استفسار

[almagroh88]

انا صارلى 6 اسنين في عالم الثعابين اعرف امراضهم واعالجهم والناس تتصل واساعدهم المهم واحد اتصل وقال انه ثعبانه رجع واليوم الثاني مات يوم شاله لقى لون جلده اسود من تحت ارجو المساعده هاي اول مره اسمع عن المرض

[مهووس الحيوانات]

أنا صراحة ما أدري بس ممكن ما كان مرض ^^

[almagroh88]

يمكن انا شاك في احد حط سم حق الثعبان لانه قالى فجأه صار فيه

[|| PyTHoN ||]

لحمها كان متقطع شوي ؟

.
.

[almagroh88]

لا بس الى قاله ان لون الثعبان تغير من تحت وصار اسود هذا المرض اول مره اسمع فيه من 6سنين في مجال الثعابين

[|| PyTHoN ||]

امممم ولله مادري مالي خبره بأمراض الحيايه :D
كنت متوقع انها احترقت او شي جذي لأن شبه
مستحيل بيوم و ليله يصير جذي ، ما يصير الا لو
انها احترقت او صار فيها اي شي ..

سم ممكن يموتها أما لون الجلد يصير أسود ؟!
ما اتوقع ,,

===

زين لو لك خبره انا في شي عقدني
شنو سبب الـعطس و يطلع مثل شي أبيض لزج
و متأكد 100% مو التهاب بالجهاز التنفسي شنو
سببه && ؟!

.
.

[almagroh88]

اخوي في عوامل كثيره الاكل الغير نضيف وجود بكتريا وفيروسات في مكان تواجد الثعابين الجو الغير نظيف وعدم تغيير ماء الشرب وماء السباحه يوميا وعزك الله قالى عالم اسمه روب انه لازم بعد ما الثعبان يعمل البراز انشيل البراز ونضف الثعبان من وره لانه في امرض والاهم من كله الارضيه ياشباب ركزو على الارضيه في مواقع مضمونه اتبيع كل مستلزمات الحيوانات واتوصله الدوحه عن طريق ارامكس الكل يعرف ان كل ثعبان يختلف نوع الفرش هذا الموقع يبيع الفرش مال كل الثعابين ونضيف ومضمون

[almagroh88]

ومب شرط ان الثعبان عطس انه فيه مرض مزمن وخطير الا في حاله اخري والصراحه انا تعلمت عن الثعابين في المنتدي تو زوو وانا اتابع مواضيعك ممتازه وتابع وجزاك الله الف خير واذا تبي اي شى ما راح اقصر معاك ومع الكل انا غبت عن المنتدب بسبب ظرف والحين رجت

[|| PyTHoN ||]

كل هالأشياء ما فاتت علي ..
و الأرضيه مهتم فيها ، الله اعلم شالسبب
كل شي مضبوط و مافي شي ناقص ..

عالعموم حياك الله بينا و موفق اخوي ..

[jassim99]

اخوي المجروح مع احترامي الشديد لكن لازم تكون تعرف الريال و متى صدقه او مبالغته بهالشي ونحتاج معلومات اكثر عشان نجاوبك

يعني مثلا ممكن تكون درجه الحراره عاليه زياده عن اللزوم وماتت من الحراره

و ممكن ان الريال ماعنده خبره او ماكان مركز على لون الثعبان عدل

ويمكن يكون اسلوبه في شي من المبالغه

لو في تفاصيل اكثر ممكن تذكرها لنا ان شاءالله بنحاول نساعدك :)

[jassim99]

امممم ولله مادري مالي خبره بأمراض الحيايه :D
كنت متوقع انها احترقت او شي جذي لأن شبه
مستحيل بيوم و ليله يصير جذي ، ما يصير الا لو
انها احترقت او صار فيها اي شي ..

سم ممكن يموتها أما لون الجلد يصير أسود ؟!
ما اتوقع ,,

===

زين لو لك خبره انا في شي عقدني
شنو سبب الـعطس و يطلع مثل شي أبيض لزج
و متأكد 100% مو التهاب بالجهاز التنفسي شنو
سببه && ؟!

.
.


حبيبي بايثون هل اهي البورميه ؟

هل مع العطسع صوت قريب من الفحه كانه حرف ال خ (خخخ) ؟

هل تفتح فمها حيل و بعدين تعطس

الابيض الي يطلع... يطلع بطريقه قويه ؟ اقصد تحذفه ؟ (مو نفس الفقاقيع على طرف الفم)

اوصفلي اكثر وان شاءالله كثر ما اقدر بفيدك باللي اقدر عليه :)

[|| PyTHoN ||]

^

اي نفسها الي قبل كلمتك عنها :D

لا جنها عطسة آدمي عتسسسسس :D
ولله مادري يندفع بقوه ولا لا ، ما أشوفها &&"
بس يعني مو عند حلجها مرات عالحوض او عليها

بس لا مو التهاب الجهاز التنفسي ~

ولا حاشها هوا بارد او شي ..

[jassim99]

^

اي نفسها الي قبل كلمتك عنها :D

لا جنها عطسة آدمي عتسسسسس :D
ولله مادري يندفع بقوه ولا لا ، ما أشوفها &&"
بس يعني مو عند حلجها مرات عالحوض او عليها

بس لا مو التهاب الجهاز التنفسي ~

ولا حاشها هوا بارد او شي ..

والله مو ذاكر الموضوع

لكن انا بحاول اوصفلك اكثر هل الي يطلع من حلجها يلزق هلى جامه الحوض او بعيد عنها ؟ اقصد ان ما يتدلى من حلجها ؟

هل اهي ماده بيضه مخاطيه لكنها ثقيله كانها (بلغم) اعزك الله

عموما اذا هذا الوصف صح فهو نوع من انواع الالتهابات و مافي خوف منه وسببه انها تكون ماكله شي مو نظيف او في حاله هجومها على شي يكون في وسخ من الارضيه لزق بالفريسه وكلته

اعرفك محافض عالنظافه ماشاءالله عليك فالاحتمال الارجح انها ماكله شي مو نظيف

عموما اعراضها انها ممكن تنسد شهيتها او تقل

انت الي عليك انك اذا لقيت على حلجها شي تنظفه وتغسل مكانه بماي خفيف او بمنديل مبلل

حاول بهالايام اذا بتوكلها نظف الفريسه قبل ماتوكلها يعني ممكن انك تذبح هامستر و تغسله قبل ماتعطيها واذا انت تفضل الفريسه الحيه قط الهامستر بالبانيو وحط شويه ماي وخله 5 دقايق عشان ينظف اكثر وماتزيد عندك الاعراض<<<< هالسالفه مؤقته بس ليمن تتحسن وبعدها يرجع الموضوع طبيعي ومو لازم تنظف الفريسه

و اذا مو مثل ما انا وصفت حاول توصفلي العطسه اكثر والماده الي تطلع من الحلج

وبشرني شنو يصير معاك

[مهووس الحيوانات]

قلتلكم من البداية مو مرض

صدق اني رهيب :D

[|| PyTHoN ||]

اي اهو نفس البلغم و لا ما يكون على حلجها يكون شوي بعيد
امم عموماً اهو صارلها سنه كامله تقريباً :D

الله يعين :D

[خالد414]

السلام عليكم ورحمه الله وبركاته

بالنسبه للاخ صاحب الموضوع , الثعبان اذا مات وصاره مده ميت لونه من تحت يبدأ يتدرج الى اللون الاسود المخضر وهذا شي طبيعي بسبب تعفن الثعبان .

.................................................................................................

وبالنسبه للاخ بايثون اذا كانت فتحات الانف بها ماده لزجه او ممكن تكون جافه فتأكد انه بسبب تغير الجو
وهو نوع من الزكام كما يأتي للأنسان و أفضل علاج طبيعي جربته انا مع ثعابيني
ضع الثعبان بحوض به ماء يميل للدفئ وشمسه بشمس العصر او الصبح وبإذن اسبوع بالكثير ويتحسن الثعبان

لكن ركز على درجه الحراره