معاناتك مع ببغاواتك

[Skippy]

بسم الله الرحمن الرحيم
السلام عليكم ورحمة الله وبركاته
اخواني واخواتي اعضاء هذا المنتدى الرآئع
كيف حالكم .. انشاءالله بالف صحه وعافيه

الموضوع كالتالي :-
1) تكتب معاناتك اللي صارت لك مع ببغاءك ؟
2) كم اخذت عضه منه ؟
3) كيف كان يجعر (اذا شافك ، إذا قربت منه ، إذا حاولت تمسكه ، ...الخ) ؟
4) كم مده التوليف ( شهر ، شهرين ، ثلاث اشهر ، ....الخ) ؟
5) كيف النتيجه الحين (تولف ، تولف على لخفيف ، لم يتولف) ؟
6) اي طرق استخدمتها للتوليف (بالتجويع ، مع الوقت ، بالجلوس معه مدة طويله ، ....الخ) ؟
7) واذا فيه زياده ياليت تخبرنا .

ارجوا التفاعل هذا اول موضوع لي بعد الإنقطاع .

تحياتي اخوكم ابو فيصل ..،

[ابو محمــد]

وعليكم السلام ورحمة الله وبركاتة

1) تكتب معاناتك اللي صارت لك مع ببغاءك ؟

ليس هناك اي معناه ولله الحمد واعتبرها ترفيه للوقت الزايد

2) كم اخذت عضه منه ؟

حدث ولا حرج

3) كيف كان يجعر (اذا شافك ، إذا قربت منه ، إذا حاولت تمسكه ، ...الخ) ؟

اغلب الطيور اللي اقتنيتها كانت تجعر ولكن مع الوقت والصبر وكسب الثقة تختفي .

4) كم مده التوليف ( شهر ، شهرين ، ثلاث اشهر ، ....الخ) ؟

كوكو اقتنيته اليف باقي الطيور غير اليفة وتختلف في التوليف لكن اكثر مده كانت مع شجااع 3 شهور

5) كيف النتيجه الحين (تولف ، تولف على لخفيف ، لم يتولف) ؟

تقدر تقول 90 في المئة

6) اي طرق استخدمتها للتوليف (بالتجويع ، مع الوقت ، بالجلوس معه مدة طويله ، ....الخ) ؟

الجلوس معة مدة كافية والصبر

7) واذا فيه زياده ياليت تخبرنا .

في زيادة وزيادات وكل ما عليك ان تبحث عن مواضيعي في التدريب ;)

اشكرك على الطرح المميز

بالتوفيق.

[*هاوي البادجي*]

طبعا طيوري كلهم اليفين

ولكن بقولك سالفة الترويض

مع الكوكاتو

1) تكتب معاناتك اللي صارت لك مع ببغاءك ؟

طبعا العض لأان عضت الكوكاتو قويه قويه قويه و حجمه الكبير

2) كم اخذت عضه منه ؟

انا حذر من عضته

ولكن جربت حوالي ال10 عضات


3) كيف كان يجعر (اذا شافك ، إذا قربت منه ، إذا حاولت تمسكه ، ...الخ) ؟


الكوكاتو ما يجعر :)

4) كم مده التوليف ( شهر ، شهرين ، ثلاث اشهر ، ....الخ) ؟

تقريبا شهر ونص

5) كيف النتيجه الحين (تولف ، تولف على لخفيف ، لم يتولف) ؟

تولف ولكن على الخفيف


6) اي طرق استخدمتها للتوليف (بالتجويع ، مع الوقت ، بالجلوس معه مدة طويله ، ....الخ) ؟

لا مو بالتجويع بالصبر صبرت عليه لما صار شوي يتطمن لي وبدات في ترويضه


والترويض ما يحتاج تجويع

7) واذا فيه زياده ياليت تخبرنا .

اجبت عن كل اسألتك




وانشاء الله انك استفدت وغيرك استفاد


زطبعا للحين الطير قول وليف 60%

يعني على الخفيف جدا


وجزاك الله خير على الموضوع يا مبدع


تحياتي


*فواز*

[kitty]

صباح الخير وحياك الله

1) تكتب معاناتك اللي صارت لك مع ببغاءك ؟
والله اول شي ولازال العععععععععععععععض

2) كم اخذت عضه منه ؟
خمس لا عشر لا والله ياااااااكثرها:

3) كيف كان يجعر (اذا شافك ، إذا قربت منه ، إذا حاولت تمسكه ، ...الخ) ؟
والله في البدايه لما شافني بعدين لما احاول امسكه بس بعد شهر من المحاولات استسلم

4) كم مده التوليف ( شهر ، شهرين ، ثلاث اشهر ، ....الخ) ؟
شهر وباااااااااااااااااااااااااااااااااااااااقي المشوار طويل :
D
5) كيف النتيجه الحين (تولف ، تولف على لخفيف ، لم يتولف) ؟
والله ساعات شبه احباب وساعات مصارعه يعني باقي راسه يابس شوي

6) اي طرق استخدمتها للتوليف (بالتجويع ، مع الوقت ، بالجلوس معه مدة طويله ، ....الخ) ؟
احاول اجلس معه شوي واسولف له اما التجويع قلبي مايطاوعني ....

7) واذا فيه زياده ياليت تخبرنا .
عندي سياسه الوقت افضل شي يعني اصبر عليه والخاطر وسيع .....
والايام تجيب راسه

مشكورررررررررر والله يعطيك العافيه :12:

[عادل عبدالله]

وعليكم آلسلام ورحمة الله وبركآته

اهـلآ اخـي ابـآ فـيصل ..
ولـله آلحمـد وآلمـنّه نحـن بتـمام آلصـحه والعآفـيه ..

- -

1)بـآلنسبه لما حدث لـي مع طائـري او طيوري
لمـ تكن معآناه بـل كانت درسا اتعلّمه من دروس آلحـياه / ’

2) لآ تحصى ولا تعدّ كثيرة جدآ / ’

3) آذا قرّبت منه وآذا جيت آمسكه / ’

4) يومين .. / ’

5) توّلف على خفيف في هاليومين .. بعدين صآر اليَف / ’

6) آلتجويع لمدة بسيطه .. والجلوس معه لمدة طويله / ’

7) ( آعدّ الطيور كـ فرد من آفراد الآسره ولا قصّر معها في شيئ بأذن الله ) ..
- -

بآلتوفيق // ~ [/]

[Skippy]

ابو محمــد
ياهلا فيك اخوي بو محمد
شرفتني بمرورك .. وماشاءالله على طيورك الله يحفظها لك.

*هاوي البادجي*
اهلين اخوي فواز
ماشاءالله على طيرك الكوكاتو .. الله يحفظه ويخيله لك إنشاءالله.

kitty
اهلاً تخي
الله يكون بعونك
تحمليه ولا تعصبين عليه .

عادل عبدالله
هلاُ فيك اخوي عادل
كيف العضه قصدي العضات قويه ؟
واشكرك على امرورك العطر.

[abody18]

[QUOTE=Skippy;2236888][SIZE="4"]بسم الله الرحمن الرحيم
السلام عليكم ورحمة الله وبركاته
اخواني واخواتي اعضاء هذا المنتدى الرآئع
كيف حالكم .. انشاءالله بالف صحه وعافيه

وعليكم السلام ورحمــه الله وبركآته ’’

الموضوع كالتالي :-
1) تكتب معاناتك اللي صارت لك مع ببغاءك ؟
مافي اي معاناه

2) كم اخذت عضه منه ؟
30 عضه

3) كيف كان يجعر (اذا شافك ، إذا قربت منه ، إذا حاولت تمسكه ، ...الخ) ؟
بس افك باب الغرفه يجعر ونفسه يفترسني :D

4) كم مده التوليف ( شهر ، شهرين ، ثلاث اشهر ، ....الخ) ؟
اقل من شهر:cool:

5) كيف النتيجه الحين (تولف ، تولف على لخفيف ، لم يتولف) ؟
تولف

6) اي طرق استخدمتها للتوليف (بالتجويع ، مع الوقت ، بالجلوس معه مدة طويله ، ....الخ) ؟
العين الحمرا:angry::D:D


بس عندي ملاحضه احسه يوم اناديه يجيني من الخوف مو عشانه يحبني !

موضوع جميل ابو فيصل استمر

[كاليبسو]

1
السلام عليكم
) تكتب معاناتك اللي صارت لك مع ببغاءك
الجعير الزائد

2) كم اخذت عضه منه ؟
حدث ولا حرج
3) كيف كان يجعر (اذا شافك ، إذا قربت منه ، إذا حاولت تمسكه ، ...الخ) ؟
اذا قربت منه واذا حاولت امسكه
4) كم مده التوليف ( شهر ، شهرين ، ثلاث اشهر ، ....الخ) ؟
شهر ونصف
5) كيف النتيجه الحين (تولف ، تولف على لخفيف ، لم يتولف) ؟
تولف على خفيف بنسبة 80%

6) اي طرق استخدمتها للتوليف (بالتجويع ، مع الوقت ، بالجلوس معه مدة طويله ، ....الخ) ؟
كل الطرق بدايتا بالتجويع والصرااخ والعنااد كنت احط خشمى قدامه
واخليه يجعر الى ان يتعب من كثر الجعير الى ان استسلم
7) واذا فيه زياده ياليت تخبرنا .
الزياده انى ما كنت متوقع هذى النتيجه
اول ما شفته وبديت معاه من قوة وحشيته
بس لله الحمد تغير الحال

[صوغة]

بسم الله الرحمن الرحيم

1) تكتب معاناتك اللي صارت لك مع ببغاءك ؟

امتلكت 3 ببغوات
1كاسكو كبير عين صفرا جاني هدية جربت معه كل طرق الاخوان بالمنتدى على مدى 3 سنوات ولا فاد شي الا اللهم خف الجعير وتصفيرااات متنوعه وبطلت احاول لاني فشلت فشل ذريع

1فرخ كاسكو هولندي من اخذته اليف وتعلق فيني بقوة لدرجة لجا يناام وهو عندي يجي لين يدي ويصعد حضني وينااام من أول يوم لكن خسرته بساعات بعد 20 يوم من امتلاكه

1-درة ماعانيت معها شي لاانها معي وهي فرخ وحاليا عمرها سنتين الله يحفظها

2) كم اخذت عضه منه ؟

أخذت عضات من الكاسكو الكبير لدرجة اني مره بغيت افتح الشباك واطيره

وأخطر عضة كانت بمحاولة أعلمه يصعد على اليد بطريقة ألاخ سكر ببانيو كله ماي وفعلا مالقى الا يدي تنقذه من الماي وجا وصعد عليها وانتظرت فتره عشان يرتاح بس كان ثقيل على يدي تو رفعت يدي الا هو قاضم ابهامي ههههههههه عضة ودتني المستشفى ..

3) كيف كان يجعر (اذا شافك ، إذا قربت منه ، إذا حاولت تمسكه ، ...الخ) ؟

يجعر بكل الحالات لو تمر جنبه لو اتغير له الاكل لو يشوفك بكل الحالات
4) كم مده التوليف ( شهر ، شهرين ، ثلاث اشهر ، ....الخ) ؟

سنتين وعليها ههههههههههه

5) كيف النتيجه الحين (تولف ، تولف على لخفيف ، لم يتولف) ؟

لم يتولف ابدا ابدا صار حارس للبيت ماغير يصارخ كل ماشاف احد
6) اي طرق استخدمتها للتوليف (بالتجويع ، مع الوقت ، بالجلوس معه مدة طويله ، ....الخ) ؟

استخدمت المنشفة طريقة الاخ سكر
استخدمت الجلوس والسوالف << ماكانت تسمع سوالفها من الجعير
استخدمت التجويع لاني مضطرة
استخدمت العصا والعسل للاخ ابو محمد
استخدمت البانيو والماي بعد للاخ سكر
استخدمت الاهمال
استخدمت الصبر لانه كل ماحاولت اقرب منه يزيد جعير فاصبر بعد شهر وهكذا

اما الهولندي والدرة من يومهم اليفيين

7) واذا فيه زياده ياليت تخبرنا .

الزيادة انه نصيحة اذا حاب تشتري كاسكو ابتعد عن ابو عين صفرا الوحشي المصيود
لو اتعيش معه بالقفص ماتروض
بيعيش وصحته والحمدلله وماهمه اتحطه بغرفه فيها تكيفيين بس بيظل كديكووور بالبيت ..

..،


والف شكرعلى الموضوع

[*هاوي البادجي*]

لالالا

اختي صوغه انتي ما تعرفين تروضين


انا ياما دربت واحد بو عين صفرا


ومتزوج بعد


ترا الترويض سهل بس انتي حساسه

اي اي اي انتي حساسه


تحياتي


*فواز*

[Skippy]

abody18
شكراً على مرورك العطر
والله يحفظ طيورك لك.

كاليبسو
الحمدلله انه تولف
والله يحفظه لك.

صوغة
هذا طلع كلب مو ببغاء
الله يكون بعونك وحاولي ولاتسأسين
شرفتيني بمرورك
والله يحفظ طيرك الدرة.

[مجنون بالببغاء الرمادي]

1) تكتب معاناتك اللي صارت لك مع ببغاءك ؟
معاناتي انه كان ماياكل الا الحب الشمسي وعنيد ببغاي بالمره

2) كم اخذت عضه منه ؟
كثير يمكن باليوم من 9-20 عضه هههههههههه بس كان صغير ! ف ماكان يعورني

3) كيف كان يجعر (اذا شافك ، إذا قربت منه ، إذا حاولت تمسكه ، ...الخ) ؟
اذا لمسته واذا قربت منه الحين لا بس اذا جاء احد لمه فجاه يعر

4) كم مده التوليف ( شهر ، شهرين ، ثلاث اشهر ، ....الخ) ؟
3شهور تقريبا

5) كيف النتيجه الحين (تولف ، تولف على لخفيف ، لم يتولف) ؟
تولف علي انا مرره بعد يعني اذا افني يقول راسك راسك وينزل راسه بعدين انا مالمسه بشوف وش يسوي :D عاد يسحب راسه لين يدي هههههههههههه بعدين يحط راسه عند يدي ويقول راسك ينرحم ههههه


6) اي طرق استخدمتها للتوليف (بالتجويع ، مع الوقت ، بالجلوس معه مدة طويله ، ....الخ) ؟
بالجلوس معاه فتره طويله والعب معه

[Skippy]

مجنون بالببغاء الرمادي
اووف كيف العضه قوية؟
انا الحمدلله ولا مره :p
ومشكور على المرور.

[دره وبادجي]

بسم الله الرحمن الرحيم

شكرا على الموضوع كنت محتاج له

يا الطيب انا عندي دره هنديه كله تخاف مني وتعض ما ادري شسوي معاها

هو ذكر وعمره سنتين تقريبا

سالت بعضهم قالوا ما يقدرون يروضونه لانه كبير

حاولت اروضه ما في فايده

عضني مره و من عضني صرت اشله بالقفاز

اذا قربت منه يخاف و يشرد وينخش باي مكان ضيق

ويقعد يصارخ

كنت كل يوم ااكله تفاح من يدي ياكله بس احاول اكله حب يعضني

حاولت اجوعه وكان جوعاااااااان حاولت اعطيه حب عضني

ارجو المساعده

[Skippy]

دره وبادجي
اخوي الله يهديك بس
انت قريت الموضوع وماقريت وش داخله
على العموم مشمور على مرورك

[!* للصمت عنوان *!]

1 ما في اي معاناة :)
2 كثيييييييييييييييييير بس فداه اليد كلها :88:
3 انا عندي زوج بادجي ما يجعر :p
4 شهر ومستمرررررررر
5 الذكر تولف على خفيف 20% اما الانثى ما تولفت وشكلي راح ايأس منها هي تاكل من يدي بس ما تاكل الا بعد ما تعض فيني
6 كلها :D
ومشكو على الموضوع الرائع :freind:

[Skippy]

!* للصمت عنوان *!
كيف العضات .. قوية ؟ :p
الحمدلله ماجتني ولا عضه
الله يخلي لك طيرك

[انس المسعود]

اخوي مشكور على الموضوع الشيق

انا عندي درتين الهم عندي شهرين

الدره الاولى روضتها اليييييييييييييفه مرة وتسمع الكلام وتعيد تصفير وتطلع معي على الشارع والثانية كانت شرسه كثيييير لكن مع الصبر بدات تخف لكن بدها شغل العض لا تسال حدث ولا حرج والترويض لي شهر ونصف ومستمر

[سعود حائل]

انا الصراحه
عني امزوني الحين بصراحه مزاجه غريب مرات مروق لو اقوله تعال جاني طيران ومرات يكرهني
اخذت عضات منه لين عرف طعم يدي هههههههه تصدق من كثر ماعضني تبلد احساسي الحين لا عضني عادي ماوخر يدي ههههه
لكن بعد طول عناء شهرين صار يطلع على يدي لو تلاحظ بالصوره هذي اول مره طلع فيها على يدي كانت بالغصب خليته يطلع ولو تلاحظ ذراعي حمرا من العضات ههههههههه

الان بدا يوالفني لكن للحين مايسمحلي المس راسه او جسمه فقط منقاره ورجوله لكن جسمه لا هههه
ومازال الترويض مستمر ..

[دره وبادجي]

بسم الله الرحمن الرحيم
السلام عليكم ورحمة الله وبركاته
اخواني واخواتي اعضاء هذا المنتدى الرآئع
كيف حالكم .. انشاءالله بالف صحه وعافيه

الموضوع كالتالي :-
1) تكتب معاناتك اللي صارت لك مع ببغاءك ؟
عدم التوالف معي وكثره العض
2) كم اخذت عضه منه ؟
مره وكانت هي الوحيده لانها كانت قويه لاكن اخوي كل يوم تعضه . يعني وااااايد
3) كيف كان يجعر (اذا شافك ، إذا قربت منه ، إذا حاولت تمسكه ، ...الخ) ؟
الدره ما تجعر بس تخاف مني تشرد تنخش وتصاااااااارخ
4) كم مده التوليف ( شهر ، شهرين ، ثلاث اشهر ، ....الخ) ؟
سته 6 اشهر
5) كيف النتيجه الحين (تولف ، تولف على لخفيف ، لم يتولف) ؟
تحسنت شوي بس امسح راسها مره و تفر راسها تحاول تعضني بس انا ابعد
6) اي طرق استخدمتها للتوليف (بالتجويع ، مع الوقت ، بالجلوس معه مدة طويله ، ....الخ) ؟
التجويع بس جوعته وحاولت ااكله ما ياكل الحب ينزل راسه ويعضني
7) واذا فيه زياده ياليت تخبرنا .

تسلم مافي شي:12:

[دره وبادجي]

تردتي تعض

[دره وبادجي]

بسم الله الرحمن الرحيم
السلام عليكم ورحمة الله وبركاته
اخواني واخواتي اعضاء هذا المنتدى الرآئع
كيف حالكم .. انشاءالله بالف صحه وعافيه

الموضوع كالتالي :-
1) تكتب معاناتك اللي صارت لك مع ببغاءك ؟
كثره العض وعدم التوالف معي
2) كم اخذت عضه منه ؟
مره وكانت الوحيده لانه كانت قوويييه بس اخوي الاكبر كل يوم تعضه , يعني وااااااااااااااايد
3) كيف كان يجعر (اذا شافك ، إذا قربت منه ، إذا حاولت تمسكه ، ...الخ) ؟
ما يجعر بس يشرد وينخش ويصااارخ
4) كم مده التوليف ( شهر ، شهرين ، ثلاث اشهر ، ....الخ) ؟
سته 6 شهور
5) كيف النتيجه الحين (تولف ، تولف على لخفيف ، لم يتولف) ؟
يعني قول 80 %
6) اي طرق استخدمتها للتوليف (بالتجويع ، مع الوقت ، بالجلوس معه مدة طويله ، ....الخ) ؟
التجويع و مع الوقت بس مافي فايده
7) واذا فيه زياده ياليت تخبرنا .
تسلم مافي شي:)

[ابو مزنه]

السلام عليكم اخواني اهني الكاتب على هذا الموضوع المفيد والرائع

1) تكتب معاناتك اللي صارت لك مع ببغاءك ؟
عانينا كثير مع الببغاءات بسبب كثرة شرائي للطيور منها اللي يطير ومنها اللي
منها اللي يطير ومنها اللي يموت والله يعوض علينا بالخير

2) كم اخذت عضه منه ؟
عد وأغلط وكانت أخطر عضه كانت قريبه من العين ولكن الله ستر

3) كيف كان يجعر (اذا شافك ، إذا قربت منه ، إذا حاولت تمسكه ، ...الخ) ؟
على حسب الطير بعض الطيور من حين يشوف خشتك الا وهو كنه شايف جني
قدامه والبعض هادي شوي ويهجد

4) كم مده التوليف ( شهر ، شهرين ، ثلاث اشهر ، ....الخ) ؟
اقل مدة توليف كانت ساعتين واكثر مده شهر ولكن يصعب علي توليف الببغاء الامزوني
والغيني بالذات مع ان الغيني اللي ابي اولفه كان فرخ ولكن فشلت في توليفه

5) كيف النتيجه الحين (تولف ، تولف على لخفيف ، لم يتولف) ؟
البعض 100 % والبعض اذا كان كبير يكون صعب شوي

6) اي طرق استخدمتها للتوليف (بالتجويع ، مع الوقت ، بالجلوس معه مدة طويله ، ....الخ) ؟
عديده ومنها التجويع والمويه والتمسيح والصبر اهم شئ وشاكر لكم

[Sayed Ebrahim]

السلام عليكم ورحمة الله وبركاته
وعليكم السلام ورحمة الله وبركاته
اخواني واخواتي اعضاء هذا المنتدى الرآئع
كيف حالكم .. انشاءالله بالف صحه وعافيه

الموضوع كالتالي :-
1) تكتب معاناتك اللي صارت لك مع ببغاءك ؟
اوووه اما انا الي عندي عنيد ودايما يجعر 2)
كم اخذت عضه منه ؟
بس 5 عضات الي خلت راسي يفتر من قوتهم والباقي على خفيف :
3) كيف كان يجعر (اذا شافك ، إذا قربت منه ، إذا حاولت تمسكه ، ...الخ) ؟
أول ما شريته كان من يشوفني يجعر اما الحين اذا قربت منه يطلع صوت خفيف واذا حاولت امسكه يجعر بس مو مثل اول ماشريته4
) كم مده التوليف ( شهر ، شهرين ، ثلاث اشهر ، ....الخ) ؟
ثلاث اشهر تقريبا بس التوليف ماكان مستمر بسبب المشاغل5
) كيف النتيجه الحين (تولف ، تولف على لخفيف ، لم يتولف) ؟
الحمد الله تولف على خفيف صار يركب على اليد اذا قلت له اركب ولا يعض وان شاء الله باخليه يجيني اذا قلت له تعال6
) اي طرق استخدمتها للتوليف (بالتجويع ، مع الوقت ، بالجلوس معه مدة طويله ، ....الخ) ؟
في البداية استخدمت التجويع لمدة 3 او 4 ساعات والحين هو مع الوقت يتعود عليي وعلى الاهل7
) واذا فيه زياده ياليت تخبرنا .

الطير عيبه انه مايصفر بس يطلع صوت لاهو جعير ولاهو صفير والي عنده مقاطع صوت أو طريقة تخليه يصفر يخبرني

وشكرا ياصاحب الموضوع

[Skippy]

انس المسعود
الله يخلهم لك
وشكراَ على مرورك .

سعود حائل
داخله جني اجل ؟
ههههههههههه
الله يخليه لك .. ،شكرا على مرورك.

دره وبادجي
مع الصبر راح تتقبل المسح والآكل من يدك
والله يحفظه لك ويخليك
شكرا على المرور .

ابو مزنه
اوف الحمدلله على سلامتك
كنت بتروح فيها
الله يحفظ لك طيورك
وشكراً على مرورك .

Sayed Ebrahim
الله يكون بعونك اخوي
والله يحفظه ويخليه لك
ومشكور على مرورك .