ســـبب الموت الفاجـــئ للطيور؟؟؟

[Moz3ej]

السـلام عليكم



قبل 10 دقائق تقريبا ,, مات عندي طير بادجي ذكر

مستغرب من موته !!


لا يوجد به مرض ولا اي شي يدل على انه مريض

بكامل نشاطه وحيوته ,, وياكل ويشرب عادي جدا

كان بالقفص عندي بالغرفه ,, وكان قبل موته بثواني جدا طبيعي

فجأه سقط على أرضية القفص ومات ,, بدون مقدمات بدون اي سوابق انذار


فـ ياليت الي يعرف السبب يقولي عليه ؟ :(

[Black Cabar]

يمكن اختنق بحبه

[تفاحه حمرا]

انصحك تاخذ الطير وتفحصه في مختبر وزارة الزراعه عندكم في السعودية وتشوف سبب موته.. اعتقد انهم مابيمانعون بسبب وضع الطيور والانفلونزا ..

[رعوود]

:(


الله يساعدك ويكون بعونك


الصراحه

كان طير فانتاستك روعه

بغاية الجمال


الله يعوضك باحسن منه

[الطاير]

وعليكم السلام ورحمة الله وبركاته ....

اخ Moz3ej

الله يعوضك باحسن منه قل امين ....
والي مايموت عليه طير ....
لايسمي نفسه مربي طيور ,,

يالله يرجال .. امسح دموعك .. ورح فتش زييين في القفص
يمكن في بواقي اكل عفنه
ويمكن فيه مسغ (( مخلفات )) كثيرة في القفص
ويمكن المويه مو نضيفه ..
يمكن انت كنت تغير ملابسك وشافك:D و جاه ازمه قلبية :D :D ,,, صج ترى حتى الطيور يجيها ازمات قلبية
ويمكن مات من الجوع ... (( ترى الجوع كافر ))
ويمكن عمره خلاص فنش .. يعني كان شايب هو .. وجاء اجله
واحتمال يكون لحقة شمس ..
او يمكن جاه تيار هوى بارد .. يعني كان يم المكيف او شي ..
ويمكن ويمكن ويمكن ...
انت الوحيد الي ممكن يحدد ليش مات الطير ..


روح الحين وغسل القفص زين ما زين .. والله يكون في عونك

وتذكر انت ان كل كائن حي مصيره يطلعله game over فلاتحزن .




وتحية للجميع

الطاير

[اناوبس]

وي ياحرام والله العظيم حزنت
يعني لوفية سبب ظاهر حسيت فية
يمكن الجو كان حار علية تعرف الطيور ماتستحمل ؟
يمكن الاكل او عمرة صغير
الله يعوضك بخير منة يارب

[D.Abu_mansor]

الله يعوضك اخوي

يا الطاير حلوه game over هههههههههههههه

[الجااارح]

Moz3ej
وعليكم السلام ورحمة الله وبركاته ،،،،

أخوي

الله يعوضك بخير منه

وبالنسبة للموت المفاجئ هذا ماله سبب برأيي

لأن الأعمار بيد الله سبحانه وتعالى

كم من انسان مات فجأة وكم من طير كذلك

وتذكر ان الله قدر له الموت في ذاك الوقت ...



ملخص الكلام اذا مات فجأة بدون مقدمات وكان القفص نظيف والطعام طازج وبعيد عن الهواء وعن الطيور الأخرى وبعيد عن أشعة الشمس الساطعة والمباشرة والتكييف وما كان ملاحظ عليه تغير في سلوكة قبل موته ... فهذه بنظري وفاة طبيعية يالغالي الله قدر عليه الموت في ذاك الوقت والحمد لله على ماصار والحمد لله الذي بحمده تدوم النعم ...



تقبل تحياتي

[ابو المجد]

اخوي مافي حالات موت ذي هذه الى الحين الا سبقها مرض من الممكن انك لم تدركه او تنتبه له
وحاول اخوي دائما تجنب تيارات الهواء المفاجئة او تقلبات المناخ المفاجئة
وانتبه دائما الى البراز حق الطير لانه اكثر الامراض تكون واضحة بتغير البراز وهذا موضوع طويل يطول شرحه
والله يعوضك خير ان شاء الله

[MLoOoK]

شـــــبــــــــــاب انتم فاتتكم شي يمكن عينRoll Eyes (Sarcastic) انت موريه احد من الربع او شي