اش رايكم في الطير ذا؟؟؟؟

[MR_SNSN]

السلام عليكم

كيفكم ياحلا اعضااء

انا اشتريت كاسكو هولندي عمره 4 شهور وليف وما يطلع على اليد

انا في يوم واحد خليته يطلع على يدي :12:

بس عندي مشكله معااه

صرااحه هلكني عض بس يعض

ابا طريقه عشان ماخليه يعض

ودمتم بود:freind:

[ziad1409]

يطلع على اليد هذي مشكلتي لاكن العض هي الي قدرت اخلي ببغائي ينساها

حط ايدك على شكل بقس بوجه ضام كل اصابعك وما راح يعضك ومسح على منقاره ساعه وهو ناسي العض
ان شاء الله

[إكليكتوس]

اخوي حط في اليوتيوب (ترويض الببغاء) وبتلقى الطرق الصحيحه صوت وصوره

وحط بعد (تدريب الببغاء) وبتعرف كيف تخليه يصعد على اليد


أهم شي الصبر

[zxooozx]

السلام عليكم


انا اشتريت كاسكو هولندي عمره 4 شهور وليف وما يطلع على اليد

صرااحه هلكني عض بس يعض

ابا طريقه عشان ماخليه يعض

ودمتم بود:freind:

السلام عليكم
اخوي انت متاكد انه هولندي؟ يعني عليه حجل صك غير قابل للفتح؟
المفروض اللي يفرق بين التفريخ والبري هو الولافة فاذا كان اللي عندك 4 شهور وهولندي
ويعض ومايطلع على الايد؟؟ وش الفايده

لايكون غشوك بس تاكد من الحجل اول

وبالنسبة للطرق فشرحها يطول خاول تستخدم خاصية البحث هنا او باليوتيوب فيه طرق سهله توقف العض بيومين

تحياتي للجميع

[ارحل]

هذا السبب الثاني الي يكرهني في الكاسكو


تبي تعرف السبب الأول .نفسه شينه مره يلعب ومره يعصب ويعض


والسبب الثالث لونه غبي مع احترامي لأصحاب الكاسكو

[MR_SNSN]

ايوا اخوي عليه حجل معدني غير قااابل للفتح

الحين خلاص يطلع على اليد بس بااقي مشكله العض وخلاص

يعطيكم الف عاافيه على الردود

[صوغة]

بيتعود عليك باقي فيه خوف .. عمره 4 اشهر راح يكون زي العجينه بيدك مع الوقت والاهتمام

وممكن تتخلص من العض اتحط على اصبعك سكر واتخليه يعض بيطعم السكر وبينسا العض

فيه مواضيع حلوة لكيفيه التخلص من العض بالمنتدى اطلع عليها وراح تستفيد ان شاءالله


والله يبارك لك فيه

[منصور النصر]

اخوي لا تستعجل حرام عليك من اول يوم تبيه يطلع على اليد اقل شي خله بلبيت لمدة 4 ايام تغير له اكل ومويا بس وتنصرف او تجلس عنده احيانناً بس ماتلفت انتباهه بآي شي .. الشي الثاني عشان تتخلص من العض حط عسل على اصبعك وابداء معه خله يلحس اصبعك ويلعب فيه لمدة سبوع انشاء الله ماراح يعض وبعدين اخوي انت انتقيت لك طير مميز بعمره حرام ماتدربه افضل تربيه صغير وراح يتعلم بسهوله منك اعتم فيه وبصحته .

[كاسكـــو]

والسبب الثالث لونه غبي مع احترامي لأصحاب الكاسكو

دام الله هو الذي خلقه مايجوز تقول غبي قل تبارك الله احسن الخالقين

انت هنا تعترض وتنقد على خلق الله

بالنسبه لصاحب الموضوع بالنسبه لمشكلتك اعتقد انك تحتاج وقت معاه عشان يتعود عليك

هو الآن كم صار له معاك ...........؟

[الكاكي]

الهولندي بالعاده اليف غريبه
العض في منه مؤلم (يبيله علاج)
العض الخفبف (الطير يلعب)

العض الاول حط على اصبعك عسل او مربى كل ماجا يعض يذوق عسل وشوي شوي يروح العض نهائي.