السيطرة

[حي ومانسيت]

السلام عليكم اخواني عندي كلبه عمره10 شهورنوعها بلدي كلما جيت ابي اربطها تقطع السلسله اوالشيء المربوطه به وتهرب ولاكن اذا هربت ماتجي اذا ناديتها لازم الحقها واجي جمبها عشان توقف واحياناتوصل المطارده الي 3 دقايق وصارت تخاف مني اذا شافتني تروح تركض ابي اخليها تعرفانا المصيطر
الكلبه اذا ربطتها ومشيت فيها عادي بس اذاربطتها بمكان تقطع الحبل حقها ليه
وهي ياكثرماعلمتها سيت ماتجلس الا اذا جيت جمبها ليه

[Abo_fahed]

السلام عليكم ورحمة الله وبركاته ..


اول شي اخوي حي ومانسيت

لازم تخلي الكلب مايخاف من الربط او يحس ان الربط سجن بالنسبة

ويجب عليك بالطريقة الآتيه :-

1- تمسح عليه قبل لاتربطه

2- اول ماتلبسه السلسة تكافئة وتقعد يمه شوي

3- تحاول تبتعد شوي عنه وراح تلاحظ الكلب بينابح اسكت عنه شوي واول مايسكت ترجعله وتكافئه مره ثانية

4- لما ترجعله تشيل منه السلسلة وتكافئة

5- تكرر العملية اكثر من مره باليوم الى ان يتعود الكلب على السلسة

ملاحظة :-

لا تستخدم سلسلة تسبب اختناق للكلب بتاتاآ

-ـ-ـ-ـ-

وبالنسبة للتدريبات لازم تكرر التدريبات اكثر من مره في اليوم

وتختار الوقت المناسب للتدريب

يعني اذا انت مجهد ومالك خلق تدربه لاتقول بدرب الكلب !!

لان راح تسبب نقص بالتواصل بينك وبين الكلب

وايضا لازم تختار المكان المناسب

يعني كبداية اعمل التدريبات داخل المنزل

وبعدين انتقل للمرحلة المتطورة وتسويها في الحديقة مثلآ

-ـ-ـ-ـ-

وبالنسبة للنداء اهم شي تخليه في بالك

لاتنادي الكلب وقت المعاقبة

يعني لاتنادي كلبك وتضربه او تهاوشه لغلط اهو عمله !!

وكل ماتناديه ويقرب صوبك كافئه وامسح عليه

وكبداية استخدم حبل طويل واربطه بالطوق

وخل الكلب يتمشى براحته وبعدين ناده ومع سحبه خفيفه بالحبل راح تلقاه يجي لك

واول مايوصلك كااااافئه على طول

كرر العملية اكثر من مره وبعدين اذا فهم

لاتكافئه الا اذا اهو من نفسه قام يجيك

-ـ-ـ-ـ-ـ


ان شالله افدتك

:)

أبــــــــــو فـــــــــهــــــــــد

[حي ومانسيت]

مشكووووووووووووور
بس انا مربية ببراحه جمب البيت مسوي بيت تقريبا عرض 2 متر طول 3.5متر ارتفاع 3 امتار ورابطه هناك
ويهرب وانا الحين ربطته بالشيء اللي يغلفون فيه اسلاك المكيف عشان تغطي الشيء النحاسي بس قطعه لحسن الحظ اني جبته الحبل طويلتقريبا 6 متر

وعلى عيني وراسي اجابتك جبتها مظبووووووووط

[Abo_fahed]

حاضرين للطيبين والحلوين

:)

[jassim99]

اخوي انا كلبي سوا هالحركه مره لاني كنت رابطه بالليش المخصص للمشي

بس قطع الحبل وجاني

موضوع ان الكلب يجيلك بوفهد كفى و وفى الله يجزيه الف خير

و انا لي راي بموضوع الحبل انا مافهمت قصد بوفهد شلون تخنقه السلسله لاكن لا مانع انك تربط السلسله بالطوق وصعب ان كلب يقطع سلسله حديد بس مو تجيب الي حلقاتها صغيره جدا وتقول كلبي قطعها... لا جيب الي حلقاتها متوسطه

او استخدم الحبل المخصص لربط الكلاب الي هو يكون مصنوع من ماده البلاستك اللين وداخله يكون في مثل اسلاك قويه مستحيل ان الكلب يقطعها

و الطريقتين مجربين و آمنين

بالتوفيق

[Musab Pro]

ما شاء الله تبارك الرحمن ..

الاخوان ما قصروا ابد .

ودي اوضح شوي توضيحات تتمه لما بدو فيه الاخوان .

الرجاء استخدام المعدات في مكانها الصحيح .

يعني مثل ما قال اخوي جاسم لا تستخدم ليش المشي في ربط الكلب لفترات طويله لانه بيقطعه .

ولا تستخدم السلسله الخناقه في ربط الكلب لانها تستخدم للتصحيح

مثل ما ذكر ابو فهد . وهذي صوره لها .

http://www.downtownpet.com/blog/uploaded_images/dog.prong.collar-730053.jpg

المفروض ان تستخدم هذي النوعيه من السلاسل

http://www.dogsnaturally.co.uk/images/Chain%20Collar2d.jpg

لانها مو حناقه ولا تستخدم لل كوريكشن .. بل تقوم مقام الطوق العادي .

وبكذا تضمن ان الكلب ما يقطعها ك طوق .

اما استبدال الليش بالسلسله ان شاء الله ما فيه مشكله ابد.

ابي احرص على الكلام اللي قاله ابو فهد .

لا تنادي الكلب وتقوله come بعدين تعاقبه ابد ابد ابد .

لو حبيت تبين له انك معصب ممكن تقول اسمه بعصبيه بس بدون come

مثلا rixxxxx بصوت حاد .

او تقول له noooooo وهنا انت المفروض تكون دربت الكلب من اول على كلمة نووو

ان اذا قلتها يترك الشي اللي يسويه ويجيك فورا .

وممكن تبدا هالتدريب عند درامات الزباله الله يكرمك

اطلع وامش عندها والكلب على الليش معك .. ولما يقرب للدرام يبي يشم قوله نووو

واسحبه شوي .. ولما يجيك كافئة على طوول بمكافئه وتشجيع .

روح وارجع على نفس الدرام ولما يقرب نووو مع سحبه خفيفه .

وكافئ لما يتوجه لك .

و شوي شوي تجد الكلب كلما قلت نو ترك الشي اللي عنده وجاك .

وكافئه على جيته لك .. من هذا التمرين تستفيد ان الكلب لما يتجاهلك

وينشغل بأي ثاني .. تقول له مثلا

ريكسسسس نووووو راح يجيك على طول .

لا تستخدم الضرب ابدا .. ولا تحبسه على طول بعد الغلط .

لان هذا النوع من الكوريكشن واضح جدا ان كلبك ما يتحمله ويبدا يتحاشاك .

يعني الكوريكشن هذا مستواه اعلى من تحمل كلبك

موفق باذن الله .

[حي ومانسيت]

مشكوووووورين

[Musab Pro]

العفو يالغالي ... واجبنا .

[Abo_fahed]

و انا لي راي بموضوع الحبل انا مافهمت قصد بوفهد شلون تخنقه السلسله

ههههههههههههههههههه

فديتك جسووم

لا انا ماقلت اخنقه ههههههههه

انا قلت

ملاحظة :-

لا تستخدم سلسلة تسبب اختناق للكلب بتاتاآ

يعني مايستخدم سلسة تخنق الكلب

-ـ-ـ-ـ

احسنت على التعقيب واكمال الحل

كلامي مايكتمل الا بلمساتك الاخيرة

:)