المساعد الشخصي الرقمي

مشاهدة النسخة كاملة : مشكلة.....في الجيرمن شيبرد

فقط قطر
26-03-2007, 01:51 PM
عندي كلب ( جيرمن شيبرد ) عمرة سنة وثلاث اشهر...وكان متعافي وضخم جدا...وفجاءة امتنع عن الاكل...وبداء جسمه يضعف...ولا يلعب ولا ينبح..الا نادر..وديته الدكتور( البيطري) قال انه حرارته مرتفعة...وعنده اسهال....وعنده التهاب في العين...وعطاه 3 حقن...هذا يوم السبت...وامس حضر الدكتور للبيت...وعطاه 3 ابر....المشكلة ان الكلب صار ضئيل جدا جدا...الفزعة تكفون بالربع...تراه غالي عندي والله ..

ايش الحل....
بوجعفر
26-03-2007, 02:35 PM
أخوي اول شي الله ايعينك
وين وديتة عيادة البستان؟؟؟
وحاول انك اتنفذ كلام الطبيب وطول معاه واشوف ايش ايصرله؟
hamza maroc pitbull
26-03-2007, 03:51 PM
اتبع اوامر البيطري وسيكون خير ان شاء الله.
فقط قطر
27-03-2007, 12:21 AM
نعم...وديته عيادة البستان اليوم...وقال لي نفس الكلام...فيه فايروس...ويقول صعب علاجه...بس اخذ تحاليل له اليوم..وقال لي بكرة بيعطيني النتيجة.
بوجعفر
27-03-2007, 09:36 AM
يلة انشالة خير
أخوي انت امطعمة متي اخر مرة وشو نوع التطعيم؟؟؟
مفيدR
27-03-2007, 09:57 AM
وانا بعد عندي كلبين جيرمن شيبرد الاول عمر3شهور والثاني عمره 5شهور

وصار لي نفس الحال


ووديته للبيطري وقال في فيروس توه مكشوف ولا له علاج وماتوا الكلاب اثنينهم

بس انت اتبع أوامر البيطري وانشاء الله خير
فقط قطر
27-03-2007, 01:01 PM
والله انا شاريه من فترة...وقال لي راعيه انه ماخذ التطعيمات بشكل دوري.....والكلب كان تمام...بس لما وديته عند المدرب...تدهورت صحته واتصل فيني وقال لي تعال اخذ كلبك...لانه تعبان....
بوجعفر
27-03-2007, 02:30 PM
الصراحة أخوي ماعندي شي اكثر من البيطري
انشالة انشوف التحاليل بكرة ويكون خير
الله ايشافيه
أخوي حبيت اسالك المدرب في قطر
فقط قطر
28-03-2007, 12:25 AM
اخواني...طلعت نتيجة فحص الدم اليوم...وقال لي الدكتور...ان الكلب مافيه فايروس...وانما دود كثير.....
وبداء يأكل اليوم ولكن بشكل بطيء ...وبفترات متفاوته....
بوجعفر
28-03-2007, 01:40 PM
الحمدلله تستاهل سلامته أخوي
أخوي المدرب موجود في قطر
hamza maroc pitbull
28-03-2007, 09:00 PM
الحمد لله ولكن احذر من المدرب ليكون اعطاه اكل معفن.
مفيدR
30-03-2007, 01:58 PM
اهنيك حبيبي وتستاهل سلامته
komanda
31-03-2007, 12:17 AM
انشالله الكلب يرجع نفس الاول واحسن اخوي بس خلك ويا الدكتور والله يوفقك
أبو يوسف الكويتي
31-03-2007, 12:58 AM
حمدالله على سلامة الكلب أخوي في المستقبل أنصحك بأن تعطي الكلب دواء مضاد لدود كل شهرين وهو عبارة عن حبوب تباع في الصيدليه البيطريه.

تقبل تحياتي..
فقط قطر
31-03-2007, 02:03 AM
شكرا على مروركم جميعاً...بس للاسف الكلب للحين ما تعافى....للحين ماياكل...ياكل اشوي...ويرجع بعد....والله احترت معاه....شكله المدرب عطاه عين والله....لان حاول معاي انه يشتريه وانا رفضت.....
mohamed refat
31-03-2007, 02:10 AM
حاول تسقية شربة شيح مغلى شربة لية بعد مل تروح سخونتة و باذن الله تروح الديدان او تجبلة مطهر معوى من اى صيدلية

الله معك و يحفظلك كلبك
فقط قطر
31-03-2007, 01:14 PM
اليوم وديته للدكتور..وعطاه ابرة مضاد ( قال لي عنده طفيل دموي ) وعطاه ابرة فيتامينات.....وعطاه حبتين للدود...وهذا انا انتظر فرج الله....
فقط قطر
31-03-2007, 01:26 PM
حاول تسقية شربة شيح مغلى شربة لية بعد مل تروح سخونتة و باذن الله تروح الديدان او تجبلة مطهر معوى من اى صيدلية



الشيح هو العشرج....تعتقد انه راح ينفع معاه....اخاف يموت والا يصير فيه شيء....تراه ضعيف وايد والله....
فقط قطر
02-04-2007, 01:20 PM
احس انه يموت ببطء.....
فقط قطر
04-04-2007, 11:29 AM
مات الكلب اليوم.....
ghamdi_6630
04-04-2007, 12:52 PM
الله يعينك يالغالي ويعوضك ربي
بوجعفر
04-04-2007, 04:04 PM
الله يعينك
إنشالة امعوض خير يالغلي
فايز
04-04-2007, 04:29 PM
بسم الله الرحمن الرحيم

الله يعووضك الأحسن منه وألي شراه يشتري أحسن منه وكان لازم الدكتور يعطيه فاتح شهيه ..