الكاسكو مايصفر + مساعدتي في تحديد جنسه !

[QgiiiJI-pJLc]

السلام عليكم ورحمة الله وبركاته
عندي كم استفسار
اشتريت ببغاء كاسكو له اسبوع اذا قربت منه جلس يجغر
وطول الوقت ساكت وهادئ وماله اي صوت ولا يصفر والاعبه واحط له الآكل واكلمه لكن مو معطيني اهتمام
اعطيته فواكهه والحب الشمسي ونوعت له بالأكل واشتريت له كل اكسسوارات من كلس ولعبه . .
وانا مااعرف جنس الكاسكو اللي عندي ولا اعرف كم عمره ؟
وبديت معاه امسح على رأسه شوي شوي اليوم وشغلت له كذا مقطع لتصفير الكاسكو لكن ساكت طول الوقت
ايش اسوي معاه عشان يبدء يصفر او يطلع اصوات المهم يكون له حس ؟
هههههه حتى الفلفل اعطيته وماله صوت :(


وهذا صورة العين مدري اذا تقدرو تحددو لي جنس الكاسكو وعمره
وش اسوي معاه حتى يصفر ويطلع اصوات

http://www.mazameer-up.com/uploads2/13119135891.png

[ابو محمــد]

اشتريت ببغاء كاسكو له اسبوع اذا قربت منه جلس يجغر


طير غير مروض وجديد على البيت والمربي وعمره فوق السنتين تقريبا

كل هذه العوامل كافية انه ما يتكلم وممكن ياخذ شهر والوضع طبيعي جدا

الصبر ثم الصبر واسبوع غير كافي

بالتوفيق.

[عبدالعزيز العتيبي]

صورة العين مو واضحة .. لكن يبدولي انه تعدى السنة ونصف

والجنس مااحد يقدر يأكد لك جنسه الا تحليل الـ dna

وبخصوص انه مايصفر ويجعر :

الطير الى الان ما اخذ على المكان اللي عايش فيه ولا توالف معك .. ومدة اسبوع قليل جدا اذا كنت مبتدئ بالتدريب والترويض ،،

اكرم الطير واتركه يأخذ على المكان اللي عايش فيه .. وحاول تتقرب منه بالتدريج .. يعني الفترة هذي لا تحاول تطلع الطير من القفص ولا تعطي الطير اكل من يدك ،،

بعد اسبوع ابدأ بتقديم الاكل بيدك للطير .. اذا حصلت تجاوب منه استمر بذلك .. واذا العكس وقف وحاول باليوم الاخر ..


بالتوفيق

[*هاوي البادجي*]

اخوي طيرك

ذكر

على حسب التدقيقات اكتشفت انه ذكر واذا تبون دليل شوفوا عينه وماراح ازيد كلام بس طبعا الافضل للتأكد تسوي له فحص DNA اذا تبي العمر الصجي

وعمره والله مو واضح عندي صور صورة اوضح وسوف نعطيك العمر التقريبي



والطير واضح انه خايف من البيت ومن الاجواء

لا تغيير عليه المكان خله شهرين 3 اشهر بيرتاح وما راح يسكت ببيتكم وحط له مقاطع كل يوم عند الشروق والغروب وسوف يحس بالامان وتشوفه يصفر ويرتاح

واذا تبي طريقة الترويض كلمني على الخاص

وبالتوفيق


تحياتي

*فواز*

[آبوعبدالمجيد]

زي مآقآلو لك الاخوان اسبوع غير كافي

ومن صورة عيونه باين انه تعدى الاربع سنوآت :)



وبالنسبه لـ جنسه مآتقدر تحدده شوف إذآ برجله في حلقه

وطبعا اضن ان حلقة الذكر ذهبيه وحلقت الانثى فضيه

وإذآ مآفي آنطلق لتحليل الـ dna:rolleyes:

تقبل مروري بروح رياضيه ..هع :D

[kha6ab]

خليــه بالقفص . لمدهـ اسبوعيــن إلــى ان يعتاد على اجواء البيــــت

وكل يوم قرب منــه .. عشان يتعود عليك

اما الجنس .. مو مهــم تعرفه ... . ولايمكن تحديد جنسه الا عن طريق فحص DNA

العمـــر < الصوره ماظهرت لي



على حسب التدقيقات اكتشفت انه ذكر واذا تبون دليل شوفوا عينه

وش فيها عينه ؟ :D

[QgiiiJI-pJLc]

واذا تبي طريقة الترويض كلمني على الخاص

وبالتوفيق




*فواز*


اخوي فواز مااقدر اراسلك على الخاص مجموع مشاركاتي مايسمح
اذا تقدر تعلمني الترويض هنا اكون شاكر لك . .

توقعته صغير من 6 - 8 شهور
لكن الاغلبيه يقول انه كبير يعطيكم الف عافيه على سرعة التجاوب مالي الا الصبر : (
ان شاء الله خير

[*هاوي البادجي*]

http://www.2zoo.com/vb/showthread.php?t=227081

هذا رابط موضوعي للترويض بس طيرك كبير يعني يبيله صبر قوي قوي قوي



تحياتي

*فواز*