ببغائي مريض

[سوار السوار]

السلام عليكم

يعطيكم العافيه يا اخوان ياليت تساعدوني

انا شريت ببغاء هولندي جامبو محجل عمره 5 شهور اليف
من 4 ايام اول 3 ممتاز يلعب ومستجيب لي وبدى يألفني ويحب يطلع برا القفص ويلعب

بس المشكله انه اليوم من قمت الصبح وهو مو طبيعي هاجد وماله خلق شي ولا يتحرك زي اول ويتقلب ولا اكل شي يعيي وانتو بكرامه جاه اسهال شديد

وديته لبيطري وقال لي فيه نزله معويه عادي تحصل من كثرة اكل الفواكه ..؟

انا كنت اوكله فواكه دبلت كبده وهو ياكل مايقول لا :D

عطاني له علاج زي البودره اسمه Ampicol قال خذ ملعقه صغير وحطها بالماء حقه وخله يشرب منها طول اليوم

حطيت له وشربته شوي بالابره

مادري وش اسوي انصحوني مره ضايق صدري عليه ..

[عـــاشق الكاسكو]

انت الله يهديك اشتريت بغبغاء هولندي ومحجل بعد وعمره 5 شهور
ترا مناعته مرررررره ضعيفه شوف خلك على الدواء الي اعطاك
ايه البيطري وشوف النتيجه واذا ماسوت شيء علمنا

[zxooozx]

وعليكم السلام

اخي الكريم اذا كان كما ذكرت اكل فواكه كثير فشي طبيعي يجيه اسهال

اما بالنسبة للنشاط

فمن الطبيعي بعد الدواء المتضمن مضاد حيوي وفيتامينات انه يخف النشاط لفترة بسيطة


http://img59.imageshack.us/img59/33/62151732.png (http://imageshack.us/photo/my-images/59/62151732.png/)



استمر على الدواء وان شاء الله خير

[سوار السوار]

عاشق الكاسكو

يعطيك العافيه اخوي ماقصرت بستمر على المضاد والله كريم


zxooozx



مشكور اخوي

ماقصرت نفس صورة العلاج هذا اللي اعطاني اياه
بس هو من الصباح قبل ماوديه البيطري وقبل ماعطيه العلاج نشاطه معدوم مره

انا عطيته المغرب ومن هنا لبكره اذا ماتحسن بوديه واحد ثاني ..ومشكره مره ثانيه اخوي

[سوار السوار]

الله يعطيكم العافيه ابغى اسال كيف اهتم فيه من الناحيه الغذائيه بهالعمر 5 اشهر وكم مره باليوم اعطيه الاكل

لانه ماشاء الله كان ياكل كل شوي قبل ..

انا مبتدئ وماعندي معلموات كثير عن طريقة التربيه والعناية

[ابوغزل]

مساء الخير

انشالله مافيه الا كل خير

اعطي الطير الان ماء الرز المغلي علشان تمسك بطنه شوي واستمر على علاجاتك

ووقف بشكل كلي الفواكه

والمبتدئ يسئل احنا موجودين لتعليمكم ولخدمتكم

تقبل مروري ابو غزل

حبتييييييييييييييييييييييييييييييييييييييييييييييين

:88:

[zxooozx]

السلام عليكم
اخوي الصبر ثم الصبر
جرب التالي بالترتيب
-الاكل ارفعه عنه لاتخليه دايم قدامه وعطه كل 4 ساعات وجبه تخليها قدامه ربع ساعه وشيلها
-الوجبه الاولى شوية حب شمسي مع فول سوداني غير مقشر وغير مملح حبتين بس لاتكثر فول
-الوجبة الثانية جيبلك قطعة خس وقطعة فلفل اخضر بارد خله يتذوقهم واذا ماقبلهم خذ منهم قطع صغيره وخليها مع حب شمسي واتركهم عنده نفس المده وشيل الاكل
-الوجبتين الباقية خلها عادية حب شمسي بس واصل رفع الوجبه كل مره لاتخلي الاكل دايم عنده
كرر العمليه هذي 3 الى 5 ايام حتى يتعود على مواعيد الاكل ويعرف انه فيه انواع ثانيه ممكن يجربها
الاسبوع الثاني
اشتر خلطه امريكية او بلجيكية اكل طبيعي(حبوب+قيتامينات+فواكه مجففه) تلقاها عند محلات الطيور
استمر على الجدول السابق مع اضافة نسبة قليله من الخلطه الجاهزه
شوي شوي راح تلقى الطير تعود ينوع بالاكل
وانت لاتنسي بين الوجبات تقدمله قطع صغيره جدا من خضروات او فواكه (ولا تكثر من الخضره والفواكه تسبب اسهال) مجرد تعويد الطير يغير عاداته الغذائية يكفي الخلطه الجاهزه فيها كل شي
الصبر ثم الصبر وخبرنا بالنتايج

اخي يرجى الاطلاع على الروابط التاليه راح تلقي مايفيدك ان شاء الله

http://www.2zoo.com/vb/showthread.php?t=98031

http://www.2zoo.com/vb/showthread.php?t=119115

http://www.2zoo.com/vb/showthread.php?t=103302


مع اطيب التمنيات

[سوار السوار]

الله يعطيك العافيه اخوي zxooozx على الاافاده الطيبه
وعسى الله مايريك مكروه

[سوار السوار]

انا اليوم عطيته ذره مسلوقه والحمد لله اكل منها وفرحت بس ضاق صدري لاحضت اليوم على اخراجه كان معاه دم
اسهال اصفر واخضر ومعه لون احمر والله ضاق صدري بوديه لبيطري ثاني بس وش تصحون من افضل واحد عند سوق الحمام

[سوار السوار]

ياناس الحقوني الببغاء معد يقدر يحرك رجله اليسرى جاله شلل فيها

انا وديته اليوم لطبيب بيطري ثاني
وعطاني له علاج اسمه spectin وقالي احطه له مع الماء

وسحب من علبة عنده 5 براويز ابره صغير محلول وقالي كل يوم فرغ له ابره بالماء

وقال لي جب له سريلاك بالقمح والعسل ووكله منه
السرلاك ماتقبله
وعطيته من العلاجات انا خايف انه يكون من العلاجات اللشلل

والله مره محتار وراحمه بقوه مدري وش اسوي

ضعيف وعد يقدر يتحرك

[سوار السوار]

الببغاء مات الحمد لله على كل حل ومشكورين

[yonha]

يا قلبي عليك
ربنا يعوضك خير يااااااااااااارب

بجد فجعت قلبي انا اسفه على الشي دا

وربنا الكريم يعوضك يارب

في امان الله

[صوغة]

لاحول ولا قوة الا بالله

قدر الله وماشاء فعل

الحمدلله على كل حال

والله يصبرك ويعوووضك

[fawzi]

الله يعوضك كل خير ان شاء الله

[سوار السوار]

امين يارب الله يعطيكم العافيه على الردود والحمد لله على كل حال الله يعوضنا بافضل منه والله انبسطنا فيه ووسع صدورنا بس يالله خيره

[ملآكـ]

انا لله وانا اليه راجعوون

ربي يعووضك خير يااخووي

شده وتزوول يااربي

مقدر ومكتوووب

انا لله وانا اليه راجعون

اختك

ملآكـ

[ץمْ ـنَآدِيץ]

الله يعوضك خير يااخوي :(
ربي يرزقك طير افضل منه وان شاء الله تستفيد من تجربتك