من الزواحف إلى القوارض

[مهووس الحيوانات]

السلام عليكم و رحمة الله و بركاته


كيف حالكم ؟ ان شالله تمام
...

أنا لي فترة ما ربيت حيوانات ولا زواحف ولا حشرات ولا نبات ولا جماد ولا شي :D
وفي هذي العطلة ما بسافر ولا بروح ولا مكان ( يعني الله يعين على جو الشرقية و الصحرا الي هي فيها )

و فكرت اني أربي حيوان نتسلى معاه في العطلة ، و للأسف ما بيكون من الزواحف الجميلة و اللطيفة الكيوت ، لأنها غالية و تربيتها شوي صعبة
فقررت الانتقال إلى القوارض المخيفة و المثيرة و المرعبة ، نبغى شوية أكشن :D

و ما حبيت أبدأ أغامر -خاصة انه الأهل الله يحفظهم بالموت يوافقون- إلا لما أستشير حضراتكم

و للأسف المواضيع المثبتة ما ساعدتني لأنها مليانة و فيها شوية مبالغة بغيت أبطل لما شفتها
قلت خل نسأل في سؤال و جواب أحسن و ان شالله نشوف تعاون من الأعضاء :)

و اسمحولي ممكن أخلي الأسئلة حبة حبة يعني بعد كل جواب سؤال جديد :D

آسفين على المقدمة الطويلة ببدأ بالأسئلة

=-=

أول شي أبغى القارض المناسب لي ، يعني وش تنصحوني فيه (عارف سؤال قديم و ممل)
أنا عجبني الشانشيلا لكن أتوقع تربيته صعبة ، و الأرانب و الوبران مستبعدها و ما أحبها كثير

يعني أكثر شي عجبني هو الهامسترات ، فهل تنصحوني فيها ؟

---

- هل أحتاج وقت طويل حتى أتسلى مع الهامستر ؟ يعني لازم أروض و مدري وشو ؟
و هل عادي لو شريته أليف يألف علي ؟ ولا بيقعد بعد يشتاق لصاحبه و مشاعر مالها داعي ؟ :D

---

- هل عمر الهامستر قصير ؟ :confused: ، سواء نعم أو لا ، وشو متوسط عمره ؟
أخاف يموت قبل ما يتروض المسكين

---

كيف أحدد العمر ( طبعًا مو بالضبط )
يعني في حجم كذا كم عمره و حجم كذا كم عمره

---

هل ضروري آخذ أكثر من واحد ؟ ولا عادي آخذ واحد بس ؟ و هل يفضل ذكر أو أنثى ؟ كبير أو صغير ؟

---

كيف أختار الهامستر المناسب و الي صحته حلوة من المحل ؟

---

آخر سؤالين ، وش ميزات الهامستر الروسي و السوري و كيف أفرق بين الجنسين ؟

=-=

و آسفين على الإطالة أخاف بس ماحد يجي ^^"!

و شكرًا مسبقًا لكــــــــــــل من يجاوب : )

( منقوول <<< مجرد استهبال خخخ )

[رعوود]

اخوي مهووس الحيوانات

ربي يكون بعونك

اجابة على اسئلتك

بالنسبة للقارض الافضل

الشنشيلا مانصحك فيه حاليا اذا ما ربيت من قبل قوارض

النششيلا حساس جسريا ونفسيا وتربيتة يبيلها واحد فاهم فيهم عدل ويوفرله وقت كافي ومكلفه ايضا غير عن بقية القوارض

وبما انك ما تريد لا ارانب ولا وبران المتبقي امامك الهامستر طبعا

بصراحه ممكن تتسلى معاه لكن مو بشكل كبير

الا اذا قعدت تدربه على حركات وخلافها وراح تحصل بالقسم مواضيع بهالخصوص

ونعم عمر الهامستر قصير فالروسي يصل حتى سنه ونصف تقريبا والسوري حتى سنتين ونصف الى الثلاث سنوات

العمر بهالصغار يبينلك من حجمهم تقريبا بتعرف انهم لسا صغار بالعمر

لكن تقريبا من عمر ٣ شهور وفوق ما يتغير كثير بالحجم

تقدر تقدر عمره عن طريق شكله وتصرفاته واسنانه وهيك شغلات ومع ذلك صعب شوي عالمبتدئ

تقدر تاخذ هامستر واحد سوري وتربية عندك

اما الروسي فتستطيع ذلك

لكن بشكل عام الروسي اجتماعي عكس السوري

والسؤالين الاخيرات راح تحصل اجوبتها بمواضيع خاص بها في الفهرس الخاص بذلك

ونصحية لك انك تقرأ المواضيع المثبته قبل اقدامك على الشراء

موفق

[صمت الحزن 22]

اخوي الهامستر حيوان حلو ورائع بس مو مسلي مرا شوف الشوقر قلايد اذا عجبك

[مهووس الحيوانات]

رعوود

تسلم يا أخ على أجوبتك و ردك الرائع

و ان شالله بلتزم باللي قلته

بس الهامستر الروسي انت قلت "أما الروسي فتستطيع ذلك" هل كنت تقصد "لا تستطيع" ؟
لأنك كتبت "أما" شككتني :D

و شكرًا جزيــــــلاً لك و جزاك الله كل خير

=-=

صمت الحزن 22

شكرًا لك على مساعدتك

بس لو بشتري شوقر قلايدر كان شريت لي 3 إغوانات ولاّ ثعبان عملاق :D

=-=-=

و اللي عنده مساعدة من بقية الإخوة أتمنى يساعدنا

و أتمنى عدم قفل الموضوع لأني ممكن أكمل أسئلة فيه بدل ما أكتب واحد جديد :o

[رعوود]

اخوي مهووس الحيوانات

لا قصدي تقدر تربي هامستر روسي واحد

لكن يفضل عدم فعل ذلك

لانه الروسي بطيبعة اجتماعي ويحب الصحبة

موفق

[مهووس الحيوانات]

شكرًا مجددًا أخ رعوود

جزاك الله كل خير

[شيرازي1]

اظن ان الاعضاء افادوك وسبوقني هنا

لكن انشاء الله الاسئلة القادمة انا اول من يرد :p

[مهووس الحيوانات]

خخخخخ

تسلم ياخوي

الله يجزاك خير

[مهووس الحيوانات]

سؤال بسيط

كيف أعرف ان الهامستر حامل ؟ أخاف أشتري وحدة تطلع حامل و صاحبها مادرا

+ وش الي ممكن يخلي الهامستر يقتل خويه ؟ و هل فعلاً ياكله يدمه و لحمه ؟ ( يع )

[^.^..]

آنآ ربيت وبر و هآمستر ,

بس آنآ فضلت الوبر على الهآمستر من حيث تربيه سهههله مره

و تقدر تعلم الوبر ع الليتر بوكس نفس وبرآني ممآ يخلي تربيه آسهل و آسهل

و بالنسبه لسوالك كيف تعرف حآمل آو لا ,

رآح تكون شرسه تظهر حلمآتهآ آنتفآخ البطن تخزين الاكل ,

خذلك هآمستر سوري آفضل من الروسي =]

[حي ومانسيت]

السلام عليكم و رحمة الله و بركاته
وعليكم السلام ورحمة الله وبركاته

كيف حالكم ؟ ان شالله تمام
...تمام

أنا لي فترة ما ربيت حيوانات ولا زواحف ولا حشرات ولا نبات ولا جماد ولا شي :D
وفي هذي العطلة ما بسافر ولا بروح ولا مكان ( يعني الله يعين على جو الشرقية و الصحرا الي هي فيها ) الله يعينا

و فكرت اني أربي حيوان نتسلى معاه في العطلة ، و للأسف ما بيكون من الزواحف الجميلة و اللطيفة الكيوت ، لأنها غالية و تربيتها شوي صعبة
فقررت الانتقال إلى القوارض المخيفة و المثيرة و المرعبة ، نبغى شوية أكشن :D

و ما حبيت أبدأ أغامر -خاصة انه الأهل الله يحفظهم بالموت يوافقون- إلا لما أستشير حضراتكم

و للأسف المواضيع المثبتة ما ساعدتني لأنها مليانة و فيها شوية مبالغة بغيت أبطل لما شفتها
قلت خل نسأل في سؤال و جواب أحسن و ان شالله نشوف تعاون من الأعضاء :)

و اسمحولي ممكن أخلي الأسئلة حبة حبة يعني بعد كل جواب سؤال جديد :D

آسفين على المقدمة الطويلة ببدأ بالأسئلة لا ماطولت

=-=

أول شي أبغى القارض المناسب لي ، يعني وش تنصحوني فيه (عارف سؤال قديم و ممل)
أنا عجبني الشانشيلا لكن أتوقع تربيته صعبة ، و الأرانب و الوبران مستبعدها و ما أحبها كثير

يعني أكثر شي عجبني هو الهامسترات ، فهل تنصحوني فيها ؟
انصحك بالهامستر
---

- هل أحتاج وقت طويل حتى أتسلى مع الهامستر ؟ يعني لازم أروض و مدري وشو ؟
و هل عادي لو شريته أليف يألف علي ؟ ولا بيقعد بعد يشتاق لصاحبه و مشاعر مالها داعي ؟ :D

انا احيانا يألفني من اول شي واحيانا مده توصل الي شهر
---

- هل عمر الهامستر قصير ؟ :confused: ، سواء نعم أو لا ، وشو متوسط عمره ؟
أخاف يموت قبل ما يتروض المسكين
الروسي 2.5 سنه
السوري 3 سنوات

---

كيف أحدد العمر ( طبعًا مو بالضبط )
يعني في حجم كذا كم عمره و حجم كذا كم عمره

الروسي اذا اقل من 7 سم يكون عمره 3 شهور واقل مجربه الطريقه
---

هل ضروري آخذ أكثر من واحد ؟ ولا عادي آخذ واحد بس ؟ و هل يفضل ذكر أو أنثى ؟ كبير أو صغير ؟

الروسي 2 يفضل عمر 3 شهور
السوري 1يفضل 3 شهور عشان يألفك
---

كيف أختار الهامستر المناسب و الي صحته حلوة من المحل ؟
للي تشوفه نشيط ويلعب

---

آخر سؤالين ، وش ميزات الهامستر الروسي و السوري و كيف أفرق بين الجنسين ؟ ا
لروسي حجمه صغير وعليه خط
الروسي حجمه كبير وماعليه خط بظهره
=-=

و آسفين على الإطالة أخاف بس ماحد يجي ^^"!

الا انا هنى

و شكرًا مسبقًا لكــــــــــــل من يجاوب : )

العفو
( منقوول <<< مجرد استهبال خخخ )
تخيل
وبااااااااااااااااااااي

[مهووس الحيوانات]

^.^..

شكرًا على النصيحة بس أنا ما تربية الوبران و الأرانب بس أحب أشكالها

و شكرًا مجددًا على المعلومات :)

=-=

حي ومانسيت

شكرًا لك على المعلومات أفدتني كثير : )

[مهووس الحيوانات]

سؤال جديد و ان شالله ما غثيناكم

بالنسبة لنشارة الخشب

هل ضروري أشتري مخصص للحيوانات ؟ ولا عادي آخذ من عند النجار ؟

مع العلم ان الي عند النجار أحيانًا يكون فيه ريحة أتوقع من الزيوت و مدري وشو

[محبه الحيوانات]

افضل كثير حقت المحلات الخاصه الي مرسوم عليهاا قوارض على الكيس

لن حقت النجار فيهاا تراب و رذاذ النشاره مضر الهامستر وتنفسه وسخ مو نظيفه فيهاا ريحه بويه جراثيم مانصح فيهاااااا

[marshmallow]

سؤال جديد و ان شالله ما غثيناكم

بالنسبة لنشارة الخشب

هل ضروري أشتري مخصص للحيوانات ؟ ولا عادي آخذ من عند النجار ؟

مع العلم ان الي عند النجار أحيانًا يكون فيه ريحة أتوقع من الزيوت و مدري وشو

الأفضـل تـشتري النشـآرة المخصصه للحيوآنـآت ..

لـأنهـآ خفيفة .. وتمتص الروآئح أكثر ..

ولـآ تحتوي عـلى أجزآء حـآدة عكس نشـآرة النجـآر الي ممـكن تسبب الجروح ..

واذآ مـآ قدرت ممـكن تستخدم النشـآرة الي من النجـآر ..

ولـكن نقهـآ من القطع الـكبيرة .. وضعهـآ في الشمس لتعقيمهـآ ..

[مهووس الحيوانات]

جزاكم الله كل خير ما اعرف كيف اشكركم

و اتمنى عدم قفل الموضوع لأن ما زال عندي أسئلة :D

وان شالله ما نكون غثيناكم

[Coupooo]

عزيزي محترف الحيوانات .... انا شخصيا افضل الهامستر خصوصا انه حيوان كيوت خالص و انا الحمد الله توصلت لبدائل كثيرة ممكن تفيدك و توفر عليك فى الصرف عليه

بالنسبة لنشارة الخشب ... انا بجيبها من عند النجار بكمية كبيرة ( شوال مثلا ) و بحطها فى الشمس عشان اى رطوبة فيها تتبخر فبالتالى تكون درجة امتصاصها للروائح و السوائل تكون اعلى و ثانى شئ ان وجودها فى الشمس و الهوا بيخلى رذاذ و تراب النشارة يطرير مع الهوا ( طبعا كل شوية تقلب النشارة عشان تطلع الى تحت فوق و العكس ) و بكدة تكون عندك النشارة الخشنة بس هى الى موجودة و لو كان فيها اى حاجة متعلقة فيها ممكن تضر الهامستر حتكون راحت بتأثير الشمس و الهواء

بالنسبة لاعراض الحمل فهى بسيطة جدا لانك حتلاقى الهامسترة عندها هستريا :) يعنى تروح و تيجى و تحاول تجد مخرج من القفص و تجمع الاكل بشكل غريب و حتكون حلماتها بارزن جدا بحيث انك حتشوفها من غير متفرق الشعر الى على بطنها و طبعا بعد حوالى 6 او 7 ايام من الحمل حتتلاقى بطنها اجمد شوية و منتفخة من الجناب

اتمنى اكون فدتك

[مهووس الحيوانات]

جزاك الله كل خير على المساعدة و على الطريقة الرهيبة ان شالله بطبقها إذا شريت الهامستر

تحياتي لك

[مهووس الحيوانات]

السلام عليكم

عندي سؤال جديد لو سمحتوا
سؤال للخبراء

حمام الرمل حق الهامستر ، هل لو خذت رمل عادي (نظيف) لازم أخليه زي ماهو ؟ ولا لازم أنظفه ؟ ولا عادي ماتفرق ؟

لأني ناوي آخذ رمل و أنظفه أخليه ناعم بس خفت انه لازم يكون طبيعي زي ماهو

و شكرًا لكم

[Coupooo]

الرمل الى هتحتاجه هو الرمل الأصفر الناعم ...و كل الفكرة من تنظيفة انك تشيل اى شئ ممكن يأكله الهامستر و يضره ... بس

[مهووس الحيوانات]

تقصد مثل الموجود في البر و الطعوس ؟ :D

http://t0.gstatic.com/images?q=tbn:ANd9GcQM2VdEm_4jfDGynyKIrwlvoyWhDz3tZATKPFV922f1wCFzP8IG4w

هو تقريبًا صافي مافيه أي شي ممكن ياكله الهامستر

بس أنا أقصد هل أبعد الغبار الي فيه ؟ يعني يصير بس حبيبات الرمل لحالها بدون الغبار الي بينها

ان شالله فهمت قصدي

و شكرًا لك على المساعدة :)

[Coupooo]

واللهى انا بعمل الى قولتلك عليه و الحمد لله هامستراتى كويسين اوى .... بس انا مش بحب حمام الرمل ليهم عشان هما يبفضلو يحفرو فيه و فى الأخر بيخدو حمام الرمل بتاعهم و بيبهدلولى الدنيا و اقعد بعدها انظف الرمل :S

انا معنتش بهتم بحمام الرمل ده خالص مؤخرا ... لان الهامستر اصلا بتنظف نفسها بنفسها فدى ممكن تستغنى عنها

[مهووس الحيوانات]

اها

شكرًا جزيــــلاً لك

طمنتني :D

[marshmallow]

خيوو مهووس .. حمـآم الرمـل مهم لنظـآفة الهـآمستر ..

ويفضـل وضعه لـه ..

لـأنه يسـآعده على تنظيف جسمه و على التخلص من البرآغيث ان كـآنت موجودة فيـه ..

وأيضـاً بعد مـآ يسبح فيه رآح تلآحظ ان فـروه صـآر نـآعم ..

وهـو أن تضع رمل نظيف وجـآف في علبة صغيرة في زآوية القفص ..

وتغير اسبوعيـاً .. والكميـة تكون قليله .. حتى مـآيحفر فيه وينثره ..

ورآح تلآحظ ان الهـآمستر يستمتع فيـه لـأنه جزء من بيئتـه ..


وبـامـكآنك شرآء رمـل خـآص بالهـآمستر .. مـع الحمـآم نفسه ..

من محـلآت الحيوآنـآت ..

[مهووس الحيوانات]

شكرًا لك على النصيحة

بس لو ما حطيته في مشكلة ؟

+ هل ينفع الطريقة الي قلتها ( أصفي التراب من الغبار ) ؟ لأني ما أبغى الهامستر يصير مغبر

[محبه الحيوانات]

الرمل صعبه تتخلص من الغبار الي فيه

احسن رمل الخاص

موضروري بس لو فيه احسن

[مهووس الحيوانات]

اي بس أنا ما عندي مشكلة بخصوص التخلص من الغبار

بس أبغى أعرف إذا عادي أشيله ولاّ لا

و إذا عادي لو تخليت من الحمام كله ولاّ لا

[marshmallow]

احتيـآج الهـآمستر لحمآم الرمل يـكون حسب نوعـه ..

فـ الهـآمستر الروبوفسكي يحتـآج لحمـآم الرمل وهـو مهم لـه ..

أمـآ الهـآمستر السوري .. فـ هو غـآلبـاً لـآ يحتـآجه ولـآ يستحم فيه ..

وهـو أقل أنوآع الهـآمسترآت احتيـآجـاً له ..

أمـآ بقيـة الأنوآع مـآفيه مشـكلة من عـدم وضعه لهـآ ..

ف الهـآمسترآت حيوآنـآت نظيفة وهي تنظف نفسهـآ بـ نفسهـآ ..

أمـآ بالنسبة للتصفية .. فـ الأفضل تصفيه لـأن الغبـآر يضر بالهـآمستر ..

[مهووس الحيوانات]

آهااا

أخيرًا لقيت الجواب كامل :D

طبعًا ما باخذ الـ"روبوفسكي" هذا لأنه شكله نادر و غريب ، أكيد ما باخذ الا روسي أو سوري خاصة اني مو محترف بالقوارض :D

شكرًا جزيلاً لكل من ساعدني و جزاكم الله كل خير و شكر خاص لك أخت دلع بسه

[مهووس الحيوانات]

السلام عليكم

رجعت مرة ثانية

و عندي سؤالين

1 : هل فيه شي ممكن أعود الهامستر عليه بخصوص قضاء حاجته -و انتوا بالكرامة- ؟
يعني مثل القطاوة ، أو انه مثلاً يخصص مكان معين ، أو أي شي ممكن أعوده عليه

و كيف

2 : و السؤال الأهم بكثير ، هل الهامستر يتخذ بيات شتوي مثل الزواحف ؟

[Coupooo]

بالنسبة للسؤال الأول ... الهامستر عموما هيختار ركن فى القفص عشان يتبول فيه ... هات طبق مناسب لحجم الهامستر و حط فيه النشارة المتسخة منه .. و حطه فى نفس الركن

و السؤال التانى .. لا

ارجوا انى اكون فدتك

[مهووس الحيوانات]

شكرًا جزيلاً لك

=-=

طيب أنا أبغى أشتري هامسترين روسي يكونون زوج

بس ما أبغاهم يتكاثرون الا بعديين بعد فترة ، ما أبغى من أولها انتاج و غثة

ممكن مساعدة أو نصايح ؟

[alqahtane]

شكرًا جزيلاً لك

=-=

طيب أنا أبغى أشتري هامسترين روسي يكونون زوج

بس ما أبغاهم يتكاثرون الا بعديين بعد فترة ، ما أبغى من أولها انتاج و غثة

ممكن مساعدة أو نصايح ؟

انا كنت اضن انهم لهم موسم للتزاوج لكن صارو ما يجلسون مع بعض الا متزاوجين

[مهووس الحيوانات]

نعم عارف لكن أبغى حل

:confused:

[alqahtane]

يمكن لو كانو صغار مثلآآ بعمر الشهر ما يتزاوجون

[مهووس الحيوانات]

شكرًا لك

بس أنا أبغى حل للمشكلة وهم كبار

يليت اللي يعرف يقوللنا إذا فيه حل

[Coupooo]

لا اعتقد انك ممكن تحكم المشكلة دى ... صعب جدا وجود ذكر مع انثى من غير ميتزوجوا :D

[محبه الحيوانات]

الحل الوحيد فصل الزوج كل وحد في قفص متاء ماتبي تزوجون اجمعهم

[مهووس الحيوانات]

شكرًا لكماا

يعني لازم اشتري قفصين

طيب معليش تعبتكم معي

كم قفص أحتاج اني أشتريه من بدري لو بغيت أنتج ؟
أعرف ان الانتاج فيه فصل و جمع و دنيا

[مهووس الحيوانات]

و نسيت شي معليش

أكيد ان الهامستر الروسي عادي يتربى لحاله ؟

[alqahtane]

شكرًا لكماا

يعني لازم اشتري قفصين

طيب معليش تعبتكم معي

كم قفص أحتاج اني أشتريه من بدري لو بغيت أنتج ؟
أعرف ان الانتاج فيه فصل و جمع و دنيا



مبدئيآآ

أنا الحين شريت 3

2صغار و واحد كبير

[alqahtane]

و نسيت شي معليش

أكيد ان الهامستر الروسي عادي يتربى لحاله ؟


أكيد عااااادي

أنا اول ما شريت اثنين ذكر و انثى

يوم حملة فرقتهم و للحين كل واحد لحاله

[مهووس الحيوانات]

شكــرًاا جزيلاً
ثانك يو سوو متش
توداا رباا
موتاش غراسياس

اللي تبغى منهم :D

[alqahtane]

شكــرًاا جزيلاً
ثانك يو سوو متش
توداا رباا
موتاش غراسياس

اللي تبغى منهم :D



سحر ذا :D:D

[مهووس الحيوانات]

ههههههههههههه

لا

كلها معناها شكرًا جزيلاً بس لغات مختلفة

كتبتها انا كلها بالعربي :D