هل قطتي بتموت

[بادجي2]

ساعدوني قطتي عمرها شهرين كانت تعاني من الاسهال لها كم يوم وهي عندي واليوم قمت وهي موسخة نفسها بالاسهال فحممتها ودحين لها ساعة وهي لافه نفسها على بعض راسها بين رجولها وتنفسها بطيئ مدري هي بتموت والمشكلة مقدر اوديها دحين البيطري بالله ساعدوني

[دلوعةقطوتي]

اهلين
مفروض ماحممتها بس غسلت المكان اللي موسخه نفسها فيه او مسحتها بمناديل الاطفال لانها صغيره وماعندها مناعه
قص الشعر اللي حول المنطقه عشان مايمسك فيه براز
حاليا جففها تمام وتاكد من حرارتها المس داخل اذنها وبعدها عن المكيف
واعطيها مهلبيه او سيريلاك بالقمح او الرز لحد مايوقف الاسهال
وقف الحليب الاجبان الاسماك لانها تزيد الاسهال

[بادجي2]

الله يسعدك يارب على الرد دحين هي اهون من اول اكلمها وترفع راسها وتطالعني ووسخت كمان على نفسها ومسحت لها زي ما قلتي طيب الاسهال مالو علاج اقدر اشتريه من الصيدليه ولكي جزيل الشكر

[مستر عزوز]

علاجه على ما اضن مهلبيه

انا قد قريت رد لدلوعة قطوتي تقول مهلبيه

[دلوعةقطوتي]

الله يسعدك يارب على الرد دحين هي اهون من اول اكلمها وترفع راسها وتطالعني ووسخت كمان على نفسها ومسحت لها زي ما قلتي طيب الاسهال مالو علاج اقدر اشتريه من الصيدليه ولكي جزيل الشكر

الله يشفيها يارب
انا افضل الاشياء الطبيعيه عالادويه اهم شي وقف الحليب والاشياء الباقيه
اكلها طول اليوم مهلبيه بدون سكر ولو حاب تضيف شويه عسل مع زبادي كويس لها ويطهر معدتها
وبعدين اكلها دجاج مسلوق مع رز مصري وبطاطا او دجاج مسلوق مع مرقته مخلوط بنشاء يساعد على وقف الاسهال المهم انها تاكل والاهم انها تشرب مويه عشان مايجيها جفاف
لو عندك محلول بيبي لايت من الصيدليه اعطيها منه عشان مايجيها جفاف

[vampire-TW]

وعليكم السلام ورحمه الله وبركاته
ضروري انه تجففها تمما و ما تعرضها مباشرة للتكيييف
+ تاكد من الحرارة عبر لمس جوا الاذن او التيرموميتر اضمن..
وقف التونه و كل منتجات الالبان معدا الزبادي
واعطيها مهلبيه
( 4 ملاعق نشا على ثلاث ارباع كوب ماء وربع كوب حليب )
ويحلى ويرفع على النار حتى تمام النضج وياكل القط
ولو بالغصب فتلك الطريقه توقف الاسهال
و يأكل القط المهلبيه مره كل يوم
اعطيه زبادي..سيريلاك بالرز..دجاج مع خضر مهروسة
+كثر لها السوائل حتى ما يجيها جفاف
افضل تجرب العلاجات الطبيعية و لو ماتحسنت يبقا راح اعطيك العلاج
الله يشفيها