شو نوع الببغآء.. وليش يعض ؟؟

[yes_lol]

السلآم عليكم و رحمة الله و بركاتهـ ،،

اشحآلكمـ ..

عندي ببغاء بس مب مالي بس رآح أهتم فيه لأنه صآحبه رآح يسآفر

من أقرب ايدي صوبه كله يعض .. و لما أقرى الجريدة بعد يعض صفحات الجريدة.. ليش؟؟

هل لأنه مب متعود علي :confused:.. للعلم هذآ أول يوم له عندي

وو بغيت أعرف نوعه.. و كم عمره.. و شو جنسه ؟؟

هذي صوره

http://img232.imageshack.us/img232/5440/54606139.jpg

http://img339.imageshack.us/img339/3526/29189771.jpg

http://img98.imageshack.us/img98/5968/27900717.jpg

[صوغة]

وعليكم السلام

هذا ببغاء الدرة

ومنقاره غريب بس يمكن عمره حوالي أقل من السنة بشوي ا وماتقدر تعرف نوعه ذكر او انثى الا بعد 18 شهر من عمره

وهو عضاض ومزاجي وعنيد ويخاف من كل شي ومن كل حركة مفاجئة ويعضض الجريدة لانه يحب يلعب بالاوراق بس انتبه لا اتخليه يعضها الحبر الاسود راح يضره حتى لو تشوفه يقطع ويرمي راح يدخل شي من الحبر لجوفه

واذا يقرب من الجريدة وهي عندك معنااه نوعا ما اليف

انتبه له من تغيرات درجات الحراره المفاجئة
وسولف معه راح يكسب منك كلمات ويفاجئك بنطقها

اتمنى اكون اجبتك على اسئلتك

[Octopus]

يمكن الببغاء جديد على البيت يا الغالية
و اهتمي فيه كونه امانة من صاحب الطير:)

[yes_lol]

صوغة
أنآ كنت أخليه يعضض الجريدة بس الحين طبعـآ رآح أبعده عنهـآ

يعني ممكن يتكلم لو علمنآه.. أنأ كنت أتحرى الأفريقي و الغيني بس اللي يتكلمون
بالإضافة إلى سوالفي عنده.. ممكن بعد أحطه عند المرآيه و أشغل له مسجل..بيلقط الكلام؟؟


مدرب البآدجـي
شكلنآ جيه زاعجينه
من أول مآوصل البيت مآخلينااه ف حاله مسكييين خخخ

Octopus
فعـلآ يمكن لأنه مو متعود علينا
أكيــــد الغآليه رآح أهتم فيه عسب جيه يييت أسألكم ^^


يا في بالي أسئلة أخرى ،،
شوو أعطيه غير الفلفل والفليفلة و الحب ؟؟
و الساعة كم أرقده.. هل لازم تكون الغرفة ظلام.. وعادي ينام تحت المكيف ؟؟

[بصمات الزمن]

يا في بالي أسئلة أخرى ،،
شوو أعطيه غير الفلفل والفليفلة و الحب ؟؟
و الساعة كم أرقده.. هل لازم تكون الغرفة ظلام.. وعادي ينام تحت المكيف ؟؟



\\

اظن افضل من يجاوب على هالاسئله هي الاخت صوغه ولكن بقول بخبرتي اللي عندي


كل الخضار والفواكه زينه للدره وكمان المكسرات

ويستحسن انو ينحط الطير بمكان معتدل وهادي ومظلم للنوم من المغرب للفجر عشان يكون رايق ومبسوط

المكيف مباشرة بيسبب للطير المرض لاقدر الله لذلك بعدوه عن التكييف على الاقل ما يكون بوجه هوا المكيف لو كان الجو حار جدا

دا اللي عندي واتمنى توجيه اي اسئله بخصوص الدره للاخت الغالية صوغة

[بصمات الزمن]

--------------------------------------------------------------------------------

[شاقي]

ما شاء الله تبارك الله

اخوي هذا فرخ رده من عينه لونها رمادي

على العموم هو لسى ما تعود عليك وبعدين افضل شي يكون فرخ للتدريب

[yes_lol]

بصمات الزمن
أشكرك أخوي ع الافآدة ^^

وننتظــر رد الأخت صوغة مآشآلله عليهآ شكلهـآ خبيـرة في هالأمور


شـآقي
آهاا يعني من لون االجفون ينعرف العمر
ع طاري العيون.. أحيانا البؤبؤ يتسع ويضيق مع اني ماغيرت الاضاءة ..
هذا عادي ولآ نآتج عن خوفها كونهآ مآمتعودة عليه؟

ان شآلله بحآول أدربهـآ ^^

[الدلوعهـ]

هما كده الببغانات يحبو يستهبلو شوية بس واضح انو حقك دا بالمرره عضتو ماتعور اما الي عندي ياشيخ يجرحك وكماان بيطلع عنووونك لقدااام خمسة متر واخلاقو قافلة برضو
ماادري ايش اقولك يقولو يبغالو ترويض وكده تقدر تشوفها في اليوتيوب الله يعينك عليك بس عن نفسي انا خلاص ماابغى اروضو ولا حاجة كفاية عضاتو الي فيني

[N-HK]

شوو أعطيه غير الفلفل والفليفلة و الحب ؟؟

روح اي محل طيور .. وقله اعطيني حبوب للببغاء الدرهـ
وكل اسبوع اعطيه خضار وفواكه


و الساعة كم أرقده.. هل لازم تكون الغرفة ظلام.. وعادي ينام تحت المكيف

ينام 10 - 12 ساعة .. وينام في غرفه مظلمة وهادئه
وبعدهـ عن المكيف .. وخليـــه بجو معتدل

وغطي القفص بلحاف خفيف لاكن لاتكتمه

[N-HK]

يعني ممكن يتكلم لو علمنآه.. أنأ كنت أتحرى الأفريقي و الغيني بس اللي يتكلمون
بالإضافة إلى سوالفي عنده.. ممكن بعد أحطه عند المرآيه و أشغل له مسجل..بيلقط الكلام؟؟


ممكن يتكلـــم .. لاكن صعب شوي واذا تكلــم الكلام مايطلع واضح

اذا تبي ببغاء يتكلم ... مافي مثل الكاسكو و الامزوني

[جــود]

الان مانقدر نحدد جنسه اهو فرخ لسى
يمكن تحديد جنسه بعد مايكمل 8 شهور



ع طاري العيون.. أحيانا البؤبؤ يتسع ويضيق مع اني ماغيرت الاضاءة ..
هذا عادي ولآ نآتج عن خوفها كونهآ مآمتعودة عليه؟
هذه نتيجه الذكاء هذا الشي يدل انه وايد ذكي الله يحفظه

ان شآلله بحآول أدربهـآ ^^

الله يوفقك

اخوك احمد

[abody18]

http://www.youtube.com/watch?v=AphxvaGltC8

نفس نوع الببغاء الي عندك
شوف المقطع يتكلم وبصوت وااااااااااضح

[yes_lol]

مشكووورين مآقصرتوآ.. وآآيد استفدت منكم ^.+

ربي يعطيكم العآفية ^^