رايكم بين نوعين من الثعابين

[madtaz]

شباب انا عندي كاربت بايثون

وواحد عاررض علي كينج سنيك

نوع الصفقة : بدل

تقريبا نفس الطول 1:20

وش رايكم ؟؟؟؟

[مهووس الحيوانات]

أنا ما عندي خبرة كافية بالثعابين ، أكثر شي سحالي ^^

بس أتوقع ان الكينج سنيك أسهل

و بالنسبة للشكل الكاربت بايثون أحسن بكثير ^^

[madtaz]

انا الكاربت عندي ومستانس عليها وتاكل لكنها عنيفة نوعا ما

بس مين يصير اكبر مع الزمن ؟؟

كاربت ولا كنغ ؟

[jassim99]

اخوي الكاربت تصير اضخم من الكنق سنيك

سؤال اي نوع من الكنق سنيك ؟

عموما الكنق سنيك غير عن الثعابين الي عندك على حد علمي

شهيتها وايد افضل من الاصلات وطريقه هجومها بالنسبه لي احلا ( تلحق الفريسه) وتاكل تعابين حتى لو كانت الثعابين سامه عندها مناعه من سموم الثعابين الاخرى

و سريعه مقارنتا مع الاصله ودائمه الحركه

انا عندي 2 وحده snow و وحده californian

[madtaz]

في نوعين معروضات علي

وحدة البينو اصفر وزهري والله اعلم سن جلو

والثانية ابيض واسود كاليفورنيا

انا اللي ادورها المتعه مين فيهم ممتع اكثر لانه عندي البورميس تاكل ما شاء الله عليها

ومحتار بين الكنج او الكاربت

[مهووس الحيوانات]

حسب

أعتقد ان الكينج سنيك أنشط

فإذا كنت تحب الي يتحرك أكثر ممكن هو أمتع بالنسبة لك

أما إذا كنت تحب الي بس هيبة و شكل حتى لو ما يتحرك كثير فـ البايثون أحسن

وعلى أي حال أنا مثل ما قلتلك ماعندي خبرة كافية فلا تاخذ كلامي انه أكيد + انه مجرد رأي ، يعني لو حصل شي و تورطت لا تحطها فيني خخخ :p

[|| PyTHoN ||]

لو اني مكانك و عندي اساساً بورميس بايثون

راح افكر اغير و باخذ الكينج يعني منت ملاحظ انهم
قراب من بعض الكاربت و البورميس ؟

من رايي غير و جرب نوع ثاني احسن ~

الكينج تربيتهم وايد حلوه و لليوم و انا ادور بس
مافي &&"

و طبعاً الاختيار راجعلك و دامك ما تبي شي
عنيف و مثل ما قلت الكاربت عنيفه شوي بطبعها
فلو تبدل احسن

و اعتبر كلامي رأي مثل مهووس :D

[jassim99]

في نوعين معروضات علي

وحدة البينو اصفر وزهري والله اعلم سن جلو

والثانية ابيض واسود كاليفورنيا


بالنسبه للالبينو

ممكن انها تكون ابيض ساده او تكون ابيض وفيها خط اصفر كامل على ظهرها و ممكن تكون السنو الي هي نقشتها نفس نقشه الكاليفورنيان لكن تكون مايله عالبنفسجي والاصفر الفسفوري

اما سن قلو :eek:

ما مرت علي كنق سنيك سن قلو

في كورن سنيك سن قلو و في بوا سن قلو

رأيي من راي الشباب جرب تغير تراهي ممتعه جدا

[madtaz]

iهههههههههههههههههه الا فعلا كلامك صادق والله

لونها ابيض وعليها خط اصفر خفيف بالطول

والسن جلو طلع مو لها هههههههههههههه

وفرق بين البورميس والكاربت

البورميس فلللللللللة ولا يمكن الاسغناء عنها !!! الا في حاله الحصول علي البينو بورميس

واللي زاد الطين بلة ( علي قولة القذافي )

اني لقيت شبكية مترين ونص روعه بس معقول سعرها 5000 ريال !!!!!!!!

والفرخ منها 3500 ريال !!!

[|| PyTHoN ||]

عادي اهم غالين شوي :D
بس اتوقع المفروض أرخص

لا خلك عالبورميس الألبينو و اترك عنك الريتيك ..

.
.

[jassim99]

انا لو كنت مكانك ما استغني عن البورميه العاديه عشان الالبينو

الالبينو حلوه وهي صغيره لكن اذا كبرت تختفي نقشاتها ويصير لونها اصفرررررر سااااده الابيض والبرتقالي يختفون

اما بالنسبه للشبكيه هني نوقف شوي

اذا كان قصدك عن اللون العادي فعلا غاليه ولكن اذا كنت تتكلم عن الوان ثانيه او طفرات موضوع ثاني لان في الوان الصغار منها بالاف الدولارات

اتوقع بالسعر الي انت تكلمت عنه تقريبا هذي اسعار التايقر رتك


--------------------------------------------------------------------

نرجع للموضوع الرئيسي الي هو صفقه البدل

باخر جواب لك كتبت ان فرق كبير بين البورميس والكاربت<<<<< مافهمت الصفقه بين شنو و شنو !!!

وضحلنا عشان نقدر نجاوبك ونساعدك

[|| PyTHoN ||]

^

بين الكاربت و الكينج سنيك ..