ريش الكاسكو .. يطيح لحاله ..

[مس^^مس]

السلام عليكم ..

عندي الكاسكو .. لولو

ريشه يطيح لحاله ريش صغير من صدره ولمن امسح ع راسه بعد يطيح ريش ..

انا عارفه انو مع تغير الجو والصيف .. وجالسه ارشه بالمويه مرتين ف اليوم ..

ومدوامه معه ع عظمة الحبار ..

المطلووب .. فيه شي ثاني ممكه اسوويه .. ؟

وهل فيه فيتمينات خاصه له .. ؟

ولكم الشكر الجزيل ..

[صوغة]

وعليكم السلام

يمكن الطير يمر بمرحله تغيير الريش وهي تبدأ من شهر 6 الى نهاية اوغسطس 8 يعني

وبعدين تقدرين تساعدينه بشويه فيتامينات اتحطينها بالماي اذا ماكان ياكل فاكهة وخضار

وبعدين تروشينه مرتين باليوم ؟؟؟؟؟؟؟؟؟؟؟؟

والله لو انه شنو

وايد وايد يختي متى ينشف ريشه عشان يرجع للشور الثاني؟ ههههههههههههههه

مره بالاسبوع يكفي ..

[*هاوي البادجي*]

طيرج الله واعلم يمر في مرحله تبدي الريش ونفس ما قالت لج اختي صوووووغه

[عبدالعزيز العتيبي]

نعم الطير يمر بمرحلة تبديل الريش .. والفترة هذي تنتهي بنهاية شهر اغسطس ... يعني مع نهاية رمضان

لا تخافي من شيء ... الخوف فقط من الانتاج بالفترة هذي لان نسبة نجاحه ما تتعدى الـ 30%

بالتوفيق

[مس^^مس]

ما شاء الله تبارك الله

ان شاء الله مافيه الا العافية

لا تشيلي هم يا ام عبد الله

هذي الفترة طبيعي يخفف من ريشه لانها فترة تغير المناخ من فصل لفصل,,

بس حاولي تشغلي وقته عشان ما تتحول الى عادة عنده وكثري الاستحمام,,

وربي يوفقك




ياختي صوغه مااعتقد فيه سبب للضحك ..

كلامي مو من فراغ .. من عضو معروف .. هنا ف المنتدى

وقلت ارشه مو ابلله فيه فرق .. والجو اصلا حار .. ماراح اضره وماني غشيمه لهدرجه ..

مااشوف افدتيني بأسم الفيتمينات .. !!!

ارجو الرد للخبراء فقط ..

ومشكور للجميع ..

[مس^^مس]

وهذا رابط الموضووع وهو قديم ..

http://www.2zoo.com/vb/showthread.php?t=155460

[صوغة]

سلامات اي ضحك؟ مو معناه انه استهزىء او حاجة

لكن بجد شي غريب ببغاء يتروش مرتين باليوم

وانتي ماكتبتي تبللينه كتبتي اروشه

الاخ سكر ماقال حمميه مرتين باليوم

بس ماعليه حقج علي الي دخلت موضوعك اول وحده ورديت

لكن اتحدا اي خبير يوافق انج اتروشينه مرتين باليوم

ارجو الرد للخبراء فقط ..


ماعليه يمكن ماني خبيره بس احب اساعد الاخرين والخبره البسيطة الي اكتسبتها تكفيني


لاحول ولا قوة الا بالله

نبي المساعدة للاخرين وينقلب الامر

اعذريني لاني حاولت اساعدج

لو شاكره الاعضاء الي ساعدوج افضل لج

احسن من انه ادورين جواب يناقض جوابي

ماشاءالله عندج الجواب ليه محتاجة للمساعده وكاتبه الموضوع ؟؟؟

برب من مواضيعج للابد

خيرا تفعل شرا تلقى

الثواب منك يارب العالمين

للمعلوماتج

خبرتي البسيطة حلت مشاكل عجز عنها الخبراء

وانا خبيره بامور بسيطة مثل سؤالج وكم يتروش الطير

وجاهله واحب اتعلم بامور كثيره

لا انتي ولا غيرج يحكم على خبرتي

لا حول ولا قوة الا بالله ادخل عشان اساعد وتكون ردودكم قاسيه

ثوابي منك يارب العالمين

[صوغة]

مااشوف افدتيني بأسم الفيتامينات .. !!!


أفدتج بثلاث أمور

1- طيرج يمر بمرحله تغيير الريش يعني طبيعي الي عنده

2- اذا ماياكل فواكهه وخضار حطي له فيتامين بالماي جيبيه من أي صيدليه فيه ألف نوع جيبي الافضل اسئلي الصيدلي اخاف اقولج وتقوليين ماعندج شهاده صيدلة عشان اتحددين الاسم

3- خطأ ترويشه مرتين يوميا

كل ذا وما قلتي حتى شكرا

مدري شتبين اكثر؟

مازال الاجر منك يارب

[الكاكي]

هذي مرحلة القلش (تغير الريش)
يكون الطائر في حالة مزاجيه سيئه واذا كان يتكلم يقل كلامه كثير.
يحتاج الببغاء للاتي :
1- فتمينات وطعام منوع .
2- بعده عن الازعاج .
الاستحمام لا يؤثر على عملية القلش الاستحمام مرتين اسبوعيا.
وطول بالك وخلي بالك وسيع
وبالتوفيق

[ابو محمــد]

ممكن صوره للطائر ومكان الريش المتساقط ؟؟

[أبو رآكان]

..| يا اخـوان الموضوع اخذ اكبر مـن حجمـه ..~

ارجـوا الهـدوء والنقأش بعقلأنية ..

بالنسبة لموضوع طيرك ..

اذا ما علية اي اعارض مرض فهو حألة تتغيير الريش
وشكرآ

[ارحل]

خلاص اعصابكم :wao:

رمضان باقي له 19 يوم أن شاء الله


هذا بدل ما تتهادون كل وحده تهدي للثانيه :freind:


قوطي تانج او علبة فيمتو أو او كتب طبخ :D

ـــــــــــــــــــــــــــــــــــــــــــــــــــــــــــــ

بالنسبه للريش عادي جدآ خصوصآ اذا كان جامبو .. ياهو يوسخ المكان :mad:

أستمري على عظم الحبار + قطعة فلفل اخضر بارد + قطعة تفاحه + ربع بيضه مسلوق مره بالاسبوع قطع صغيره + حبيتين فول كل اسبوع مقطعه + نصف تمره طريه كل يومين


عاد انتي ومزاجك متى تعطينه فلفل وتفاحه وو

بس نصيحه لايكون البيض والفول بيوم واحد لأنه بروتين ثقيل عليه مو قادر يحرقه



برؤب

[BLACK KOKO]

اذكروا الله

……

ان شاء الله طيرك مافيه شيء
مرحلة تغيير الريش وراح تنتهي

انصحك بالغذاء الصحي
كالفاكهة والخضار

واجلسي مع الطير اطول فتره ممكنه باليوم

والف سلامه

[حب استطلاع]

أختي مس

مو كذا يكون جزاء من يحب مساعدة إخوانه

والموضوع مو مستاهل كل هالشد

أختنا أفادتك بإللي تعرفه

بإمكانك الأخذ بكلامها

أو شكرها على أقل تقدير

ولكن أن يصل الموضوع إلى حد الإنتقاص هذا مرفوض

[مس^^مس]

لو سمحت .. قفل الموضوع ..