حب دوار الشمس محمص ينفع للكاسكو او لا؟؟

[Mariama]

السلام عليكم

عندي سوال عن اكل كاسكو حب دوار الشمس اذا كان محمص عادي ياكله او يعورله بطنه الان فليل

البارحه عطيته هو ماصارله شي بس انا اسال وياريت القى جواب سريع وشكرا لكم



اختكم مرياما

[*هاوي البادجي*]

طبعا لا

لأانه فيه حموضه قويه


فما ينفع معه يمكن يأثر به



تحياتي

*فواز*

[Mariama]

شكرا اخوي انزين شوو اعطيها غيره يمتنها الاني ابا اعطيها اكل صحي ومفيد

[fawzi]

هلا اختي بالنسبه الي الحب الشمسي المحمص انا ماانصحج فيه واذا كان مالح راح ياثر على البغبغاء طبعا فيه عده انواع من البذور تقدرين تعطينها الي البغبغاء نفس الذره والفاصوليا الخضراء العدس حب الهريس المنقوع في الماء فيه اشياء كثيره البغبغاوات تحبها وتكون طبعا مفيده له التنوزيع في الاكل يفيد ويقوي صحه الطير عندك الخضراوات نفس الخس الجزر الملفوف والقرنبيط مفيد للبغبغاوات الفواكهه نفس العنب الاحمر ,التفاح ,الكمثرى,الفراوله,
المانجو المجفف والانناس المجفف ويوجد في السوبرماركت هذه اشياء البغبغاء يحبها ويجب انا نعود طيورنا على الاشياء المفيده ...

[Mariama]

شكرا اخوي بس انا سمعت انه الخس يسويله سهال تكرمون

[fawzi]

هذا مايعتبر اسهال ضار هو نسبه الالياف والماء في الخضراوات والفواكه عاليه فيصير البراز وانتي بكرامه نفس السائل وهذا شيء طبيعي ولافيه اي مشكله ..

[Mariama]

شكرا اخوي ع خبرتك جزاك الله خير

[fawzi]

حياج الله اختي

[صاحب الشاطي]

احسن شي انه تروحين محل مال اطيور و تشترين حبوب مشكله عسب ينوع الطير و مع الاشياء الي قالها اخوي فواز

[Mariama]

ان شاء الله ها الي بيصير وتسلم خيوو ع مرورك وماقصروا الاخوان بنصايحهم الله لا يحرمني من خبرتهم p:

[oasa_123]

ما ينفع

[Mariama]

اخي الكريم Fawzi بخصوص حب الهريس المنقوع فالماي كم انقعه يوم كامل ولا شوي وبعد ما انقعه اخليه برع لين

مايجف الماي عنه صح اسفه اخوي بس ابا بالتفصيل عشان اخاف اعطيها شي غلط