خايفه على الدره :(

[Amal AlBahrain]

السلام عليكم ورحمة الله وبركاته


قبل فتره خبرتكم ان الدره ترجع الاكل أو الماي بعد شربه ..
خفت هالحركه وايد وصار يمكن يسويها بس الصبح ومو كل يوم


الحين الاحظ ان نوع سائل لزج يطلع منه لما اشربه ماي أو اعطيه اكل (من منقاره) !!
الخروج عادي ومافيه اسهال



اتصلت في بيطري بس مافيه مواعيد لليوم
وبكره الجمعه يعني مو فاتحين ..


خايفه على الطير خاصه اني احسه مو بنشاطه مثل قبل واليوم اكله كلش خفيف !!


شنو تنصحوني اسوي ؟؟

[صوغة]

من منقاره سائل لزج ؟ يعني مزكم
الكاسكو تبعي لمن زكم طلع من منقاره مثل ماقلتي

واعطاه الطبيب مضاد حيودي لمده خمس ايام مع التدفئة ..

لكن حتى تفتح العيادات دفيه حطيه بمكان دافي وحطي له بالماي قطرات الليمون

وانشاءالله يدخل من يفيديك أكثر

والله يشافيها يارب

[Amal AlBahrain]

اي اختي اقصد لما ااكله اشوف يطلع سائل لزج بس مو من فتحات خشمه ..
:(

ان شاءالله باجرب طريقة الليمون وبانتظار ردود باقي الاعضاء

[صوغة]

اها من فمه

والله مدري ربي يشافيه

حاولي اتكلمين العيادة البيطرية لازم يشوفه طبيب

ما اعتقد يقفلون الخميس

الله يشافيه يارب

لاتحطين الليمون خلااص انتظري البيطري او احد بفيدج اكثر

[يوفاوي الكويت]

ما شاء الله هذا من زوود المحبه بينكم

تبي تعطيكي الاكل من فهمها

هذا شي طبيعي

اكيد العلاقه بينكم قويه وتحبج حيل