ما الحل مع البلغم؟

[صوغة]

السلام عليكم

ان شاءالله الجميع وطيوركم بأحسن حال

أخواني درتي ان شاءالله شفت

لكن مازال بصوتها بلغم وش الحل معه؟

؟

والله يجزا خير كل من يساعدني

[صوغة]

اعذروني يامشرفين

بالغلط نزلت الموضوع اهنيه مو بقسم سؤال وجوال

[*هاوي البادجي*]

يا هلا والله

عاد كنت نعسان وكنت توني بطيح بنام لكن اول ما شفتموضوعك قلت ما يهون علي اقرا الموضوع بدون مساعده اختي صوغه


وانا اتصحك بدواء اخذيه من البيطري اسمه تايلان (Tylan)

http://www.tqatar.com/vb/uploaded/1_1227979017.jpg

هذا الدواء مفيد جدا


يالله تصبحون على خير بناااام


http://up.syriarose.com/uploads/images/syriarose-25e1a755bc.jpg

[صوغة]

مشكووور ويعطيك العافيه

في حفظه

[صوغة]

الحمدلله ان شاءالله ميمي تخلصت من البلغم اعزكم الله وبطريقتي بدون علاج

اتمنى تكون طريقتي صحيحة

وهي:

طلبت من الطبيب التايلان ورفض قال خليها تتخلص من هالشي لوحدها عشان مايرجع لها العلاج يخليه يروح كم يوم ويرجع ..

فسألت أمي لو عندج طفل ويعاني من البلغم اشلون اتخلصينه منه

قالت أخليه يكح أشجعه على الكحة مع طارد للبلغم ..

طبعا ماقدر أعطي ميمي علاج للبشر

لكن من مرض وشفا وهو صوته مايطلع الا بصعوبه

فقلت خليني أحرك صوته يمكن مع الصراااخ وكثرة السوالف يقدر يتغلب عليه

حطيت القفص بمكان غريب عليه

بالبدايه نصف يوم ساكت بس يناظر حوالي المكان وكنت أروح وأجي عشان لشافني يصارخ يستنجد

وبدأ على العصر شوي ينادي بصوت متقطع مايطلع ومع العشا صار صوته مسمووع واستمريت يومين أشجعه على الصرااخ والحين صوته يطلع بالكامل وبدون بلغم

مدري طريقتي هي السبب ولا هو بنفسه تغلب عليه ولا الاثنينه عوامل مساعدة

الحين رجعت القفص مكانه وهذا هو يهذر ويسولف له ساعه بصوت واضح وطبيعي..

اذا طريقتي صح أفيدوني عشان نكسب خبرة من هالتجربة

واذا غلط بعد أفيدوني عشان ما أكرر الغلط ..

ولكم جزيل الشكر

[صوغة]

44 زائر ماحد يبي يقول تصرفي سليم ولا خطأ؟

اشلون نكتسب معرفة وخبره اذا تبخلون ياخبراء علينا بأرائكم ؟؟

[*هاوي البادجي*]

هلا والله ما لاحظت الموضوع

بس اتوقع ان طريقتج صحيحه انج رديتي صوت طيرج وطيرتي البلغم

[صوغة]

تسلم اخوي هاوي البادجي يعطيك العافية على التفاعل معي

[أبو رآكان]

اختي صدقيني الببغاء مشابه لحيأة البشر الى حد ماَ
وطريقة اعتقد فيها ذكاء .. وبنفس الوقت تخلصتي من العلاج .. اللي مكن ما يفيدك

تحيأإتي لك

[صوغة]

أخوي

أبو رآكان

يعطيك العافية على الرد والتوجيه

الله يحفظ لك طيورك

[الافندي]

في خبرتي المتواضعة انا بشوف انه طريقتج كانت هي السبب الي خلا ميمي تتخلص من البلغم عن طريق الصراخ......... ومثل ما قالو اخواني الببغاء حياته مشابه للبشر فالانسان كذلك يتخلص منه بطريقته الخاصة المقاربة لطريقتج ......................... والبلغم يأتي من تعرض الطائر للبرد والماء البارد وايضاً الاكل فحاولي ابعادها عن الهواء البارد وخليها بمكان جوى معتدل لكي لا تصاب بالبلغم مرة ثانية ................ وربي يحفضلج ميمي .... تقبلي تحياتي... واي استفسار انا حاضر

[ابوغزل]

مساء الخير اختي صوغه

يعني انتي مشالله عليكي ما يحتاج لك فزعه خبرا

عموما طريقتك جدا صحيحه ومستخدمه

في طريقه اخرى انه نجيب البخار حق الماء ويستنشقه الطير ونسميه نوبليزير
تقبلي خالص الشكر والتقدير

ابو غزل

حبتيييييييييييييييييييييييييييييييييييييييييييييييييين

:88:

[صوغة]

الله يسعدكم يارب جميعا

ويحفظ لكم طيوركم من كل شر

وجزاكم الله كل خير على التفاعل معي

الف شكر

[ProOoF]

طريقتك 100% صحيحه

يعجبني فيك أخلاصك لطيرك وهذا ما يكون نادر بهالزمن

وملاحظ ماشاء الله حرصك ع الإبتكار والبحث عن البدائل وحب التعلم

الله يكتب لك الأجر ويثيبك ع عملك و من متابعتي لمواضيعك أهني طيرك عليك




أنصحك بالتفكير بالإنتاج ع هالحرص وما بتندمين بأذن الله


..........................

يا مثبت القلوب ثبت قلوبنا ع دينك

[صوغة]

ProOoF

الله يسعدك يارب على كلامك الطيب

والف شكر على النصيحة جاري البحث عن عروس لميمي

وتسلم على المرور والتفاعل

[BLACK KOKO]

اخت صوغه

طالما ان ميمي لم يدخل في جوفه علاج صناعي
فانا اهنيكي علا الطريقه سواء كانت سليمه او العكس

الله يحفظ لك ميمي

[صوغة]

ويحفظ لك ماتملك من طيور

تسلم على التواجد والمشاركة