشكورين وماتقصرون على الاهتمام ،، وان شاء الله اي شي يديد بخبركم

صوغة

30-06-2011, 06:03 PM

زين الحمدلله انه بخير

وموفقة في امتحاناتج

وهذا الي يصير يعطيج خبرة في كيفيه التعامل مع طيرج

الله يحفظه لج يارب

وننتظر الصور

دموع العين

30-06-2011, 07:35 PM

سامحوني على رداءة الصور وقولو ما شاء الله..

ما شاء الله تبارك الرحمن

http://www13.0zz0.com/2011/06/30/16/557566632.jpg

ما شاء الله،، ما شاء الله

http://www10.0zz0.com/2011/06/30/16/303986892.jpg

من صورته هل تجوفون فيه شي؟
ابو محمد،، شلون تجوف صدره؟

ابو محمــد

30-06-2011, 08:01 PM

الطير عند انتفاخ في المعده وبصراحة يحتاج الى كشف منظار

والانتفاخ هذا هو سبب الترجيع وبصراحة ما اخفي عليك الطير عنده ورم حميد دهني والتي تظهر عادة على الجزء الاسفل من بطن طائر. Lipomas ينظر اليها في جميع الببغاء ، ولكن بصفة خاصة الكاكاتو. وهي لاتسبب الوفاة.ولكن يمكن ان تسبب عدم الراحة وقد يشمل ذلك العلاج الجراحي أو إزالة القيود الغذاءيه لتقليل حجم الورم.

ارجو الاسراع للفحص من قبل بيطري ممتاز.

دموع العين

30-06-2011, 08:11 PM

متأكد اخوي؟

الانتفاخ هذي مال الاكل،، لان عطيته قبل وللحين في بطنه شوي،،
الطير للحين ياكل بالإبره،، ولما اعطيه ينتفخ بطنه وعقب جم ساعه يروح

ابو محمــد

30-06-2011, 08:26 PM

الافضل زياره الطبيب والانتفاخ هذا غير طبيعي .

صوغة

30-06-2011, 08:27 PM

لاحول ولا قوة الا بالله

الله يشفيه يارب

الانتفاخ مو طبيعي مو انتفاخ أكل
واسمعي نصيحة أبو محمد ولا تتأخرين بزيارة الطبيب

والله يعينج ويشافيه يارب

دموع العين

30-06-2011, 08:43 PM

انزين اخوي انا من البحرين،،
ماتعرف بيطري عندنا؟ لان البيطري اللي انا رحته قبل اسبوع تبع الحكومه

ابو محمــد

30-06-2011, 08:49 PM

افضل العيادات في البحرين ابحث في جوجل .

صوغة

30-06-2011, 09:09 PM

معليش اختي ان شاءالله يزول هالشي ويشفا

بس سؤال يطرح نفسه الطبيب البيطري الي وديتي له طيرج ماشاف هالانتفاخ ما استغرب منه ؟

ولا الانتفاخ ماطلع الا بعدين؟؟؟

لانه بصراحة اذا الطبيب شاف هالانتفاخ ولا استغرب فأحنا نستغرب منه الطبيب الي يعدي عليه أمر جذيه!!!

دموع العين

30-06-2011, 09:23 PM

اختي انا قلت لكم،،
الانتفاخ هذي انا بروحي مو دايما اجوفه،،
يعني اجوفه بس لما اعطيه الاكل
اليوم الثاني الصبح مثلا اجوفه طبيعي،، ومافي هالانتفاخ،، فأنا مستغربه يوم قلتو لي ان الانتفاخ مو طبيعي

صوغة

30-06-2011, 09:27 PM

اي والله مو طبيعي
اساسا الاكل ماينزل بالمعدة على طول يظل بالحوصلة فترة

على كثر ماشفنا طيور ما مر علي هالشي

مثل ماقالج ابو محمد مالج الا البيطري واذا وقتها هالانتفاخ مو موجود بالطير راويه هالصور وهو راح يتصرف

الله يعينج ويساعدج ويشفيه يارب

دموع العين

30-06-2011, 09:41 PM

انزين وهذي المرض ماله اعراض ثانيه غير الترجيع؟
اجوف الطير حاليا مايرجع!

صوغة

30-06-2011, 09:48 PM

ارجعي اقري اول تعليق لابو محمد بعد الصوره

بس مافيها شي لرجعتيه للطبيب وراوتيه الصور

وضعه مو طبيعي

حتى مشوه شكله والله واعلم عن المستقبل يمكن تكبر

دام فيه حل وبيدج وديه لا تتركينه جذيه

والله يشافيه

دموع العين

30-06-2011, 09:51 PM

اوكي،، انا بوديه ماقلت مابوديه،،
بس قلت اتأكد منكم قبل لا اروح احسن

zxooozx

30-06-2011, 09:51 PM

السلام عليكم

اختي الكريمة الاخوان افادوك بما يعرفون من معلومات

الان

انت امام امرين

اما ان يكون الانتفاخ الواضح بالصورة ورم او سوء استخدام لابرة العس او الغر وسببت جرح في حوصلة الطير

او يكون شبع في حوصلة الطير لانك مصورة الطير بعد الاكل مباشرة

المطلوب

اسالي عن عيادة بيطري خاصة يتوفر فيها خدمة المختبر وفحص المناظير وشرط هام يكون لديهم

خبرة بالطيور

وحاولي تعرضين طيرك باسرع وقت وما اوصيك اختي كلكم راع وكل مسئول عن رعيته

وارجو الاطلاع على هذا الرابط للاهمية :

http://www.2zoo.com/vb/showthread.php?t=225621

مع تمنياتي القلبية بالشفاء العاجل

صوغة

30-06-2011, 09:58 PM

الله يعينج ويشافيه

وطمنينا عليه وبكل مايصير معاج

لا تتاخرين علينا

دموع العين

30-06-2011, 10:10 PM

مشكور اخوي zxooozx ،، بس اذا كان غير الورم مثل ماذكرت سوء استخدام الابره انا ربيت قبل وايد طيور وكلهم عطيتهم باستخدام الابره وللحين عندي الطيور وما شاء الله من احسن مايكون،، فماعتقد اني اسأت استخدام الابره او شي من هالنوع،،

والنقطه الثانيه اللي ذكرتها عن شبع في حوصلة الطير،، يعني تقصد ان الاكل للحين موجود صح؟ عشان جذي مبين الانتفاخ؟ لأن انا خبرت الاخوان وقالو لي ان الانتفاخ مو مال اكل ومو طبيعي،، انا ابيكم اتفيدوني اكثر بهالخصوص،، اشمعنى وقت اللي يكون في بطنه اكل اجوف هالانتفاخ ووقت اللي ما اعطيه ما اجوفه؟!

دورت في قوقل عيادات في البحرين للأسف ماحصلت اي معلومات،، شكلي برد اروح مره ثانيه العياده اللي رحتها

اختي صوغه الله يعين الجميع،،
وان شاء الله باخبركم بكل يديد

zxooozx

30-06-2011, 10:18 PM

اختي سوء الاستعمال يمكن قبل لاتشترين الطير وتطور الورم مع كبر الطير

هنا كلامنا كله احتمالات واللي يفصل الموضع البيطري لكن مانصحك بطبيب الحكومة لانه حسب معلوماتي

لاتوجد به تجهيزات كافيه لكن ممكن يدلك على عيادات خاصة.

ياخوان اللي يعرف عيادة زينة يفيد اختنا على الخاص جزاكم الله خير والدال على الخير كفاعله

دموع العين

30-06-2011, 10:26 PM

اهاااا شكرا اخوي،،

انا بصراحه قبل لا اروح مال الحكومه ،، رحت مرتين عياده خاصه بس الدكتور في هالمرتين كان محد!! مادري ليش فاتح العياده عيل!!
فاضطريت اروح الحكومه لان كنت خايفه عليه،، ومادري اذا كان في هالعياده الخاصه موجوده هالاجهزه اللي تتكلمون عنها،، لان بصراحه ماسمعت قبل عن مناظير يفحصون فيها الطير ،، والبحرين مو وايد متطوره بهالخصوص ،، يعني حتى في قوقل ماجفت اسم عياده غير عن عيادة الحكومه