عندي مشكلة اتمنى تشوفولي حل

[ولد امس]

بسم الله


السلام عليكم


يا اخوان انا اللي عندي دجاجتين كبار ومعاها ديك واشتريت معاها دجاجتين صغار ومعاها ديك بس صغار اشتريته من سوق جرول الحراج في مكة الدجاج والديك الواحد ب 10 ريال بس شكلي انغشيت في لأن حتى اخوي الكبير يقول الديك اللي تمام بيكون سعره على 25 او 30 وحتى الدجاج بيكون اغلى من 10 شوي اول شيء الديك اللي عندي ابد ما اشوفه يلقح الدجاج وثاني شيء الديك مايصيح يعني في الصبح او قبل الصبح يعني كأن ماعندي ديك وزود على كذا الدجاج الكبر ينقر الدجاج الصغار وانا بصراحه حاس اني انغشيت كان المفروض اخذ دجاج وديك اغلى من كذا علشان يكون مضمون ولو ان اغلب الناس يشترون من هذا الرجال ب 10 عادي يعني يمكن يطلع العيب مو في الدجاج في الديك لأن الديك لا يصيح ولا يلقح الدجاج ولا شيء من جد يقهر ومدري وش اسوي اتورطت ودي ابيعها كلها واشتري من اللي اسعارها على 25 30 يمكن يطلعون احسن شوفولي حل تكفون


وعندي سؤال لأهل مكة هل سوق جرول الحراج شغال في ايام الأسبوع

[mkdsh]

يالغالي نزل صوور وان شاء الله نفيدك

وحاول تعطيهم طعام صحي وان شاء الله يتحسنوون

جرجير كراث ثوم بصل خس بصل اخضر ..مضادات حيويه .. فتمينات

ولا تفكر يالغالي انك تبيعهم

اكسب اجرهم بعالجهم وانا اخوك

بالتووفيــق>>ولا تنسى تنزل الصوور

[حي ومانسيت]

اخوي الديك مرةسعره رخيييييييييييييص
والديك يبيله يتعود على المكان بعدين يشتغ انامرةشريت ديك قعد اسبوع او اسبوعين ماياذن بعدين بعته بسبب ازعاجه يعني لاتحكم على الشي من البدايه

[ولد امس]

مشكور يا اخوان اجل ابي اخليها عندي اسبوع واشوف بس اللي قاهرني ان الديك مايلقح الدجاج يعني بالعربي مايركب على الدجاج وبغيت اسأل من وين اجيب الفيتامينات وهي اسمها بس فيتامينات


وهذا فديو للدجاج
http://www.youtube.com/watch?v=sovfW6svnXk

[mkdsh]

الفيتمينات من عند صيددليه بيطريه
ويـآبوي الظآهر كل اللي عندك دجاج
واقولك أفضل تجيب صووره ثابته أحسن من فديو
ويليت توضح لنا وين الدجاج ووين الديكه
بالتوفيق

[ولد امس]

طيب يالغالي اصورهم ان شاء الله بالكثير الساعه 7 الصبح اجيب الصور

[ولد امس]

هاذي الصور وانا كاتب عليها الديك اذا مو واضح الكتابة قرب الصورة وشوف ليه اذا الدجاج هذا يقدر يبيض ولا صغير واذا تعرف قلي وش نوعه لأني مدري وشكرا


http://im9.gulfup.com/2011-08-07/131268660261.jpg

[mkdsh]

والله يالغالي الصغار صعب فيهم تفريق الاجناس :)

والظاهر ان كل اللي عندك دجاج :)

وانا كنت اشك ان اللي في الخلف ديك بس تقولي دجاجه والظاهر انه دجاجه

عالعموم الديك يصيح من عمر الاربع اشهر

والدجاج يبيض من عمر سبع شهور تقريبا

وانت اللي عندك اتوقع صغاار توهم ع التبييض

مووفق

يليت ان كنت تبي العلم الاكيد
تمسك واحد واحد من الكبار وتصور صوره واضحه وثابته فيها الدجاجه

عشانك والله تعبتنا بالصور ذي :(

واما الفراخ صغار ماتقدر تفرق باجناسهم

بالتوفييـــق

[ولد امس]

يالغالي الفراخ اعرف جنسهم وبعدين انا لاحظت شيء ان الدجاجه البيضاء المنقطه تنقر الديك وتنقر الفراخ وتنقر الدجاجه الثانيه بغيت اسألك اخوي يعني دجاجي صغير ولا يبيض يعني ابدله واخذ اكبر منه ولا كيف

[HeroMary]

المنقطه شكلها ديك
لأن الي كله ينقر يعتبر رئيس القطيع ههههه
حارس لين ما يوصل عمرهم 4 شهور
الي اخافه يطلعون مثل الدجاجه الي اشتريناها يوم كنا صغار صار ليها سنه مادري ثنتين و للحين نفس الحجم مع العلم هي فرخت البيض مرتين (مشترينه ليها)

[mkdsh]

يالغالي اللي عندك كلهم دجاج
وبكيفك انت
شوووف الدجاجات كلهم كذا
ينقرون بعض وابدا ماينقرون الديكه اللي يلقحونهم ابد ..
وبعدين دجاجك اعمارهم مو بعيده عن الاربع شهووور
والظاهر وزي ماقلت لك هم دجاج
بالتوفيق

[سميح]

اخوي كم عمر الديك
يجب ان يبلغ الديك 6 اشهر وبعده نستطيع القول ان الديك يلقح الدجاج