الكاسكو حقي ؟؟؟؟؟

[ziad1409]

السلام عليكم

يخوان شريت كاسكو قبل 8 ايام وكان يجعر من ثاني يوم بطل يجعر وبطل يخاف اليوم 4 سار ياكل من يدي ويخليني امسح علي رقبته بس احسه يخاف مني شوي ويحاول ينحاش شوي وعطقه حب ويرجعلي ويرجع ياكل
صراحه احس اني سويت انجاز القوم سار يخليني امسح منقاره وامسح علي رقبته وصدر ورجله وسار ما يتحرك
ثابت وياكل من ايدي
طيب السؤال
الحين وش المرحله الجايه ودي اطلعه من القفص
وبيه يطلع علي اليد وش افضل اقص جنحانه ولا اخليه عادي
واحس انه راح يتغير لو طلعته وهو كذا وعمره تقريبا 8 شهور عيونه توه باديه تسير رمادي
السؤال
الكاسكو متا يبدا يتكلم

[بوسه سببت هوسه]

اذهب الى قسم الببغاوات
وابحث من صفحه1
الى 16
وراح تجد كل ماهو جيد لك ولببغائك
وخذ هاذا الرابط
http://www.2zoo.com/vb/showthread.php?t=45945

[ziad1409]

مشكور. وبشوف الرابط

[zxooozx]

مبروك اخوي والله يهنيك في الطير
اخي الكريم نصيحة قليل دائم خير من كثير منقطع
يعني
لاتبدي مع الطير بقوة لانك توك متحمس ومستانس فيه وبعدين تمل وتهمل الطير
لان الطير راح يتعود على وجودك كل الوقت معه بعيد لما تنشغل او تروح دوام راح ينتكس الطير
الافضل تخصص اوقات دائمة لكن قصيرة تقدر تستمر فيها زي الروتين حتى لايتعلق فيك الطير بكل الاوقات
يعني ربع ساعه 3 او 4 مرات باليوم كافي وانت ادرى باوقاتك نظم العملية حسب اوقات فراغك
والاخ بوسه ماقصر عطاك روابط مفيده تقدر تنطلق منها
مع اطيب التمنيات

[بوسه سببت هوسه]

لاشكر على واجب
بعدين انا بنت مو ولد

[*هاوي البادجي*]

اخي انت بديت صح بس خلك خطوه خطوه ولو تقعدبعد اسبوعين على ما تدربه عادي

الحين انت خلك دايم معاه وتأكله وتمسح عليه خله ما يخافك ابد بعدين ابدأ وطلعه من القفص وبعدين دامك سويت كل هذا راح يكون تطليعه على اليد تسااهييل

اتمنى اني افدتك ^_^

تحياتي

[ziad1409]

الله لا يحرمني منكم يا احلا اعضاء
هاوي بادجي
Zxooozx

ابي الخطوه الثانيه وش رايكم اولفه اكثر ولا ادربه علي الكلام اول
يقولون خلك بالكلام متي يتكلم الكاسكو ممكن يتكلم وهو فرخ

[zxooozx]

اخي الكريم
مجرد تواصلك مع الطير وتوليفة كافي لتعليمة الكلام لانه راح يلقط منك وانت تردد عليه عبارات التشجيع
تدريب الكلام مجرد ترديد لبعض العبارات على فاصل زمني متقطع وهذا الشي انت جالس تسويه وانت ماتحس
يعني راح تتفاجأ وانت تلعب مع الطير تطلع منه كلمة او كلمتين وبداية راح تكون على شكل تصفيره تشبه الكلام او نفس الجعره بس مقاربة للكلمه
فقط استمر بالتواصل مع الطير بالتوليف ومواصلة الكلمات الفردية الخفيفة وردد نفس الكلمة معه وراح تشوف خلال اسبوع بعض النتائج
اما متى يتكلم
دلت بعض الابحاث ان الكاسكو ممكن يبدأ بالمناغاة والكلام من شهرين تقريبا لكن المتعارف عليه خمس شهور وطالع وكل طير يختلف عن الثاني مثل البشر
مع اطيب التمنيات

[ziad1409]

الله يسعدك يا صاحبي. والله ما قصرت

يعني مع التوليف راح يتكلم

[zxooozx]

الله يسعدك يا صاحبي. والله ما قصرت

يعني مع التوليف راح يتكلم

تسلم عزيزي وباذن الله راح تحصد مازرعت فقط الصبر ثم الصبر
شوف بقولك عن تجربة صارت معي قريب
عندي كاسكو فرخ افريقي وحش شريته قبل اسبوع تقريبا سميته ميدو وشغال عليه بالتوليف ومؤجل تعليم الكلام معه
وعندي فرخ محجل هولندي(تفريخ مزرعة) شريته قبل خمس ايام تقريبا اسمه كاسكو
الفرخ يناغي ويصفر على بداية كلام واليف يعني جاهز للكلام فاغلب الاوقات اعلمة واردد عليه بابا -تعال- كاسكو - ميدو - كوكو والطير مجتهد يردد بس على شكل تصفير يعني ماضبط الصوت البشري بعده علما بان الاخ ميدو حاضر الدروس مستمع من بعيد يعني بشكل غير رسمي :)
تخيل وش صار امس واليوم؟
نطق ميدو بابا تعال وبصوت بشري يخرع ههههه :wao: انصدمت حسبت واحد من العيال يمزح معي
لكن الحبيب مسكت معه هالكلمتين بس على المزاج
المهم اللي حبيت اوضحلك انه مع الوقت الطير يلقط الكلام لكن امش معه بالتدريج ولا تستعجل
(نصيحة اذا بغيت طيرك يقلد نبرة صوتك ويتكلم بحضورك ابتعد عن التسجيل جرب الحوار المباشر)
اسمحلي على الاطالة
مع اطيب التمنيات

[ziad1409]

احلا اطاله بحياتي ةالله يا صاحبي الحمد لله اني اشتركت بمنتدي زي هذا عشان تعرفت عليك ولا يهونون الشباب
اما لتجربتك فصراحه روعه لو اكلم الكاسكو حقي ويرد بتصفيره بس بسمع كلامك واول شي بولفه بعدين نتفاهم معه علي الكلام
بس صراحه احس الي عندي ماله قلب يعني ما تعبني بالعضعضه ولا الجعير هادي وجا علي انا بعد بارد خخخخخخ
احس الي صار معك من كاسكو وميدو غيره ميدوو حبك وبلش يغير بجرب نار الغيره مع ابو الشباب بس عندي كروانات اليفه وبادجي انجليزي بجرب اجيبهم عنده وجلس اكلمهم بقهره شوي وجرب نار الغيره ياكاسكو

[zxooozx]

الله يحفظك ومشكور على الاطراء تسلم
على فكره
لي موضوع باسم جرب نار الغيرة :)
http://www.2zoo.com/vb/showthread.php?t=224577