استفسارات عن السنجاب (الشوقر قلايدر)

[عاشقة القطط$]

انا اخطط اني اشتري سنجاب (الشوقر قلايدر)

وعندي استفسارات عنو


1- انا اسكن في مكه ممكن تدلوني على محل يبعي (الشوقر قلايدر) فيه واذا مافي في مكه قولولي عنوان محل في جده بس الافضل مكه والرجاء الرد بسرعه لاني يمكن اروح بكره جده

2- كم سعر (الشوقر قلايدر) في مكه او جده

3- ايش افضل عمر اشتري في (الشوقر قلايدر)

4- كم سعر القفص الي اشتري له وكيف تكون مواصفاتو

5- وين اخلي يسوي حاجتو وكيف انضفها

6- وكم اسعار الاشياء الي يحتاجها العاب- والدولاب الي يدور- الاشياء الي نحط فيها الماء والاكل

7- وايش اخلي ياكل ومتى مواعيد اكلو

8- وانا عندي بسه في الحوش البسه رح تائذي ولا لا

10 - ومتى موعد التزاوج وكم يكون العمر وقت التزاوج وكيف اعرف انو يبايتزوج

11- واقدر اخلي مايتزوج

12- وايش احسن اجيب انثى ولا ذكر لاني شايلى هم التزاوج

13 - واقدر اخلي يستحم وكيف انضفو وايش هيا طريقة الاستحمام
14 - انا سمعت انو ماقدر اخلي يستحم صح ولا لا
واذا صح كيف انظفو يعني

عارفا انو اسئلتي كثيره بس لازم اعرف هاذي الاشياء قبل مااشتري:shy:

[بن و هيل]

والله ما اعرف غير جواب سؤال واحد خخخخخخخخخـ ينباع فجدهـ .. وشفتوا شكلو يجنن

نشيييييييييييط ما عندهمـ غير واحد

[عاشقة القطط$]

ثنكيووووو على الرد استفدت كثيييييررررر

[مهووس الحيوانات]

أقدر أجاوب على السؤال الثامن بس :D

نعم أتوقع ان القطوة ممكن تئذيه لأن من طبيعتها تلاحق أي شي صغير يتحرك و تفترسه لو كان حي

فأكيد بتئذيه حتى لو ما قتلته

مهما كانت أليفة ما أتوقع انك تأمنين عليها لأنها مو مثل الكلب وفية :D ولو اني أفضل القطط على الكلاب بس الكلاب تتغلب بقوة في هذي النقطة

=-=

و بالنسبة للقفص أتوقع لازم يكون كبير و يكون أطول شي فيه ارتفاعه عشان يقدر يتسلق و يطلع فوق

غير كذا ما أعرف :D

و ان شالله تلاقين أجوبة تساعدك أكثر

[عاشقة القطط$]

ثنكيووووووو افدتني كثيير

[nem0]

2- كم سعر (الشوقر قلايدر) في مكه او جده
-
هو سعره غالي بس أعتقد إنه ينباع ب800-1200 الجوز لاني سألت عنه آخر مرة وكان كسعره كذا

3- ايش افضل عمر اشتري في (الشوقر قلايدر)
هو يعيش 20 سنة على حسب ما قرأت لكن من الأفضل إنك تجيب زوج بالغ لان الصغار يحتاجوا عناية

4- كم سعر القفص الي اشتري له وكيف تكون مواصفاتو

بصراحة سعره يكون غلي شوي إسأل عنه في المحلات اللي عطيتك عنوانها ومواصفاه تكون مثل اللي بالفيديو


xqbcmxAtEO4


5- وين اخلي يسوي حاجتو وكيف انضفها

الأقفاص اللي تشتري لهم تكون زي في صحن تحت يجمع فضلاته وأنت في النهاية تفك الصحن وترمي الفضلات وتنظفه وتحطه ثاني وبس

6- وكم اسعار الاشياء الي يحتاجها العاب- والدولاب الي يدور- الاشياء الي نحط فيها الماء والاكل

i`d uh] هذي عاد إسألي عنها بس أغلبها مو غالي مرة هذا فيديو يبين حجيات الشوقر قلايدر
VOug91ZD8-8
yQ1liGO2phI


7- وايش اخلي ياكل ومتى مواعيد اكلو

حتاج الشوقر قلايدر في الأسر إلى توفر هذه المواد في طعامه ثمار خضار بروتين ألبان, يفضل أن يكون صحن الغذاء أن يكون ثقيلا مثل الخزف, يفضل أن يكون مكان صحن الغذاء مرتفعا فهذا سيريح الشوقر قلايدر عند تناول الطعام, يجب إطعام الشوقر قلايدر مرتان يوميا مرة في الصباح ومرة في الليل, يأكلالشوقر قلايدر: التفاح , الموز , البرتقال, المانجو الخس,السبانخ,جزر,بازلاء,فاصوليا...إلخ
مشمس,عنب,الكوجا,الأفوكادو...إلخ
يجب على طعامهم أن يكون طازج غير معلب وغير مجفف, البروتين يجب أن يقدم على شكل اللحم أو البيض ويجب أن يكون مطبوخ جيدا ومقطعا قطعا صغيرة, وأيضا منتجات الأبان مصدر أخر للبروتين , تحب الشوقر قلايدر أكل البندق وحبوب دوار الشمس المخططة, وأيضا يمكن تقديم الطعام الحي كمصدر ممتاز للبروتين مثل الصراصير والجنادب والفئران الرضيعة الصغيرة جدا (البنكي) , إن تقديم الماء أمر ضروري بالرغم من أن طعامه يحتوي على كثير من الماء ويجب تقديم الماء عى شكلين الأنبوبة المخصصة للهامستر وأيضا صحن خزفي صغير.



8- وانا عندي بسه في الحوش البسه رح تائذي ولا لا

أنت لا تطلعه إلا وأنت معاه ولا تتركه برا القفص إلا تحت مراقبته لأنه ممكن يهرب وإذا بيلعب خله يلعب في قفصه والبسه ما هي جاية جمبه وخطر جدا غنك تحطه في الشمس لأنه راح يموت


10 - ومتى موعد التزاوج وكم يكون العمر وقت التزاوج وكيف اعرف انو يبايتزوج

قبل التفكير بالإنتاج من الشوقر قلايدر يجب عليك التأكد من تجهيز المكان الملائم والمناسب.
سوف تحتاج إلى قفص كبير مناسب, ويجب تزويدهم بصناديق العشعشة الكبيرة, يتزاوج الشوقر
قلايدر طوال السنة, تلد الإنثى بعد16 يوما تقريبا , يبلغ الشوقر قلايدر في عمر 14 شهرا.
ينتج الشوقر قلايدر2-3 صغار في السنة, تقتح الصغار عيونها في 8-10 أيام تقريبا, وتفطم الصغار
في 5أشهر تقريبا.

11- واقدر اخلي مايتزوج

هذي عاد ما أعرف لها بس لو تبغينه ما يتزاوج خله الأنثى لحالها والذكر لحاله على ما أعتقد

12- وايش احسن اجيب انثى ولا ذكر لاني شايلى هم التزاوج

لو تبغين غنتاج ممكت تجيب زوج ولو ما تبغا ممكن تجيب أنثى

13 - واقدر اخلي يستحم وكيف انضفو وايش هيا طريقة الاستحمام

إستحمامه زي اللي بالفيديو
51bp4oj3RH8

14 - انا سمعت انو ماقدر اخلي يستحم صح ولا لا
واذا صح كيف انظفو يعني

زي ما قلت لك

[عاشقة القطط$]

ياااااااااااااي كل اسئلتي جاوبتها شكررررررررررررررررررررررررررررررررر

مدري كيف اشكرك

شكررررررررررا

[nem0]

أنا تحت أمر أي عضو في منتداي تو زوو الغالي

[عاشقة القطط$]

شكرا مره ثانيه انا اذا وافقو اهلي رح اشتري اكيد هذا احلى واحسن حيوووووان شفتو بحياتي كلها

ادعولي يااعضاء انهم يوافقو

[عاشقة القطط$]

ممكن تقولو لي اسعار الشوقر قلاد في جده ومكه ضرووووري

[sul6an-3li]

والله ما اعرف غير جواب سؤال واحد خخخخخخخخخـ ينباع فجدهـ .. وشفتوا شكلو يجنن

نشيييييييييييط ما عندهمـ غير واحد

اخوي انا من جده :D من اي محل اخذته؟؟؟:):12: