الببغاء والصيفية !!!!

[دروب الوفا]

مرحبا
اشكركم كثيير على هذا المنتدى الصراحة اني استفدت كثييير
بس عندي سؤاال هاللحين حنا بالصيفية ومثل ماتعرفوا نوم بالنهار وسهر بالليل
المشكلة في ببغائي هو افريقي رمادي شريته قبل اسبوع واحاول اروضه واتعلم منكم الكثير
بس النوم مشكلة كبيرة هو يبدأ في النعاس من بعد المغرب ويصير كسول ومزاجه معكر
في وقت يكون الكل بالبيت مصحصح على الاخير وحابين نلعب معاه ونقرب منه اكثر عشان يتعود علينا وفي الصباح يكون مصحصح على الاخير في وقت حنا ذاهبين للنوم ويجلس لوحده حتى وقت المغرب ..
كيف اقدر اعدل نومه وهل هذا ممكن ؟ ابغاه يصحى معنا وينام معنا وخاصة انه ينزعج كثير منا وقت نومه لانه وقت الذروة عندنا اخترت وش اسوي له ؟ ياليت تساعدوني وتعطوني من خبرتكم
وشكرا كثييييييييييير لكم ..

[فارس جدة999]

شربو شاهي:88:

[انس المسعود]

اخوي حاول انه تنيمه نوم كافي يعني يكون ناين نوم كافي عشان يصحى نشيط ويلعب واذا ما نفع شوف شو عليه اعراض بجوز خمول او اي شي بس ما شر عليه ان شاء الله او اذا ما نفع اعرضه على طبيب بيطري ما يخوف عادي

[دروب الوفا]

اخوي حاول انه تنيمه نوم كافي يعني يكون ناين نوم كافي عشان يصحى نشيط ويلعب واذا ما نفع شوف شو عليه اعراض بجوز خمول او اي شي بس ما شر عليه ان شاء الله او اذا ما نفع اعرضه على طبيب بيطري ما يخوف عادي

هو مو مشكلته في الخمول ,, المشكلة في وقت نومه حابه اخليه يناام معنا ويصحى معناا
عشاان مايحس بالملل لوحده ..
وأنا لاحظت لما يناام على 8 المساء يكون الصباح نشيط ويغرد ويلعب حتى انه مايخاف ولايجعر علينا .. بس حنا في هذا الوقت نستعد للنوم ونتركه وحده ..
إذا في الإمكان انه يناام الصباح ويصحى بالليل يكون افضل له ولنا بس مااعرف وش السوات عشان كذا ؟

[ام ماجد]

لااااااا الطيور لا زم تنام المغرب وتصحى الفجر هذا الطبيعي ممكن تأخره كم ساعه معاك نمشيها بس تقلب نومه لا مايصير حرام يتعب
وحرام ماتقعدون معاه يتضايق وينتف ريشه خصص له ساعات الصباح او المغرب لو ساعه تقعد معاه وتلعبه وتعطيه من وقتك والباقي يكون بالصاله والناس حوله

[kha6ab]

انا طيوري تنام الصبح الساعه 7 - 8 وتصحى في العصر او المغرب .. مافي اي مشاكل


شوف ياخوي .. لمن بتجي تنام . قفل الانوار وغطي القفص بلحاف خفيف وخلها تنام معك .. < راح تنام

او انك انت تعدل وقت نومك

[محبـ‘الحيوانات]

kha6ab

[ابو شيخه 11]

شف انا افضل انت تعدل وقت نومك لان النوم الصحي بالليل لك ولطيرك

اما اذا انك بتجازف لجيت تنام غطه بقماش خفيف وطف النور وخله يناام لصحيت صحه معك ولا سهرره ما انصحك ابداً

[ابو الدره]

انا بغاناتي نسهر مع بض ونام مع بعض وبعض الاحيان هم يصحوني من النوم ونلعب ونسهر تبغى اعلم الحين اعلمك اول شي اذا بتنام نام بغرفه مافيها ازعاج يعني اهدا غرفه نامفيه و اذى جيت تنام دخله الغرفه معك وطفي النور وسكر الباب بعدين متصحا الاوهو صاحي معك واتمنا انه يسهر معك:)

[fawzi]

اكبر غلط انك تخلي الطير ينام وقت متاخر جميع الطيور في الطبيعه تنام عند غروب الشمس وتصحى عند بزوق اول الفجر وبعدين تاخذ قيلوله وقت الظهر هذا هو برنامج الطيور نصيحه اذا تبقي طيرك تكون صحته 100%100 اهتم فيه من جميع النواحي من يجي وقت المغرب خله في غرفه لوحده واطفي الانوار وقت الصبح اول الفجر طلع الطير بررره يتشمس لو نصف ساعه وقبل غروب الشمس برضو نصف ساعه الطير يحتاج التشميس كي يصنع فيتامين C

[دروب الوفا]

لااااااا الطيور لا زم تنام المغرب وتصحى الفجر هذا الطبيعي ممكن تأخره كم ساعه معاك نمشيها بس تقلب نومه لا مايصير حرام يتعب
وحرام ماتقعدون معاه يتضايق وينتف ريشه خصص له ساعات الصباح او المغرب لو ساعه تقعد معاه وتلعبه وتعطيه من وقتك والباقي يكون بالصاله والناس حوله

حنا مخصصين له ساعات الصبح يلعب ويغرد يعني على 8 او 9 نكون ناايمين
المشكلة بقية النهار يكون لوحده يعني من 9 حتى 7 المغرب وهو لوحده ولما نجي نلعب معاه
يكون داايخ من النوم ومزاجه معكر مو متقبل من اي شئ وكأنه طير ثاني عنا
عموما شكرااا لك على النصيحة

[rayan09]

أنا من رأيي تخلون الشغاله تلعبه وتونسه لين ما تصحون خخخخخخ

[دروب الوفا]

انا طيوري تنام الصبح الساعه 7 - 8 وتصحى في العصر او المغرب .. مافي اي مشاكل


شوف ياخوي .. لمن بتجي تنام . قفل الانوار وغطي القفص بلحاف خفيف وخلها تنام معك .. < راح تنام

او انك انت تعدل وقت نومك


عفوا بس انت اكثر من واحد ؟!!! يمكن عشاان كذا مستانسين مع بعض
الحل الاول راح اجربه بس خايفة علي مرة
شكرااا لك

[دروب الوفا]

شف انا افضل انت تعدل وقت نومك لان النوم الصحي بالليل لك ولطيرك

اما اذا انك بتجازف لجيت تنام غطه بقماش خفيف وطف النور وخله يناام لصحيت صحه معك ولا سهرره ما انصحك ابداً

يقولون تغطية القفص يعني عقوبة له !!!!
بحااول احطه بغرفتي واطفي النور وان شاء الله يمشي الحاال
شكرااا لك

[دروب الوفا]

انا بغاناتي نسهر مع بض ونام مع بعض وبعض الاحيان هم يصحوني من النوم ونلعب ونسهر تبغى اعلم الحين اعلمك اول شي اذا بتنام نام بغرفه مافيها ازعاج يعني اهدا غرفه نامفيه و اذى جيت تنام دخله الغرفه معك وطفي النور وسكر الباب بعدين متصحا الاوهو صاحي معك واتمنا انه يسهر معك:)

ان شاء الله يسهر معي ..
وشكرا على المعلومة افدني كثييير
كل الشكر لك

[دروب الوفا]

اكبر غلط انك تخلي الطير ينام وقت متاخر جميع الطيور في الطبيعه تنام عند غروب الشمس وتصحى عند بزوق اول الفجر وبعدين تاخذ قيلوله وقت الظهر هذا هو برنامج الطيور نصيحه اذا تبقي طيرك تكون صحته 100%100 اهتم فيه من جميع النواحي من يجي وقت المغرب خله في غرفه لوحده واطفي الانوار وقت الصبح اول الفجر طلع الطير بررره يتشمس لو نصف ساعه وقبل غروب الشمس برضو نصف ساعه الطير يحتاج التشميس كي يصنع فيتامين C

والله محتارة ونفس الوقت مابي اخسره او اكون سبب في هلاكه
شكراا لكم
وربي يعطيكم الف عاافية

[ابو نجد 999]

يخوي هذي طيور طبيعتها كذا لازم انت تعدل نومك اخوي مووووو هو علشان يكون على طبيعته واحسن لصحته واضم صوتي لخوي فوزي

[صوغة]

السلام عليكم

اللي يقول ينوم الطير معه بغرفته اشلون تنومه بالتكيييف؟؟

اقولكم نظامي مع درتي بالذات لاارتفع اذان المغرب اكون معشيتها على طول احرك القفص الى غرفه مافيها تكييف واغطي القفص بشرشف خفيف جدا واخلي باب الغرفه شوي مفتوح يمكن بمقاس الكف بس مفتوح عشان يدخل شي من تكيييف الصالة ويبرد الغرفه بشي معقول ..

وبعد أذان الفجر والصلاة أروح لها اكشف الغطا وأفطرها وانور الغرفه واتركها يكون القفص قريب من الشباك يطل على حديقه وطيور وحمام رايحه جايه تتسلى بمراقبتهم وعندها بالقفص مراية ياكثر ما اشوفها اتسولف مع نفسها بالمراية يعني الملل خفيف لين تيجي 8 الصبح أو 9 اسمعها تنادي ولا اتسولف أروح افتح باب القفص لها تلعب فوقه وارجع لها بعدين اخذها للغرفه بعد ما اطفي التكيف وتصير حرارة الغرفه معتدله ..

والساعة 2 الظهر ارجعها القفص واغطيه لين بعد صلاة العصر اكشف عنها عاد هالساعة تاخذ فيها قيلولة او تلعب او تسولف بكيفها المهم تظل بالقفص لحد اذان العصر ..

ويسلمووووووووو للمناقشة

[دروب الوفا]

السلام عليكم

اللي يقول ينوم الطير معه بغرفته اشلون تنومه بالتكيييف؟؟

اقولكم نظامي مع درتي بالذات لاارتفع اذان المغرب اكون معشيتها على طول احرك القفص الى غرفه مافيها تكييف واغطي القفص بشرشف خفيف جدا واخلي باب الغرفه شوي مفتوح يمكن بمقاس الكف بس مفتوح عشان يدخل شي من تكيييف الصالة ويبرد الغرفه بشي معقول ..

وبعد أذان الفجر والصلاة أروح لها اكشف الغطا وأفطرها وانور الغرفه واتركها يكون القفص قريب من الشباك يطل على حديقه وطيور وحمام رايحه جايه تتسلى بمراقبتهم وعندها بالقفص مراية ياكثر ما اشوفها اتسولف مع نفسها بالمراية يعني الملل خفيف لين تيجي 8 الصبح أو 9 اسمعها تنادي ولا اتسولف أروح افتح باب القفص لها تلعب فوقه وارجع لها بعدين اخذها للغرفه بعد ما اطفي التكيف وتصير حرارة الغرفه معتدله ..

والساعة 2 الظهر ارجعها القفص واغطيه لين بعد صلاة العصر اكشف عنها عاد هالساعة تاخذ فيها قيلولة او تلعب او تسولف بكيفها المهم تظل بالقفص لحد اذان العصر ..

ويسلمووووووووو للمناقشة

الف شكر على التوضيح الطريقة رائعة تشبه نوعا ما طريقتي بس انا ماطغي القفص
لاني سمعت انه يعتبر عقاب له
الف شكر مرة ثاانية :rolleyes:

[بريسكي]

انا كنت اعاني من نفس الحاله

اروح الدوام الساعه 7 الصباح وارجع 5 ونص المغرب
ويوم ارجع يكون وقت نومه

المهم اولها كنت لما ارجع البيت اقعده نص ساعه وانومه
وبعدها صرت اخليه يسهر للساعه 8

والآن انومه الساعه 10 او 11 بالليل واصحيه الساعه 7 الصبح اروشه وحطه عند العائله او احيانا اخليه نايم للظهر

يعني انتي شوي شوي تعوديه على كيفك بس اهم شي اذا خليتيه يسهر لا يطفش لازم تلعبيه ولا تحسسيه بالملل

لكن الافضل ان يكون اكثر وقت نومه بالليل

تقبلي مروري

[دروب الوفا]

انا كنت اعاني من نفس الحاله

اروح الدوام الساعه 7 الصباح وارجع 5 ونص المغرب
ويوم ارجع يكون وقت نومه

المهم اولها كنت لما ارجع البيت اقعده نص ساعه وانومه
وبعدها صرت اخليه يسهر للساعه 8

والآن انومه الساعه 10 او 11 بالليل واصحيه الساعه 7 الصبح اروشه وحطه عند العائله او احيانا اخليه نايم للظهر

يعني انتي شوي شوي تعوديه على كيفك بس اهم شي اذا خليتيه يسهر لا يطفش لازم تلعبيه ولا تحسسيه بالملل

لكن الافضل ان يكون اكثر وقت نومه بالليل

تقبلي مروري

طريقة حلووة بس احيانا يكون متعب في الليل وماله نفس لاي شئ
ومعصب ومايبي احد يقرب من قفصه عشاان كذا انومه على 9 وعلى 5 الفجرية الاقيه صااحي لوحده ويصفر عشاان نطلعه من غرفة النووم
عموما كل الشكر اخوي على نصيحتك :rolleyes:
الله يجزاك الف خير