معركه فى الحوض؟!!!!!

[خبير الحيوانات جميعا]

انا حاطط ذكر فايتر مع انثى صغيره وكانو مع بعض عادى لكن من ساعت مبدا موسم التزاوج فى الربيع بدا يعضها ويضربها وسالت قلولى عايزها تبيض علما انه قاطع حتت من الزعانف!!! وبعد ذلك عز لتها ثم فوجئت ان الانثى بها بيض ولاول مره !!!!!! فرجعتها تانى للذكر بقى يفرد خياشيمو ويجرى ورائها وعايز يعضهاوبيقطع زعنفها؟؟؟؟؟:eek: علما ان الذكر بيعمل عشه والانثى بها بيض فما المشكله:confused:

[redshark]

اخي اعزل الانثى حتى ينتهي الذكر من عمل العش وفي هذه الاثناء اطعم الانثى بالدود الحي ولما يكمل الذكر عمل العش ضع له الانثى وراقب حتى يتم التبويض وقم بعزلها مجددا واترك الذكر مع البيض

[خبير الحيوانات جميعا]

شكرا على الرد يا اخى وربنا يكتر معلوماتك

[عميد]

والله يا اخي دوبي داخل المنتدى وابا اسأل نفس السؤال
لكنك سبقتني ما شاء الله عليك
وعندي استفسار
بالنسبة لتكوين العش
ما هي المواد التي يجب ان تتواجد في الحوض حتى يُـكون منها الذكر العش
هل اضع اوراق نبات ميتة ام ما ذا ( لاني مبتدا جداً يا اخوان )
علما اني واضع
ذكر وانثى الفايتر في حوض صغير لحالهم بغرض جعلهم يتزاوجو
وشكرا لكم

[سامح حمود]

مشكورين اخوتي الكرام

على التوضيح http://www.lovepostcards.net/288100 ;))))))))))))))))

[خبير الحيوانات جميعا]

ضع قطعه فل اونباتات طافيه على الماء طبيعيه او صنا عيه ولكن الفل احسن

[خبير الحيوانات جميعا]

الموسم هو الربيع وهذا ممكن تتحكم فيه انت بنفسك لان الحوض ملك لك وليس ملك للطبيعه بمعني ممكن تذود فطرت النهار تقللها كدا

كيف اعرف ان الانثى مستعده للتزاوج


دى صوره انثى غير جاهزه



ودى صوره انثى جاهزه لوضع البيض لاحظ بطنها وقارن الفرق مع الانثى الغير جاهزه






حوض التفريخ
كلما صغر حوض التفريخ كلما سهل على الذكر السيطره على الموقف بالنسبه لتجهيز العش وتعصير للانثى والعنايه بالبيض والصغارواهم حاجه انه مايكونش حوض عريض فالعش يتهد او غويط فالدكر هو اللى يتهد من الطلوع والنزول خلف البيض او الفقس (من 25 سم الى 40 سم مناسب جدا)

المياه
المياه لازم تكون قديمة علشان المياه الجديدة موش كويسه على الفيتر وبتسبب أذى لجهازة التنفسى وكمان الفايتر اساسا بيعيش فى مياة راكدة وقدم المياه بيعطيه احساس بالامان والارتياح واحساس بالتواجد فى بيئته الطبيعيه.

يعنى ايه مياه قديمه
لو عندك جيركن كبير ونظيف املاه مياه من الحنفيه واركنه اسبوع او اتنين يبقى عندك احتياطي مياه قديمه تستعملها وقت ما تحتاجها


وفيما يلى خطوات عمليه التفريخ:

اى ذكر فايتر مكتمل النمو ووضع وحدة فى حوض ليس به تيارات مياه قويه يكون جاهز للتزاوج وبالنسبه للانثى فتكون ممتلئه البطن ويلاحظ وجود انبوب ابيض صغير كعلامه على استعدادها لوضع البيض.

التفريخ يتم فى حوض صغير الحجم زى اللى سبق ذكره وطبعا بنحاول عند تفريخ اى سمكه محاكاة بيئتها الطبيعية من درجه حرارة وتركيبه المياه ودرجه الملوحة......الخ علشان كدة لازم مياه قديمه لان الفايتر اساسا بيعيش فى مياه راكدة ومستنقعات.

درجه الحرارة المناسبه 28 درجة مئويه, وتركيبه مياه النيل من حيث الملوحه والقلويه والعسر ما فيهاش مشاكل تستاهل التدخل.

يوضع الذكر فى الحوض ولتسهيل عمليه بناء العش عليه يوضع بعض النباتات الطافيه (طبيعيه او صناعيه متفرقش) او قطعة فل او اى حاجة الراجل يبنى عش زوجيته بيها اما حجم العش فا موش مهم المهم كثافته والاهم هى كفائه الذكر وتفانيه فى رعايه اولادة.

بص باه سر حربى انا شخصيا بسميه الخطه قطه: معظم الزيجات الفيتريه بتفشل والمرحومه الزوجه لو اتكتبلها عمر بتحتاج معجزة علشان ترجع سمكه تانى لان احنا بنحطها فى الحوض بعد الذكر ما يبنى العش ودى بتكون اكثر لحظات عمره عصبيه وفى اغلب الاحيان العلقة المميته اللى بتاخدها الانثى بتكون خناق موش عمليه التعصير( نزول البيض) علشان كدة لازم الخطه قطه وهى ان احنا نحط حضانه صغيرة او دورق او برطمان فى نفس حوض التفريخ ونحط الانثى فيه يومين تلاته علشان ندوب التوتر شويه (مياه البرطمان او الحضانه تكون من نفس الحوض ولو مخرم يبقى احسن واحسن)

اول ما بناء العش يكمل واعصاب اخينا تهدا (وتعرف انه هدى لما تلاقيه بيستعرض زعانفة من غير ما يخبط فى الدورق بجانب راسه او ينفخ خياشيمه) دة معناه انه هدى وجاهز للتزاوج وفى الحاله دى بننزل الانثى فى الحوض بس برفق علشان منهدش العش.

تتم عمليه التزاوج زى ما فى الصور التاليه وهنا تخرج الانثى من 3 الى 5 بيضات(بص على الصوره 10 فى عمليه التعصير) يلتقطهم الذكر بفمه ويقوم بتثبيتهم فى العش, الموضوع دة حايتكرر حوالى 100 مره او اكثر واول ما تلاقى الذكر بعد عن الانثى او بدا يبعدها عن العش نرفعها من الحوض علشان ميموتهاش (خوفا" على عياله).

فى الفترة دى الذكر حايمتنع تماما" عن الاكل وحايقضى الوقت كله بيلم البيض اللى بيقع على الارضيه ويرجعه فى العش ويبعد اى تهديد حقيقى او وهمى (علشان كدة بلاش نستفزه بالنور العالى مثلا او نقرب وشنا من الحوض).

البيض بيفقس بعد حوالى من 24 الى 36 ساعه وبمجرد فقس البيض يترك ليك خيارين اما نسيب الذكر لغايه ماالصغار تسيبوا العش او نشيله بمجرد الفقس وانا افضل نشيله مع الفقس لان حصل معايا قبل كده ان اب حنون ومطلع 4 عشوش كامله اكل عياله كلهم بدون اى مناسبه!

بالنسبه للاكل الطحالب الخضراء والانفيزوريا مهمه جدا(سبق وشرح لنا نينجا ازاى بتتجهز برطماناتها) اما فقس بيض الجمبرى فهو ضروره علشان العش كله يعيش وكمان اللون بناع السمك يتظبط.

الولدة تتساب فى الحضانه اسبوعين بس كل يوم نشيل كوبايتين مياه ونحط مكانهم كوبايتين جداد (ميه مركونه عده ايام) بعد كده بنهايه الاسبوعين لازم الولده تتنقل بمياهها الى حوض اكبر ونزود مياه يوميا بردة بس من غير ما نشيل مياه من الحوض الجديد ولازم هنا يكون فيه فلتر بس سفنج عادى علشان ما يعملش تيار هوا قوى.

اول ما السمك بيدا يلون وزعانفة تكبر لازم نعزل الذكور عن بعض علشان ما يحصلش معركه (بيكونوا هاديين ومافيش مشاكل ومرة واحده بدون سابق انذار بتبدا حرب ضروس وبتنتهى سريعا زى ما بدات بدون اى احياء حتى الاناث واخينا المنتصر كله بيتفرم ضرب!!!!)

بالنسبه لسن التزاوج فالعامل الرئيسى فى التزاوج هو الاستعداد مش السن يعنى لو ذكر متربى فى بيئه صحيه ووفره غذاء احسن بكتير من اللى عمره اكبر بس مظلوم فى دورق صغير مثلا" وعموما انا شخصيا بافضل احط ذكر مستورد مع انثى مصرى واجمل حاجه فى الفايتر انك بنقعد تلعب بالالوان ظهرت سلالات زعانفها مشرشره بالكامل جميله وتفريخها سهلزى مانت عاوز وكمان داوقتى

واحنا بنستورد الفايتر فى مصر من سنغافوره وتايلاند )مستوردين الاسماك بيتعاملوا مع البلدين دول بس) وان كان الفيتر اساسا من دولة سيام.


ودى مجموعة صور لعمليه التزاوج














وانا عملت زي الطريقه دي ونجحت 100 % وفرخ عندي لسا قريب
__________________

[خبير الحيوانات جميعا]

اى خدمه