ببغائي الجديد.. ماذا يريد .. مقطع فديو

[Hmoodi55]

السلام عليكم ..

الببغاء له يومين عندي وكل ماشافني قام يطلع هالصوت ولو لساعات واذا خليته لحاله اسكت

لاهل الخبرة من يعرف ماذا يريد من هذا الصوت؟

http://www.youtube.com/watch?v=2gqPv9vNw6w

[Mariama]

يبا حنان p:

[صوغة]

صغيروووووووووون الله يحفظه لك نفس ميشو اول ماشريته

يطلع هالصوت مو مرتااح لجلسته ولا لوضعه فاقد له غالي يمكن تو اخذوه من امه

واذا تركته لحاله يسكت يعني يبي يظل لحاله

وبما انه صغيرون وجديد خليه اغلب وقته بالقفص حتى يتعود عليكم بس اجلس معه سولف وكله

واضح انه اليف بس مستغرب المكان والناس شوف الوضع الي يريحه وخليه ايام عليه

انتبه له من التكيف لاتحطه بغرفه فيها تكيف نهائي

لانه صغييير ومايستحمل اي برودة او اي تيااار

الله يحفظه لك يارب

[*هاوي البادجي*]

يا هلا اخي


اذا طيرك حتى اذا كان بالقفص وانت جيته يطلع هذا الصوت يعني باي مكان


فهذا دليل على انه يحبك ييبك تمسح على راسه وتطلعه على ايدك بس اذا مو موجود يسكت

وها نفس كوكي اذا شافني فرش جنااحه ويطلع صوت فرروخ دليل حبخ لي يعني يبي منك حنان وتحسسه انه امك او ابوك


تحياتي

*فواز*

[أبو رآكان]

مششأإء الله ..
لـسعَ فرخ ..

اللـه يخليـةة لك ،

الصـوٍت كأنه مستغرب المحـلَ ..

حأول تخلية اغلب الوقـت لحألهَ ..
لمدة ثلأث ايامَ ..
عطه مضأد حيويَ ..

انت بنفسك غير لـه الأكل والشربَ ..
اذا جيت تغير لـه الاكـل صفر لـه وسولف لـهَ

في البدأية لأ تحاول تعطية اطعمة جديدة ..
خلـه يولف على المكأن اول

موفـق يا غأإليَ ..

تحيأإتي لكَ

[بده]

اخوي لعلاج هذه الحاله خذ سجادة صلاه وحطه في حجرك وضمه وخله يحس بل الحنان فتره قصيره وراح يزول عنه الصوت

تقبلل مروري

[ابوريم1]

اخوي ماشاء الله تبارك الله
الله يبارك لك وانا خوك ويتربى بعزك
اخوي انا اشوف ان طيرك والله اعلم هولندي ...اذا كلامي صح فترى عادي ماعنده مشكله لان الهولندي يتربى بمزارع بالمختصر هو كذا صوته لانه ولوف ...ومايجعر زي الافريقي .
بس انصحك لوجه الله تنتبه له لان الهولندي مو زي الافريقي .
الافريقي يصيدونه من الغابات وجلللف ..الهولندي قلت لك مزارع يعني تربيه خاصه يعني اهتم في الطير ولا يروح منك ...

والله اعلم

[ابو محمــد]

اثبات وجود وهيمنة فقط لا غير

بالتوفيق.

[Hmoodi55]

الف شكرMariama على مشاركتك وردك

الف شكر صوغه ونصايحك محل الاهتمام الف شكر

اخوي الكريم فواز مشكور على مشاركتك وفعلا اذا جيته وقربت له اخترش وبدا يصفق بالقفص لين اطلعه واذا ابعدت عنه اسكت


اخوي الكريم ابو راكان مشكور وماقصرت نصايحك محل اهتمامي وتوجيهاتك محلرالتقدير. بالنسبة للمضاد الحيوي وش طريقتهوبالضبط وهل يصلح له وهو صغير؟ وكيف طريقة استخدامه؟ بيني وبينك انا كان عندي هولندي ومات فجأه ومابي تكرر. الف شكر

بده شكرا على ردك واقتراحك محل اهتمامي

اخوب مدرب البادجي شكرا على ردك ونصيحتك. نوعت له بالاكل وعطيته بطاطس مسلوق واستفرغ الطير. ما ادري وش الطعام المحضور عليه؟

الكريم ابو ريم كلامك صحيح هو هولندي. وكان عندي هولندي ومات. ياليت تتكرم وتنصحني بنوعية الاهتمام اللي ممكن اوليها الطير وبالتالي يسلم من الموت الف شكر على ردك وبانتظارك

ابو محمد الف شكر وماقصرت


الف شكر علي ردودكم ومنكم نستفيد
*

[ابوريم1]

الشهادة لله انا مااقتنيت هولندي كل الي عندي افريقي ..لانه زي ماقلت لك الهولندي مربي في عالم خاص درجه حراره محدده ومدروسه اكله منظم ..اما الافريقي متربي بغابه ومعتمد على نفسه في اي شي يبيه حتى لو مالقى اكل تلاقيه يتغذا على اي شي ممكن يلاقيه وتلاقيه في جو مره حار ومره ممطر يعني ماتفرق معه .
وللاسف مااقدر افيدك بنصيه لاني ماربيته قبل كذا , بس ممكن تاكله مع الفصفص واللوز فواكه واهم شي تكون مغسوله ونظيفه عشان الاسهل اكرمك الله .
انتبهله من المكيف لاتروشه وتحطه بجو بارد ولا تروشه وتقول باطلعه برا ينشف, الافضل انك تسيبه في مكان الترويش وهو ينشف بنفسه . والترويش بمويه معتدله .
لاتخليه بين البزوره لانه لسع فرج ممكن يجننوه وهو بطبعه الهولندي ضعيف .
لاتحاول تاكله شي غصب عنه لانه ممكن مايقل هذا النوع من الاكل (الببغاء زي الانسان لكل واحد شي يفضله )
والاهم تنظيف القفص انا انظف القفص بمويه وديتول او العملاق الاخضر ..غشان الجراثيم الي تيجي من برازه) وكمان صحن الاكل والمويه ممكن كل يومين او ثلاث تنظفها مع الدعك عشان الافرازات الي تطلع من الريش والفم .
والكلام كثير ...ابحث في النت وبتلاقي ان شاء الله
واذا فيه اي استفسار ماشاء الله الشباب مايقصرو .

[محمد التميمي]

ماشاء الله عليه يتربى بعزك
اذا ممكن سؤال
بكم شريته ومن وين
واذا كان بخاطرك تبيعه قلي بكم تبي فيه
والله يوفقك
وانتبه من الحر (مات طيري بسبب الحر)