لا تتردد بالدخول تفيد او تستفيد

[بريسكي]

السلام عيكم ورحمة الله وبركاته

ببغائي ( بريسكي ) افريقي لم اضع له اي لعبه في قفصه
والنتيجه انه كسّر الخشبه اللي يوقف عليها حفرها تحفير

فبماذا تنصحوني يا اهل الخبره


1 ) هل من الافضل ان اضع له العاب ؟
2 ) وماهي الالعاب الاكثر متعه بالنسبه للببغاء ؟
3 ) واين اضع الالعاب = المكان الصحيح للعبه يعني داخل القفص ولا خارجه على الستاند ؟
4 ) وماهو الافضل ان يكون خام اللعبه حديد / خشب / بلاستيك ؟

واذا امكن ان تضعو لي صور لنماذج من الالعاب


ربي يوفقكم ويسعدكم يارب وتكون الاستفاده لي ولغيري من الاعضاء الجدد في عالم الببغاء

لكم مني كل الاحترام والتقدير

[عـــاشق الكاسكو]

مثل حالة واحد من طيوري
اخوي حاول تلهيه حط له العاب خله يتسلا فيهم وينسى التكسير
اللعبه موقعها عندي الاحسن في القفص
اللعبه الاحسن تكون من خشب
اخوي هذه الطريقه اعجبتني صراحهه بس انا ناقلها من احد الاخوان الله يحفظه
انك تجيب خيط بشديد يعني قوي
وتربط في الخيط الحلقات حقت الستاره
والله نسيت رابط الموضوع

[*هاوي البادجي*]

هلا اخوي طيرك زهقان فجذي يكسر الخشب انا انصحك

تجيب العاب تعلقها داخل القفص تكون خشب على شان يكسرها ويستانس عليها وينسى تكسير المجثم الي يوقف عليه

تحياتي لك

[دروب الوفا]

نفس السؤال كان ببالي ,,,,,
ياليت احد يرشدنا على العاب او اشياء ممكن نضعها داخل القفص ماتضر الببغاء ويتسلى فيها
وعلى فكرة في موضوع في هذا القسم عن افكار لألعاب الببغاء لكن للاسف الصور مو ظااهرة !!!!!!!
مين صنع لعبة او اشترى لعبة لببغائه ينزل صورتها او يعطينا اسماء محلات تبيعها او يعطينا من الافكار اللي استخدمها
ولكم جزيل الشكر .......

[بريسكي]

اخواني عاشق الكاسكو . هاوي البادجي . دروب الوفا
مروركم نور صفحتي الله يعطيكم الف الف الف عافيه

ياعاشق الكاسكو
حلقات الستاره غالبا تكون حديد لكن انا بحاول انشالله اني اجيب حلقات خشب والعاب خشبيه

الله يوفقكم

تحياتي