يا شباب ارجوا المساعدة .. ببغائي مريض ولا اعرف كيف اتصرف!!

[anwa]

انا شريت من اسبوع ببغاء افريقي ( هولندي)

طبعا طان لسى جاي من الجمارك عمره تقريبا من خمسة الى سبعة شهور

اول ما اخذته كان هزيل شوي وما كان ياكل كثير عطيته فيتامين اللي يخلطوه مع الماء واليوم الثاني كان اكله مرره ممتاز وصحته بدت تتحسن

قبل ثلاث ايام الله يكرمكم كان برازه بدا يتغير للبني وكان لزوجته سائلة وديته للدكتور وقال انه الامر عادي وعطاني مضاد حيوي سائل اخلطه مع الماء

واستمر معه الاسهال وحاله بدى يضعف اكثر وصار اهدأ بكثير من اول

وبرازه الله يكرمكم بدى يتحول للاخضر ولاك اسهال

من يومين ما صار ياكل وشريت له سيرلاك بالعسل وصرت ااكله بالبرواز

والى الان على هالحال واليوم مرره صاير كئيب ولا يتحرررك وداايم خامل

ايش المشورة ولا تبخلون علي يا اخوان

[ارحل]

اسأل مجرب ولاتسأل دختر

حط له موية زمزم والا مويه عاديه .. بشرط يكونون مقري عليها قرأن

وأنت أقرأ عليه ونفث عليه او شغل عنده رقيه عين

صدقني سويت كذا للبادجي وهو كان قمة الكسل والخمول 3 ايام وطاب والان انتظر انتاجه ماشاء الله :)

[*هاوي البادجي*]

اخوي ارحل انت كل شوي تقول ماي زمزم وقراءه هذا شي اكييد ولكن لازم دواء او طريقه
انا بسالفة المرض والله ما اعرف

[anwa]

ما اتوقع انه عين

صحيح انه جامبو وكبير بس ما اطلعه من المكان اللي انا فيه ولا يجيه برااد

وانا روشته من ثلاث ايام بس ما عرضته للهواء ابدا

حتى صوته صوت فرخ يعني مرره صغير هو وبشكل عام هو الييف جدا ولا يعض

اول يوم عطيته بقوليات وكان ياكلها

بس ما ادري وش اللي غيره .. اتوقع عشان جاي من برره لان حالت اول ما جبته كانت مزرية وبعد يومين ارتااح مرره وبعدها بيومين جا له اسهال

اللي مررت عليه الحالة يا ليت يفيدني

[*هاوي البادجي*]

يمكن البقوليات جديده عليه يمكن اول مره ياكلها فجذي تغير عليه النظام الغذائي شوف باجر شيسوي

الصراحه ما ادري شنو بقوليات بس اكييد نفس ماقلت اول مره ياكلها

[صوغة]

هذا الغلط الفرخ ما يتروش

يمكن طيرك فيه برد ويمكن معه دود بما انه هزيل وضعيف

شوف عظمة الصدر بارزة؟؟؟

رجعه للطبيب يفحص معدته عن طريق فضلاته اعزك الله

وحطه بمكان دافي وحاول ماتكثر له من السيريلاك المخصص للبشر مايصلح له

فيه سيريلاك للفروخ مخصوصة ..

حط ببالك انه فرخ ماعنده اي نوع من المناعه واي شي يضره

حتى لو هوا عادي ...

الله يشافيه يارب

[anwa]

لا صدره مو باارز

بس فيه خموول مررره وفيه نفضة بجناحه مره يمين ومره يسار والبقوليات اللي هي فصوليا بيضاء وبلية طبعا مطبوخة .. بس ما كثررت عطيته اول ما شريته ومن ثلاث ايام بس واخر مرره ما اكله كله


طيب تنصحوني استمر بالمضاد الحيوي ؟؟ واعطيه سيريلاك غصب عنه بحكم انه ما ياكل؟؟


لاني بديت بالمضاد معه من قبل امس بس

على فكرة البراز كان اسهال لونه اصفر ما ئل للبني قبل يومين والان تغير للاخضر

لا تبخلون علي بأرائكم

[صوغة]

عطه من المضاد وخفف عليه السوائل لانه تزيد من الاسهال وحاول تعطيه خبز مبلل بشوي مايدافي افضل من السيريلاك العسل احتمال هي بعد اتزيد من الاسهال

وجيب له سيريلاك فروخ

ولا تقطع عنه الاكل اجبره لكن مايكون سائل وايد انتبه تقطع عنه الاكل يجيه جفاف

واذا تقدر تطحن له بسكويت عادي بفمك وتأكله ايااه كقطع صغيره احسن من سيريلاك البشر

واذا ماتحسنت حالته انصحك ترجعه للطبيب

لاتكثر من السوائل

وتقدر تعطيه قطرة ليمون بماي الاكل

واذا بادي من اول امس يعني بكره رابع يوم اذا ماتحسن رجعه للبيطري

والله يشافيه..

[anwa]

يسلمو حبيبي صوغة وما قصررت واللي يجزاك خير وراح اعمل بنصيحتك وان شاء الله شفائه على يديك بعد الله

[صوغة]

الشافي ربي الله يشافيه

وطمنا عليه

[zxooozx]

السلام عليكم
اخوي جزاك الله خير لاتهمل الطير وتنتظر تسوي عليه تجارب لين يروح منك وشكلك مبتدأ ماتدري هي السالفة مرض ولا تغيير اكل او برد
نصيحتي لك شوف بيطري فاهم بالطيور مو اي بيطري واعرضه عليه وخل يعمله تحليل ويبين اذا كان مريض او تغيير اكل او غيره
اما تظل تضيع بالوقت وتاخذ وصفات بدون حد يكون شاف الطير غلط لان كل ماتتاخر كل ماكان الخطر اكبر

مع اطيب التمنيات بالشفاء وربي يوفق الجميع

[ارحل]

ماء زمزم خصوصا المقري عليه طريقه مجربه ولها نتيجه :freind:


أحسن من الكلمتين الي دايم تقولهم ( ممكن . ما اعرف . أتوقع ) :cool:



خل عنك وأنا أخوك تجميع النقاط والفلسفه الي مالها داعي . وأدعاء المعرفه :rolleyes:


وشكرآ :cool:



اخوي ارحل انت كل شوي تقول ماي زمزم وقراءه هذا شي اكييد ولكن لازم دواء او طريقه
انا بسالفة المرض والله ما اعرف

[صوغة]

طمنا شصار بطيرك؟ ان شاءالله تحسن؟؟

[إكليكتوس]

أخوي حالة الطير تتردى بعد أخذ المضاد الحيوي هذا أمر معروف ومفروغ منه وضروري تستمر مع الفيتامين وتقدر تقرأ هذا الكلام في روشتة الفيتامين للتأكد ......... إستمر في وضع فيتامين في الماء لمدة اسبوع ......... تحط يوم وتترك يوم ........... وإن شاء الله يتحسن وتطمنا عليه

[anwa]

ابشركم طيري الان بخير وخف عنه الاسهال وصار نشيييط ويصفر وصار ياكل الان ويطلب اكل بعد اذا خلص والامور بخير ولله الحمد

شكر خاص جدااااااااااااااااااااااااااا للأخ صوغة وجعلها الله في موازين حسناتك يا رب

[fawzi]

اخوي وقف عنه السيرلاك الي بالعسل روح للصيدليه البيطريه واشتر دواء باتريل اورل سائل هذه الدواء مضاد حيوي ممتاز ينفع للخمول وبرضو ينفع للاسهال استخدم الدواء لمده خمسه الي 10 ايام وبعدها استخدم فيتامين اسمه ميتا كام واذا مافيه استخدم سكروليت برضو هذا فيتامين ممتاز والله يشفي طيرك ان شاء الله اخوي نصيحه اهتم في نظافه القفص يوميا الطير لاتعرضه الي التيار الهوائي البارد واا تغطي القفص يكون زين

[صوغة]

زين الحمدلله

تستاهل سلامته

والله يطمنك أكثر وأكثر

ان شاءالله ماتحتاج للطبيب مره أخرى بس نصيحة أي أعراض مثل الي مرت على طيرك على طول للبيطري

والله يحفظه لك