انا لدي كلب هاسكي ولدي مشكلة

[أبومطلق]

السلام عليكم ورحمة الله وبركاتة
انا لدي كلب هاسكي
عمره تقريب 8 اسابيع
لا يحب اللعب
وحاولت ان العب معه في جميع التجارب ولم تفلح
بالكرة بالدب بالصحن الدوار لعبة العضام كل شي
ويحب الجلوس ولا يحب ان يترحك اخرجة للخارج
واريدة ان يلعب ياتي بجمبي ويجلس
غير الكلاب الهاسكي المعروفة تحب اللعب
فيه انثى والمفروض تحب ان تلعب ولاكنها لا تعلب بالمرة
ولا تسمع الكلام اامرها بالقيام تجلس اشيلها ثم اامرها بالجلوس لا تسمع لي تذهب وتقفز على الكنبة وتجلس على الكنب الكنب هي ( الكرسي )
والمشكلة الثانية هي ترفع ضغطي بعدم الطاعة فا اقوم بضربها ولا تتادب تفعل نفس الخطاء الذي ضربته بسبتها
ارجو مساعدتي يا اخواني الاعزاء

[أبومطلق]

وجبانة تخاف مني اذا قربت منها بتنحاش ولما افتح باب الشبك ما تطلع تبقى داخل لازم انا بدخل يدي وبسحبها من داخل الشبك

[mkdsh]

اوووكيي يالغالي

اول شي كييف درجة للحراره عندك
ويالغالي اكبر غلط انك تضربها اذا تبي تعلما انها سوت غلط وبخها بصراخ خفييف
واذا فعلت صح عطها مكافئه طعام او مسح على الراس والصدر.
وان شاء الله تتحسن حالتها

[أبومطلق]

والله يالغالي انا بولاية تكساس معروفة بالصيف حر حر حر والشتاء بررررررد
بس مامن لها مكيف باااااااااارد
ومن ناحيت اني امسح على صدرها فا انا امسح واحكها وحول اني العب معها بس ما تتحرك
عكس الشباب اروحلهم عندهم كلاب هاسك والجرمني يعلبون معه وينقز ولا يخاف واذا اخطاء طقوه طق
ومع ذالك ما يخاف
عكس الي عندي

[mkdsh]

اها
طيب يالغالي كم لها معك..؟
ان كانت جديده فمعذوره
اصبر لها الين تتعود عليك
ولا تفكر انك تضربها ثانيه أضرار الضرب اكثر من نفعه

[m6n65]

أخووي شلوون تبي تلعب معك وانت ماشاء الله معودها عالطق

الهاسكي معروف انه عنيد وانت تطقه يزيد عناده

لاكن لمى تعطيه وجه وتدلعه ولله راح تشووف عكس كذا

انا عندي 3 هاسكيات واحد منهم كان نفس الحكاية

مايلعب ولا شيء لاكن مع الوقت والمكافئات والتمسيح والشور خلاص تعود علي

انا ماكذب واقول اني ماطقه لاكن في حالات جدا نادرة وتكون الضربة خفيفه يعني مب ذيك الي توجع

[أبومطلق]

والله له الحين معي شهر وانا ما اطقة الا في حالات نادرة اذا وصخ وانتم بكرامة داخل الشقة
واذا جا يبي ينقز على الكنب ينقز على الطاولة ويطيح كل الي على الطاولة ثم ينقز على الكنب
في الحالات هاذا اذا فيه بديل عقاب عن الطق بالله علموني
وعلموني كيف اخليها تلعب معرفت كيف اللعبها

[m6n65]

العقاب انك ماتعطيه وجه وتحسسه انه على غلط

[m6n65]

ومن ناحية مكان التبرز خل له مكاان خاص يتبرز فيه او بالحمام حط له تراب وحط برازه وانت بكرامه بالحمام عشان يشم البراز ويدري انه بالحمام لين يتعود عالحمام

[S44D]

سسسُلآم,,

أخـوي بـآلنسسسُبة لمششُكلـة اللعب...

عندي الحل للأمانة من موضوع سابق في المنتدى

لكن للقطط يمكن ينفع

اذا جلس جنبك العب بأي لعبة من ألعابة
وكأنك بلحالك بيشوف انه وناسة خخخخخخ

وبعدين يلعب اذا مانفع كرر مرة ثانية

أمـا بالنسسبة لأنها ماتطيع قل مثلاً (أجلس) بعدين أجلس انت ويمكن يقلدك لين يتعود

الطريقة غير مضمونة لكن بإذن الله تنفع مع العلم ان ما عندي ولا حيوان (الله يكرمك)

ملاحظة:آلصبر مفتــآح الفرج

مغ آلسسُلآمة

[أبومطلق]

لبى والله قلوبكم وجعل ولديكم بالجنة انا مالي بالكلاب وانتم بكرامة انا عند ابوي ابل في السعودية وتخب علي
هههههههههههههه
لاكن الكلب وانتم بكرامة جاني هدية من البرفسور معي بالجامعة عطانية قال هاذا هدية عيد ميلادك
وللععلم انا ما احب الكلاب ولا اوطنها بعيشة الله لا كن مع الايام حبيتها ولا بغيت افرط فيها
والله يا ان العابها مكلفتني 120 دولار العاب فقط ولاهيب تلعب هاذا الي قهرني ههههههه

[كـش مـلك]

السلام عليكم ورحمة الله وبركاتة
انا لدي كلب هاسكي
عمره تقريب 8 اسابيع

يعني تقريباً شهرين الا كم يووم

لا يحب اللعب
وحاولت ان العب معه في جميع التجارب ولم تفلح
بالكرة بالدب بالصحن الدوار لعبة العضام كل شي
ويحب الجلوس ولا يحب ان يترحك اخرجة للخارج
واريدة ان يلعب ياتي بجمبي ويجلس
غير الكلاب الهاسكي المعروفة تحب اللعب
فيه انثى والمفروض تحب ان تلعب ولاكنها لا تعلب بالمرة

اخوي بً اسألك سؤال ::

الكلبةة كم صار لها معاك .؟~

اذا ما لها كثير عندك بتكون المششكله هنا

انها باقي مو واثقه فيك او ما تعرفك

ويبيلك كم يووم او كم اسسبوع وتتعرف عليك وتحبك وتلعب معاك

اما اذا من زمان معاك فــ بقول لك حل حلو

حاول تخلي الكلبه تحب العابها كييف .؟ئ

بأنك ما تعطيها الالعاب الا في وقت اللعب ولا تثبت على لعبه وحده

يعني كل شوي غير اللعبةة وجدد الالعاب مع الكلبة

وبرضو حاول تشوق الكلب في اللعبة

بأنك ما تعطيها بسسهوله

مثلاً اذا كانت عضاضةة

العب بــ العضاضه كأنها فار

ورووح يمين يسسار ليين تحسس الكلبةة تبغ تمسسكها واذا مسسكتها اسسحبها

وما اقدر اوضح لك كيف تلعب كلبتك اكثر من كذا

الدور الباقي عليك حبييبي :)


ولا تسمع الكلام اامرها بالقيام تجلس اشيلها ثم اامرها بالجلوس لا تسمع لي تذهب وتقفز على الكنبة وتجلس على الكنب الكنب هي ( الكرسي )

اخوي الكلبةة باقي صغيرهـ جداً جداً على الطاعةة

من سسن 4 اشهر دربها طاعةة

مو الحيين

في هذا العمر تقدر تدربها على اسمها

ومكان قضضاء الحاجةة .. (( وانت بكرامةة ))


والمشكلة الثانية هي ترفع ضغطي بعدم الطاعة فا اقوم بضربها ولا تتادب تفعل نفس الخطاء الذي ضربته بسبتها

اخووي هنا في مششكلةة كبيره جداً جداً جداً جداً

الي هيه ضربك للكلب

ضرب الكلب مششكلة خطيرة

ولما تضرب الكلب يسسير ضعيف ششخصيةة

اخوي انتبه على كلبك و تحاول تضربة ابد

اقضي معاه وقت اطول اجلسس بجمبه وطالع فيةة

مو لازم تلعب معاه

بسس طالع فيه الين تحسس الكلب اهو الي يجيك ويميل لك

اعطيه الاكل والماي وكل ما يحتاجةة لا تقصر عليه بششيء ابد

وشووف كيف الكلب راح يحبك ويودك ويحترمك ولا تقدر تطلب الششي الا وقد جابةة لك


ارجو مساعدتي يا اخواني الاعزاء

اتمنى اني افدتك وتقبل مروري اخوي

الاجابةة بً اللون الاحمر

[Nona999]

السلام عليكم ورحمة الله وبركاته ..

مشاءلله احسن اختيار الهديه كلاب الهاسكي من الكلاب الجميله ..

وعلى حسب كلامك اعمار الكلاب شهرين وبـ عز تكوين الشخصيه ..

واشكر جزيل الشكر للاخوان اللي ساعدوك وماقصرو بصراحه يعطيهم الف عافيه وكلامهم صحيح..

------------

اخوي بخصوص ان كلبك مايلعب هذا يرجع لنفسية الكلب ( بعد التأكد من انه مايشكو مرض طبعا )..

اخوي دائما عامل الكلاب بـ اعمارهم لا بـ احجامهم ..اوضح لك كلامي..

يعني تعامل معاهم كأنك تتعامل مع اطفال اعمارهم شهرين .. بتقدر تضربهم ؟ و اذا عملو شي مو كويس اكيد بتصحح سلوكهم ..

اخوي نعالج المشكله من البدايه انت لما تضرب احد منهم هم ماراح يفهمون ان هذا السلوك خطأ ..

راح يفهمون انك ضربتهم يعني ممنوع اللعب فـ عشان كذا انعكس الضرب على شخصية الذكر..

و ( الضرب مايربي ابد سواء للانسان او الحيوان ) هذي روح ولازم تتعامل معها كويس ..

صحيح الكلب ملكك ولكن الروح ملك رب الكون واذا عندك كلاب او اي نوع حيوان يتوجب عليك الانفاق عليه وهذا مو من عندي..

و بما انك اول مرا تربي كلاب راح اعطيك كذا مواضيع بتفيدك كثير.. وبعدين راح اتطرق لمشكلة الخوف..

وقبل كل شي لازم تنتظم بـ التطعيمات وتحرص على تطعيمها بالوقت المحدد لها فـ دفتر التطعيمات ..

وهذا موضوع عن التطعيمات بقلم اخي الرازم ..

http://www.2zoo.com/vb/showthread.php?t=156041

-----

اولا : لمشكلة قضاء الحاجة ( الله يكرمك ) .. هذا موضوع بقلم اخي الرازم راح يفيدك ..

http://www.2zoo.com/vb/showthread.php?t=133331


ثانيا : مكان الكلاب وبيوتهم وكيفية العنايه بهم وهذا موضوع مهم لك .. ايضا بقلم اخي الرازم ..

http://www.2zoo.com/vb/showthread.php?t=160540

ثالثا : الحذر من الاكلات الضاره وانواعها .. بقلم اخي الرازم ..

http://www.2zoo.com/vb/showthread.php?p=1507203&posted=1#post1507203

---------------

وبخصوص اللعب هذا يعتمد عليك اخي .. لازم تحببهم باللعب وتبتعد عن الضرب نهائي ويكتفي برفع الصوت والتوبيخ ..

ومشاءلله لو بحثت فـ المنتدى لحصلت عن اجابات كل اسألتك ..

وهذا موضوع رد عليه خبيرين ,, الاخ ابوفهد والاخ علي .. عن اللعب وما الى ذلك ..

http://2zoo.com/vb/showthread.php?t=226879

و اخيرا ..

اهتم بـ اكلهم ,, نظافتهم ,, تطعيمهم والاهم تدريبهم فـ سن 3 اشهر على الطاعه ..

ولا تتفوق على عنادهم بالضرب لانه يكسر من شخصية الكلب ..

وبالله التوفيق

[أبومطلق]

جزاكم الله الف خير ما قصرتو وجعل والدينكم بالحنة
ومن جد من جد منتدى فوق الخيال
ومشاء الله اعضاء فعالين يحبون الخير للناس قبل ما يحبونه لنفسهم
والله لا يحرمنا من جديدكم
واتمنى التوفيق والنجاح للك
واشكر القائمين على المنتدى والاعضاء ما قصرو وجزاكم الله الف خير وبيض الله وجيهكم

[pitbull terrier]

اوجه اكــــــــــبر شكر لجميع الاعضاء ..:


http://img163.imageshack.us/img163/4954/67426609.gif

mkdsh

m6n65

S44D

كـش مـلك

Nona999

http://img163.imageshack.us/img163/4954/67426609.gif

جزاكم الله كل خيرا اخوتي الغاليين ..

تفــاعل رائع و اجوابة رائعه و احتـــراف اروع ..

بارك الله فيكم وأدامك الله لمنتدى 2zoo ذخرا وفخرا ..

وبالنسبة لاخي أبومطلق ما شاء الله واضح جدا الاعضاء ما قصروا ..

وتشرفنا بمعرفتك يا الغالي و اهلا و 100 سهلا بيك بين اسرتك ..

واي تساؤل عادي جدا اسال وجاهزين للاجابة بأذن الله ..

اعيد شكري لكل شخص رد على الموضوع ..

:):)

[mkdsh]

العفووو اخوي علي

مجرد ذكر اسم عضويتي وسام اضعه على صدري

مشكووور الله يعطيك العافيه